پاکستان فیڈرل یونین آف جرنلسٹس کا اعلان
اشاعت کی تاریخ: 16th, January 2025 GMT
سکھر (نمائندہ جسارت) پاکستان فیڈرل یونین آف جرنلسٹس نے مرکزی انتخابات کیلئے 21 تا 23 فروری اسلام آباد میں بی ڈی ایم کے انعقاد کا اعلان کر دیا، جاری کردہ اعلامیہ کے مطابق پاکستان فیڈرل یونین آف جرنلسٹس کے صدر افضل بٹ ، سیکرٹری جنرل ارشد انصاری اور سیکرٹری فنانس لالہ اسد پٹھان نے اعلان کیا ہے کہ پی ایف یو جے کے سال2025-26ء کے انتخابات اور بی ڈی ایم اپنی اپنی مقررہ تاریخوں 21/22/23 فروری 2025ء کو اسلام آباد میں ہونگے جس کی تیاریاں شروع کر دی گئیں ہیں جبکہ تمام یوجیز بھی اسلام آباد بی ڈی ایم میں شرکت کے لئے اپنی تیاریوں کو حتمی شکل دیں۔ پی ایف یو جے کے فیصلے کے مطابق تمام یوجیز 31 جنوری 2025 ء تک اپنے انتخابی عمل کو مکمل کریں جبکہ بی ڈی ایم کے ممبران کا نیا انتخاب نہیں ہوگا ، سال2025-26ء کے انتخابات پرانی بی ڈی ایم ممبران کی فہرستوں پر ہی کرائے جائیں گے۔ پی ایف یو جے کی قیادت نے کہا ہے کہ جن یوجیز نے ابھی تک سبویشن فیس جمع نہیں کرائی وہ فوری طور پر پی ایف یو جے کے اکاؤنٹ میں جمع کرا دیں۔ جبکہ چند روز میں پی ایف یو جے کی سال2025-26ء کے انتخابات کے لئے قائم ‘‘الیکشن کمیٹی ‘‘ بھی اپنا مکمل انتخابی شیڈول بھی جاری کر دے گی۔
.ذریعہ: Jasarat News
کلیدی لفظ: پی ایف یو جے بی ڈی ایم
پڑھیں:
پاکستان ریلوے کا اسٹیشنز اور ٹرینوں میں ’اوگرا‘ سے منظور شدہ سلنڈرز کی چیکنگ مہم کا اعلان
وزیر ریلوے محمد حنیف عباسی نے ریلوے اسٹیشنز اور ٹرینوں میں استعمال ہونے والے سلنڈرز کی حفاظت اور معیار کو یقینی بنانے کے لیے OGRA سے منظور شدہ سلنڈرز کی چیکنگ مہم شروع کرنے کا اعلان کیا ہے۔
یہ اعلان وزیر ریلوے کی زیر صدارت ہونے والے اہم اجلاس میں کیا گیا جس میں مغلپورہ، اسلام آباد، اور اضاخیل ڈرائی پورٹس کی کارکردگی اور آمدن کا تفصیلی جائزہ لیا گیا۔ اجلاس کے دوران وزیر ریلوے نے کہا کہ تمام ریلوے اسٹیشنز اور ٹرینوں میں نصب گیس سلنڈرز کی جانچ پڑتال کا عمل OGRA کی منظوری کے مطابق مکمل کیا جائے گا تاکہ کسی بھی ممکنہ حادثے یا خرابی سے بچا جا سکے۔
مزید پڑھیں: اوگرا نے ایل پی جی سلنڈرز کی خرید و فروخت پر پابندی کیوں عائد کی؟
انہوں نے واضح کیا کہ کسی بھی غیر منظور شدہ سلنڈر کا استعمال ناقابل قبول ہوگا اور متعلقہ افسران کے خلاف سخت کارروائی کی جائے گی۔
وزیر ریلوے نے مزید کہا کہ ریلوے کی سروسز میں بہتری، مسافروں کے تحفظ، اور معیاری سہولیات کی فراہمی حکومت کی ترجیح ہے۔ اس مقصد کے لیے تمام اسٹیشن ماسٹرز کو صفائی، خوبصورتی اور سہولیات کی فراہمی میں بہترین کارکردگی دکھانے پر انعام دینے کا بھی اعلان کیا گیا۔
وزیر ریلوے نے اس عزم کا اظہار کیا کہ جو اسٹیشن ماسٹر بہتر کام کرے گا، اُسے ذاتی طور پر انعام دیا جائے گا۔ انہوں نے افسران کو ہدایت دی کہ وہ اسٹیشنز کے بار بار دورے کریں، مسافروں سے براہ راست رابطہ رکھیں اور ان کے مسائل موقع پر حل کریں۔
مزید پڑھیں: مردان میں گیس سلنڈر دھماکا: 6 افراد جاں بحق، 2 بچیاں زخمی
یاد رہے کہ 31 اکتوبر 2019 کو افسوسناک واقعہ پیش آیا تھا، جب پنجاب کے شہر رحیم یار خان کے قریب چلتی ٹرین میں مسافروں کی جانب سے لے جائے گئے گیس سلنڈر کے دھماکے کے باعث آگ بھڑک اٹھی، جس میں کم از کم 70 افراد جاں بحق اور متعدد زخمی ہو گئے تھے۔ یہ حادثہ پاکستان ریلوے کی تاریخ کے بدترین سانحات میں شمار کیا جاتا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
OGRA رحیم یار خان گیس دھماکا سلنڈرز وزیر ریلوے محمد حنیف عباسی
منگھوپیر میں کے الیکٹرک کی غفلت نے 2 گدھوں کی جان لے لی