پنجاب حکومت اور پیپلز پارٹی میں پاور شیئرنگ پر بریک تھرو کا امکان
اشاعت کی تاریخ: 7th, November 2025 GMT
—فائل فوٹو
پنجاب حکومت اور پیپلز پارٹی میں پاور شیئرنگ پر بریک تھرو کا امکان ہے۔
پنجاب حکومت کے ذرائع کے مطابق مسلم لیگ ن پنجاب کی قیادت نے پیپلز پارٹی کے تحفظات دور کر دیے ہیں۔
ذرائع کے مطابق ن لیگ نے پی پی کے 30 ایم پی ایز اور ٹکٹ ہولڈرز کے حلقوں کے لیے ترقیاتی فنڈ دینے کی یقین دہانی کروائی ہے۔
محکمہ قانون پنجاب میں لاء افسرز کی بھرتیوں میں بھی پیپلز پارٹی کو شیئر ملنے کا امکان ہے۔
ذرائع کا کہنا ہے کہ ڈسٹرکٹ کوآرڈینیشن کمیٹیوں میں بھی پی پی ارکان اسمبلی اور ٹکٹ ہولڈرز کو لینے کا امکان ہے۔
.ذریعہ: Jang News
کلیدی لفظ: پیپلز پارٹی کا امکان
پڑھیں:
3 ماہ کے لیے بجلی 45 پیسے فی یونٹ مہنگی ہونے کا امکان
ویب ڈیسک: ملک میں بجلی صارفین پر ایک اور بوجھ پڑنے کا امکان ہے، تین ماہ کے لیے بجلی 45 پیسے فی یونٹ مہنگی ہونے کا خدشہ ظاہر کیا جا رہا ہے۔
تفصیلات کے مطابق نیشنل الیکٹرک پاور ریگولیٹری اتھارٹی (نیپرا) میں ڈسکوز اور کے الیکٹرک کی جانب سے پہلی سہ ماہی ایڈجسٹمنٹ کی مد میں دائر درخواست پر سماعت ہوئی، جس کی صدارت چیئرمین نیپرا وسیم مختار نے کی۔
وفاقی حکومت نے سہ ماہی ایڈجسٹمنٹ کے تحت 45 پیسے فی یونٹ اضافے کی درخواست کر رکھی ہے، جبکہ ڈسکوز نے 8 ارب 41 کروڑ روپے کے اضافی تقاضے کیے ہیں۔
وزیر اعلیٰ پنجاب مریم نواز کل سرکاری دورے پر برازیل روانہ ہوں گی
سماعت کے دوران صارفین نے اعتراض اٹھاتے ہوئے کہا کہ وزیراعظم نے حال ہی میں تین ماہ کے لیے بجلی 7 روپے 41 پیسے فی یونٹ سستی کی تھی، اس کے باوجود اب مزید اضافہ سمجھ سے بالاتر ہے۔ صارفین کا کہنا تھا کہ گردشی قرضہ بڑھ رہا ہے اور زرعی و صنعتی صارفین کے لیے نئے پیکیجز کا اعلان بھی کیا گیا ہے، جس کے اثرات واضح نہیں ہوئے۔
ممبر نیپرا رفیق شیخ نے کہا کہ ’’جب تک موجودہ پاور سیکٹر کا ڈھانچہ برقرار ہے، گردشی قرض ختم نہیں ہوسکتا۔‘‘
پنجاب حکومت نے ٹرانسپورٹ اور جائیداد کی لیز پر عائد ٹیکس معطل کر دیا
صنعتی صارفین کے مطابق انڈسٹری پہلے ہی 3 روپے 23 پیسے فی یونٹ سرچارج ادا کر رہی ہے، اب بینکوں سے لیے گئے نئے قرضوں پر بھی سرچارج عائد کیا جا رہا ہے۔
پاور ڈویژن کے نمائندے نے وضاحت دی کہ اضافی نقصانات اور کم ریکوری کی وجہ سے مالی بوجھ بڑھا ہے۔
نیپرا نے سماعت مکمل کر لی ہے اور اعداد و شمار کے جائزے کے بعد فیصلہ وفاقی حکومت کو بھجوایا جائے گا۔
ترکیہ کا 102 واں یوم جمہوریہ، کراچی میٹروپولیٹن یونیورسٹی میں تقریب