اسپین میں کشتی حادثے میں 44 پاکستانی جاں بحق، دفتر خارجہ کا ردعمل
اشاعت کی تاریخ: 16th, January 2025 GMT
اسلام آ باد:
ترجمان دفترخارجہ نے تارکین وطن کی کشتی کے حادثے میں متعدد پاکستانیوں کے جاں بحق ہونے کی تصدیق کرتے ہوئے کہا ہے کہ سفارت خانہ مقامی حکام کے ساتھ رابطے میں ہے۔
ترجمان دفترخارجہ کی جانب سے جاری بیان میں کہا گیا ہے کہ مراکش میں پاکستانی سفارت خانے نے اطلاع دی ہے کہ ایک کشتی مراکش کی بندرگاہ الداخلہ کے قریب الٹ گئی ہے جو 80 مسافروں کو لے کر موریطانیہ سے روانہ ہوئی تھی۔
انہوں نے کہا کہ کشتی میں متعدد پاکستانی شہری بھی شامل تھے اور پاکستانیوں سمیت کئی زندہ بچ جانے والے افراد الداخلہ کے قریب ایک کیمپ میں مقیم ہیں۔
یہ بھی پڑھیں: اسپین؛ تارکین وطن کی کشتی ڈوبنے سے 44 پاکستانی سمیت 50 افراد ہلاک
ترجمان دفترخارجہ نے بتایا کہ ہمارا سفارت خانہ مقامی حکام کے ساتھ رابطے میں ہے اور متاثرہ پاکستانیوں کو سہولت فراہم کرنے کے لیے سفارت خانے کی ایک ٹیم الداخلہ روانہ کر دی گئی ہے۔
انہوں نے کہا کہ وزارت خارجہ میں کرائسز مینجمنٹ یونٹ فعال کر دیا گیا ہے، نائب وزیراعظم اور وزیر خارجہ اسحاق ڈار نے متعلقہ حکومتی اداروں کو متاثرہ پاکستانیوں کو ہر ممکن سہولت فراہم کرنے کی ہدایت کی ہے۔
مزید پڑھیں: اسپین کشتی حادثے میں پاکستانیوں کی ہلاکت، وزیراعظم نے رپورٹ طلب کرلی
ترجمان دفترخارجہ نے وزارت خارجہ کے یونٹ اور رباط میں فوکل پرسنز کے رابطہ نمبر بھی جاری کردیے ہیں:
وزارت خارجہ اسلام آباد کے رابطہ نمبر: 051-9207887 ای میل: [email protected]، رباط میں پاکستانی سفارت خانے کے رابطہ نمبر: رابعہ قصوری قائم مقام سفیر: +212 689 52 23 65 نعمان علی (قونصلر اسسٹنٹ): +92 310 2204672 ہیں ۔
.ذریعہ: Express News
کلیدی لفظ: ترجمان دفترخارجہ
پڑھیں:
عمران خان کی علی امین گنڈاپور کو عہدہ چھوڑنے کی ہدایت؟ وزیر اعلیٰ کے ترجمان کا ردعمل سامنے آگیا
پاکستان تحریکِ انصاف کے بانی چیئرمین عمران خان کی جانب سے خیبر پختونخوا کے وزیراعلیٰ علی امین گنڈاپور کو ممکنہ طور پر عہدہ چھوڑنے سے متعلق بیان کے بعد صوبائی حکومت کے ترجمان فراز مغل کا باقاعدہ ردعمل سامنے آ گیا ہے۔
ترجمان نے واضح کیا کہ خیبر پختونخوا حکومت بانی پی ٹی آئی کے وژن کی نمائندہ ہے۔ اگر وہ کہیں گے تو علی امین گنڈاپور بلا تاخیر عہدہ چھوڑ دیں گے۔
بیان کی تصدیق نہیں ہوئیفراز مغل نے کہا کہ عمران خان کے مبینہ پیغام کی کسی مستند ذریعے سے تصدیق نہیں ہو سکی۔ ان کا کہنا تھا کہ علی امین گنڈاپور پہلے بھی متعدد بار کہہ چکے ہیں کہ یہ حکومت بانی پی ٹی آئی کی امانت ہے۔
