حکومت حماس کو فلسطینیوں کانمائندہ تسلیم کرے‘ سراج الحق
اشاعت کی تاریخ: 18th, January 2025 GMT
لاہو ر( نمائندہ جسارت ) سابق امیر جماعت اسلامی سراج الحق نے کہا ہے کہ حکومت پاکستان حماس کو فلسطینیوں کا نمائندہ تسلیم کرکے اس کی قیادت دورہ پاکستان کی دعوت دے، اسلامی ممالک اسرائیل کا بائیکاٹ کے اور غزہ کی تعمیر نو میں مدد دیں، دنیا میں کوئی اسلامی حکومت ہوتی تو غزہ میں اسرائیل کی سفاکیت سے پچاس ہزار معصوم شہید نہ ہوتے، مسجدوں کو جلایا نہ جاتا، اٹھاون اسلامی ممالک نے اہل فلسطین کے حوالے سے بے حسی کا ثبوت دیا، حماس کی مزاحمت نے اسرائیل اور امریکا کے گٹھ جوڑ کو گھٹنے ٹیکنے پر مجبور کر دیا، سیز فائر حماس کی فتح ہے۔ جامعہ عربیہ گوجرانوالہ میں تقریب تکمیل بخاری سے خطاب کرتے ہوئے کہا کہ امریکا اور استعماری طاقتیں شکست کا بدلہ لینے کے لیے اسلام آباد اور کابل کو لڑانا چاہتا ہے، دونوں ممالک کو بات چیت سے مسائل حل کرنے چاہییں۔ پاکستان، افغانستان اور ایران خطے میں امن کے لیے مل کر کوششیں کریں۔ دریں اثنا منصورہ میں مرکزی تربیت گاہ سے خطاب کرتے ہوئے سراج الحق نے کہا کہ مغربی این جی اوز پاکستان سمیت دیگر اسلامی ممالک سے بڑے بڑے خاندانوں کے بچوں کی تعلیم و تربیت کرتے ہیں تاکہ انھیں اسلامی دنیا پر مسلط رکھا جائے، ہمارے حکمران امریکا کے غلام ہیں اور یہ حکمران پچیس کروڑ عوام کو اپنا غلام سمجھتے ہیں۔ پاکستان کی معیشت، سیاست، عدالت، تعلیم میں مغربی ایجنڈا نافذ کیا جاتا ہے، یہاں کی اپوزیشن اور حکومت کا اپنے مفادات کے تحفظ پر اتفاق ہے۔ مغرب اپنے ایجنٹوں کے ذریعے اسلامی ملکوں پرمسلط ہوتا ہے۔سابق امیر جماعت اسلامی نے کہا کہ دین میں اقلیت اور اکثریت کا تصور نہیں، قرآن و سنت کے مطابق بات ہو گی تو اسے ہی تسلیم کیا جائے گا اور یہی حق ہے، بھلے اکثریت ہی اسے قبول نہ کرے۔ انھوں نے کہا کہ شیطان کی سب سے بڑی سازش دین اور دنیا کوجداکرنا ہے، تین سو سالہ غلامی کے دور میں امت کو یہی پڑھایا گیا کہ دین اور سیاست الگ الگ ہیں۔ طاقتور طبقات جماعت اسلامی کا راستہ اس لیے روکتے ہیں کیوںکہ اللہ کے دین کے نفاذ کی بات کرتے ہیں۔
.ذریعہ: Jasarat News
پڑھیں:
واشنگٹن مذاکرات میں کبھی بھی غیر جانبدار ثالث نہیں رہا، جہاد اسلامی
اپنے ایک بیان میں امریکی صدر کا کہنا تھا کہ حماس، جنگبندی اور قیدیوں کی رہائی کے معاہدے میں دلچسپی نہیں رکھتی۔ اسلام ٹائمز۔ فلسطین کی مقاومتی تحریک "جہاد اسلامی" کے ترجمان "محمد الحاج موسیٰ" نے کہا کہ غزہ جنگ بندی کے مذاکرات کے بارے میں امریکی صدر کے بیان سے ظاہر ہوا کہ یہ ملک کبھی بھی غیر جانبدار ثالث نہیں رہا۔ انہوں نے کہا کہ امریکی صدر "ڈونلڈ ٹرامپ" کے بیانات سے واضح ہوا کہ واشنگٹن کبھی بھی غیر جانبدار ثالث نہیں تھا بلکہ غزہ میں فلسطینی قوم کے خلاف نسل کشی کے منصوبے میں ایک مکمل شریک ہے۔ انہوں نے کہا کہ ڈونلڈ ٹرامپ کے بیانات، اجتماعی قتل جیسے جرائم کے ارتکاب کے لئے اسرائیل کو گرین سگنل کی علامت ہے۔ جہاد اسلامی کے ترجمان نے کہا کہ مزاحمتی گروپوں کے درمیان مشاورت جاری ہے۔ مذاکرات میں استقامتی محاذ کے درمیان یکجہتی کے عمل نے صیہونی رژیم کی چال بازیوں کو ماند کر دیا ہے۔ مزاحمتی فرنٹ کا یہ رویہ فلسطینی قوم کے حقوق کے تحفظ کے مشترکہ عزم کو ظاہر کرتا ہے۔ کسی بھی گروپ نے مذاکراتی ٹیم کو تبدیل کرنے یا غیر مستقیم جنگ بندی کے مذاکرات میں مشترکہ ٹیم تشکیل دینے کی درخواست نہیں کی۔
واضح رہے کہ امریکی صدر نے "قطر" کے شہر "دوحہ" میں مذاکرات کی ناکامی کا ملبہ حماس پر ڈالتے ہوئے کہا کہ حماس، جنگ بندی اور قیدیوں کی رہائی کے معاہدے میں دلچسپی نہیں رکھتی۔ انہوں نے ان خیالات کا اظہار جمعہ کے روز وائٹ ہاؤس سے اسکاٹ لینڈ کے سفر پر روانگی کے وقت صحافیوں سے گفتگو میں کیا۔ ڈونلڈ ٹرامپ نے یہ بیان اس وقت دیا جب اُن کے نمائندہ برائے امور مشرق وسطیٰ "اسٹیون ویٹکاف" نے کہا کہ امریکی انتظامیہ نے حماس کی آخری پیشکش کے بعد اپنی مذاکراتی ٹیم کو واپس بلانے کا فیصلہ کیا ہے۔ امریکی صدر نے دعویٰ کیا کہ حماس واقعی معاہدہ نہیں کرنا چاہتی۔ میرا خیال ہے کہ حماس کا برا وقت شروع ہو چکا ہے۔ انہوں نے بے بنیاد الزام عائد کیا کہ حماس، غزہ میں امدادی پیکٹس کی تقسیم میں رکاوٹ ہے۔ تاہم امریکہ کی اندرونی رپورٹس سے پتہ چلتا ہے کہ نہ صرف امریکی صدر کے اس دعوے کی کوئی شہادت نہیں بلکہ اس کے برعکس اسرائیل غذائی امداد کے کارگو کو جان بوجھ کر تباہ کر رہا ہے۔
غزہ میں جنگ بندی کے امکانات پہلے سے زیادہ روشن ہو گئے،مارکو روبیو