عثمان قادر کا پاکستان چھوڑنے کا فیصلہ، اب کس ملک میں کرکٹ کھیلیں گے؟
اشاعت کی تاریخ: 15th, January 2025 GMT
کرکٹ سے ریٹائرمنٹ حاصل کرلینے والے لیگ اسپنر قومی ٹیم کے سابق اسپن بولر عثمان قادر کرکٹ میں اپنا نیا مستقبل تلاش کرنے کے لیے آسٹریلیا واپس چلے گئے۔
انٹرنیشنل کرکٹر عثمان قادر نے نیو ساؤتھ ویلز میں رہائش اختیار کر لی ہے جہاں وہ سڈنی میں ہاکسبری کلب کی جانب سے کھیل رہے ہیں۔
یہ بھی پڑھیں: لیگ اسپنر عثمان قادر کا پاکستان کرکٹ سے ریٹائرمنٹ کا اعلان، وجہ کیا بتائی؟
عثمان قادر نے گزشتہ برس اکتوبر میں مایوس ہو کر پاکستان کرکٹ سے ریٹائرمنٹ لے لی تھی۔ وہ اپنے مرحوم والد عبدالقادر کی خواہش پر آسٹریلیا چھوڑ کر پاکستان آئے تھے۔
پاکستان کے سابق کرکٹر مرحوم عبدالقادر اپنے بیٹے عثمان قادر کو پاکستان کی جانب سے کھیلتا دیکھنا چاہتے تھے۔
عثمان قادر نے ایک ون ڈے اور 25 ٹی ٹوئنٹی انٹرنیشنل میچز میں پاکستان کی نمائندگی کی۔
مزید پڑھیے: سابق لیگ اسپنر مشتاق احمد بنگلا دیش کے اسپن بولنگ کوچ مقرر
عثمان قادر نے ساؤتھ آسٹریلیا کی نمائندگی کی۔ اس کے علاوہ وہ پرتھ اور ایڈیلیڈ کی جانب سے بگ بیش لیگ بھی کھیل چکے ہیں۔
انہیں آسٹریلیا کی پرائم منسٹر الیون کی جانب سے بھی کھیلنے کا اعزاز ملا۔
اب وہ آسٹریلیا میں ہی کرکٹ کھیلنے کا منصوبہ لے کر دوبارہ آسٹریلیا چلے گئے ہیں۔ ان کے اہل خانہ جو فی الحال پاکستان میں ہی ہیں بھی جلد آسٹریلیا چلے جائیں گے۔
عثمان قادر نے کہا ہے کہ کرکٹ ہی میرا روزگار ہے اور میں پرامید ہوں کہ کرکٹ میں ہی (آسٹریلیا میں) مجھے اچھے مواقع ملیں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
سابق کرکٹر عثمان قادر عبدالقادر عثمان قادر عثمان قادر آسٹریلیا لیگ اسپنر عثمان قادر.ذریعہ: WE News
کلیدی لفظ: سابق کرکٹر عثمان قادر عبدالقادر عثمان قادر ا سٹریلیا لیگ اسپنر عثمان قادر کی جانب سے لیگ اسپنر
پڑھیں:
پاکستان ویمنز کی بیٹر صدف شمس ان فٹ، دورہ آئر لینڈ سے دستبردار
پاکستان ویمن کرکٹ ٹیم کی بیٹر صدف شمس ان فٹ ہوجانے کے سبب دورہ آئرلینڈ سے دستبردار ہوگئیں۔ ان کی جگہ شوال ذوالفقار کا اسکواڈ میں شامل کر لیا گیا۔
ذرائع کے مطابق گھٹنے کی تکلیف میں مبتلا صدف شمس جمعہ کو پریکٹس میچ میں بھی شریک نہیں ہوئیں۔ ان کی متبادل شوال ذوالفقار ہفتہ کو کراچی میں اسکواڈ میں شمولیت اختیار کریں گی۔
دریں اثناپاکستان ویمن کرکٹ ٹیم کادورہ آئرلینڈ کے لیے چار روزہ حتمی کیمپ جمعہ کو ختم ہوگیا۔ہفتہ کو آرام ہوگا جبکہ اگلے روز اتوار کو قومی اسکواڈ اپنی منزل کی جانب روانہ ہوجائے گا۔
نیشنل اسٹیڈیم کے حنیف محمد ریجنل کرکٹ اکیڈمی اور اوول گراؤنڈ پرقومی تربیتی کیمپ میں اسکواڈ خصوصی ٹریننگ حاصل کررہاہے۔
ہیڈ کوچ محمد وسیم کیمپ کمانڈنٹ ہیں،جنید خان فاسٹ بولنگ کوچ، طاہر خان خان اسپن بولنگ کوچ، سعد فیلڈنگ کوچ اور اسفند ٹرینر کی زمہ داری ادا کر رہے ہیں۔
عالمی کپ کی تیاری کے لیے ہونے والی سیریز میں15 رکنی پاکستان ویمنز اسکواڈ فاطمہ ثنا (کپتان)،عالیہ ریاض، ڈیانا بیگ، ایمان فاطمہ،گل فیروزہ، منیبہ علی، نجیحہ علوی (وکٹ کیپر)،نشرہ سندھو، ناتالیہ پرویز، رمین شمیم، سعدیہ اقبال، شوال ذوالفقار، سدرہ امین، طوبیٰ حسن اور وحیدہ اختر پر مشتمل ہے۔
3میچز کی سیریز 6 سے 10 اگست تک ڈبلن میں طے ہے۔
دوسری جانب جمعہ کو اول گراؤنڈ پر پریکٹس ٹی ٹونٹی میچ میں گرین ٹیم نے بلوز کو 42 رنز سے شکست دے دی۔
کامیاب ٹیم نے پہلے بیٹنگ کرتے ہوئے مقررہ 20 اوورز میں 8وکٹوں پر 155 رنز بنائے۔عالیہ ریاض نے7 ساتھ چوکوں اور2 چھکوں کی مدد سے 38 گیندوں پر 57 رنز اسکور کیے۔ منیبہ علی نے 22 رنز جوڑے، امیمہ سہیل نے 3 وکٹیں اپنے نام کیں۔
جواب میں بلوز ٹیم 6 وکٹوں پر 113 رنز بنا سکی، طوبہ حسن نے26، ناجیہ علوی نے24 اور حفصہ خالد نے 23 رنز بنائے، فاطمہ ثنا نے2 وکٹیں حاصل کیں۔
ماڈل روچی گُجر نے فلم پریمیئر پر پروڈیوسر کو چپل مار دی ، 23 لاکھ روپے کے دھوکہ دہی کا الزام