علی امین گنڈاپور کو عمران خان سے ملاقات کی اجازت نہیںترجمان نے شکوہ کیا کہ وزیراعلیٰ ہونے کے باوجود علی امین گنڈاپور اڈیالہ جیل میں اپنے قائد سے ملاقات نہیں کر سکتے، حالانکہ عدالتی احکامات بھی موجود ہیں۔ انہوں نے الزام عائد کیا کہ آئین و قانون کی کھلی خلاف ورزی کی جا رہی ہے۔
امن و امان کے قیام کے اقداماتفراز مغل نے بتایا کہ وزیراعلیٰ خیبر پختونخوا صوبے میں امن و امان کی صورتحال کو بہتر بنانے کے لیے مقامی سطح پر قبائلی جرگوں کا آغاز کر چکے ہیں۔ گزشتہ روز وزیراعلیٰ ہاؤس میں قبائلی عمائدین کا جرگہ منعقد ہوا۔ آئندہ دنوں میں ایک گرینڈ قبائلی مشاورتی جرگہ تشکیل دیا جائے گا۔
عمران خان کا بیانواضح رہے کہ گزشتہ روز پاکستان تحریک انصاف (پی ٹی آئی) کے بانی عمران خان کا ایک بیان سامنے آیا تھا جس میں خیبرپختونخوا میں امن و امان کی صورتحال اور گورننس پر تحفظات کا اظہار کرتے ہوئے انہوں نے وزیر اعلیٰ علی امین گنڈاپور پر سخت تنقید کی تھی۔
یہ بھی پڑھیں: کیا عمران خان علی امین گنڈاپور سے ناراض ہیں؟ وزیراعلیٰ خیبرپختونخوا نے خاموشی توڑ دی
جیو نیوز کے مطابق اڈیالہ جیل میں گفتگو کرتے ہوئے عمران خان نے کہاکہ اگر علی امین گنڈاپور صوبے میں گورننس کے مسائل حل کرنے اور امن قائم رکھنے میں ناکام ہیں تو انہیں استعفیٰ دے دینا چاہیے۔ ان کا کہنا تھا کہ ایسی صورت میں بہتر یہی ہوگا کہ کسی اور اہل فرد کو موقع دیا جائے۔
میڈیا رپورٹس کے مطابق عمران خان کو جیل میں دوبارہ سہولیات فراہم کر دی گئی ہیں، جن میں مطالعے کے لیے کتابیں اور روزانہ اخبارات شامل ہیں۔ مزید یہ کہ انہیں اپنے بچوں سے ایک گھنٹے کی ٹیلیفونک گفتگو کی اجازت بھی دی گئی۔
میڈیا رپورٹس میں کہا گیا ہے کہ عمران خان نے کہاکہ اگر ان کے بچے ان سے ملاقات کرنا چاہیں تو وہ ضرور آئیں۔ ساتھ ہی انہوں نے انکشاف کیا کہ فون پر بات کرنے سے علم ہوا کہ بچوں کا نائیکوپ ایکسپائر ہو چکا ہے۔
مشعال یوسف زئی کی سینیٹ کے لیے نامزدگی سے متعلق علیمہ خان کے بیان پر ردعمل دیتے ہوئے عمران خان نے اسے غیر ضروری قرار دیا۔
یہ بھی پڑھیں: علی امین گنڈاپور بہترین کھلاڑی، عمران خان کا اعتماد حاصل ہے، بیرسٹر گوہر
انہوں نے کہا کہ علیمہ خان کو سیاسی نوعیت کے بیانات دینے سے گریز کرنا چاہیے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
عمران خان وزیراعلیٰ خیبرپختونخوا علی امین گنڈاپور
سندھ حکومت تعلیم میں عالمی معیار لانے کیلئے پُرعزم ہے: مراد علی شاہ