کراچی: ایکسپو سینٹر میں لائیو اسٹاک نمائش میں کرنٹ لگنے سے 2 مویشی مرگئے
اشاعت کی تاریخ: 17th, January 2025 GMT
فوٹو فائل
ایکسپو سینٹر کراچی میں لائیو اسٹاک نمائش میں کرنٹ لگنے سے 2 مویشی مرگئے۔
صدر ڈیری اینڈ کیٹل فارمرز ایسوسی ایشن پاکستان شاکر عمر کا کہنا ہے کہ ایکسپو سینٹر میں لائیو اسٹاک نمائش میں کرنٹ لگنے سے 2 مویشی مرگئے۔
شاکر عمر نے کہا کہ سندھ حکومت کی جانب سے لگائی جانے والی نمائش میں واقعہ رونما ہوا، محکمہ لائیو اسٹاک متاثر شخص کا نقصان پورا کرے۔
خیال رہے کہ کراچی کے ایکسپو سینٹر میں وزیر اعلیٰ سندھ مراد علی شاہ اور صوبائی وزیر لائیو اسٹاک اینڈ فشریز محمد علی ملکانی نے لائیو اسٹاک ایکسپو 2025 نمائش کا افتتاح کیا۔
لائیواسٹاک ایکسپو میں سندھ بھر سے لائے جانے والے دو ہزار سے زائد مختلف نایاب نسل کے جانور، سیکڑوں پرندوں اور مچھلیوں کی نایاب نسل کے علاوہ میوزیکل کنسرٹ، قوالی اور فوڈ کورٹ کا بھی اہتمام کیا گیا ہے۔
.ذریعہ: Jang News
کلیدی لفظ: ایکسپو سینٹر لائیو اسٹاک
پڑھیں:
کراچی سمیت سندھ بھر میں انٹر سال اول کی داخلہ پالیسی جاری
کراچی: محکمہ کالج ایجوکیشن سندھ نے کراچی سمیت پورے صوبے کے 375 سرکاری کالجوں کے لیے انٹر سال اول کے داخلوں کا اعلان کردیا یے۔
محکمہ کالج ایجوکیشن کی جانب سے پالیسی سے متعلق نوٹی فکیشن بھی جاری کیا گیا ہے جس کے مطابق کالجز میں داخلے نویں جماعت / او لیول پارٹ ون کے نتائج کی بنیاد پر دیے جائیں گے۔
کراچی کے 154کالجوں میں تقریبا 1 لاکھ سے زائد طلبہ کو داخلے دیے جائیں گے اور نئے ضابطے کے تحت اب صرف اے ون اور اے گریڈ کے حامل طلبہ شہر کے کسی بھی کالج میں داخلے کے لیے درخواست دے سکتے ہیں۔
پالیسی کے مطابق "بی ، سی ، ڈی اور ای" گریڈ لینے والے طلبہ صرف اپنے رہائشی زون میں واقع کالجوں میں داخلے کے اہل ہونگے جسے کالج زون پالیسی کا نام دیا گیا ہے۔
یہ داخلے " سندھ الیکٹرونک سینٹرلائزڈ کالج ایڈمیشن پروگرام(ایس ای سی سی اے پی ) 2025-26" کے تحت دیے جائیں گے۔
طلبا seccap.dgcs.gos.pk پر درخواستیں جمع کرائیں گے اور داخلوں کا آغاز 15 جون سے ہوگا جبکہ 15 جولائی تک داخلہ فارم پورٹل پر جمع ہوگا اور 22 جولائی کو تمام فیکیلٹیز کی پلیسمنٹ لسٹ جاری ہوجائے گی۔
ڈائریکٹر جنرل کالجز سندھ ڈاکٹر نوید رب کے مطابق سرکاری کالجوں میں انٹر سال اول کی کلاسز 5 اگست جبکہ سال دوئم کی کلاسز یکم اگست سے شروع ہوجائیں گی داخلہ پراسس کے لیے آئی ٹی سسٹم سندھ سیکریٹریٹ سے ڈائریکٹوریٹ آف کالجز منتقل کردیا گیا یے ۔
نو مئی جلاؤ گھیراؤ کیس میں پی ٹی آئی کے 6 شرپسندوں پر فرد جرم عائد