پاکستان اور چین کی کمپنیوں کے مابین میڈیکل شعبے میں25 کروڑ ڈالرز کے تعاون کا معاہدہ
اشاعت کی تاریخ: 18th, January 2025 GMT
اسلام آباد:پاکستان اور چین کی کمپنیوں نے میڈیکل اور سرجیکل آلات کے شعبے میں تجارت بڑھانے کے لیے 25 کروڑ ڈالرز کی مفاہمت کی یادداشتوں (ایم او یوز) پر دستخط کیے ہیں۔
نجی ٹی وی کی رپورٹ کے مطابق پاکستان کی سوات سرجیکل، جو کہ ڈینٹل اور سرجیکل انسٹرومنٹس تیار کرتی ہے، نے چینی فارماسیوٹیکل کمپنی یوپی ایچ بائیوفارما کے ساتھ معاہدے پر دستخط کیے ہیں۔
یہ مفاہمت چینی کمپنیوں کے ساتھ مزید جوائنٹ وینچرز کے قیام کی بنیاد فراہم کرے گی تاکہ پاکستان کے میڈیکل آلات کے شعبے کو عالمی سطح پر مزید ترقی دی جا سکے۔ چائنا اکنامک نیٹ (سی ای این) کی رپورٹ کے مطابق اس معاہدے کی تصدیق پاکستانی سفارتخانے نے بھی کی، جس کے مطابق اس معاہدے کے تحت 25 کروڑ ڈالر کی مالیت کے 3ایم او یوز پر دستخط ہوئے ہیں۔
بیجنگ میں پاکستانی سفارتخانے کی جانب سے منعقد کی گئی کانفرنس میں 80 سے زائد چینی کمپنیوں اور 20 پاکستانی کمپنیوں نے شرکت کی۔ پاکستانی سفارتکار خلیل ہاشمی نے کہا کہ پاکستان میں میڈیکل کی صنعت کا پوٹینشل 60 کروڑ ڈالرز سے زائد ہے اور مستقبل میں مزید سرمایہ کاری کی گنجائش موجود ہے۔
اس موقع پر پاکستان اور چین کے درمیان اس شعبے میں مزید تعاون کے امکانات پر بات کی گئی اور 2025 میں لاہور میں ہونے والے ’’چوتھے ہیلتھ، انجینئرنگ اور منرلز شو‘‘کی بھی اعلان کیا گیا، جس میں خاص طور پر طبی آلات اور جراحی کے شعبے پر توجہ دی جائے گی۔
پاکستانی وزیرِاعظم کے دورہ چین کے دوران اس قسم کے متعدد ایم او یوز پر دستخط کیے گئے تھے، جن میں طبی شعبے میں سرمایہ کاری اور تجارتی تعلقات کو فروغ دینے کے لیے مزید اقدامات کیے جائیں گے۔
.ذریعہ: Jasarat News
پڑھیں:
ڈیجیٹل دہشتگردی کیخلاف تعاون کی اپیل،حکومت نے سوشل میڈیا کمپنیوں سے ڈیٹا شیئرنگ اور تعاون کا مطالبہ کردیا
اسلام آباد(ڈیلی پاکستان آن لائن)پاکستان نے ڈیجیٹل دہشتگردی کے خلاف عالمی تعاون کی اپیل کرتے ہوئے سوشل میڈیا کمپنیوں سے ڈیٹا شیئرنگ اور تعاون کا مطالبہ کردیا۔
نجی ٹی وی چینل جیو نیوز کے مطابق وزیر مملکت داخلہ طلال چودھری نے وزیر مملکت قانون بیرسٹر عقیل ملک کے ہمراہ پریس کانفرنس کرتے ہوئے کہاکہ پاکستان عالمی سطح پر دہشتگردی کیخلاف ایک مضبوط مورچہ ہے،ہم دہشتگردوں کے اکاؤنٹس بلاک کرناچاہتے ہیں،ہم چاہتے ہیں کہ ہمارے ساتھ ان کاؤنٹس سے متعلق معلومات شیئر کی جائیں،پاکستان نے دہشتگردی سے منسلک سوشل میڈیا کے سینکڑوں اکاؤنٹس کا پتہ لگایا، دہشتگردی کیخلاف دیواریں بنارہے ہیں، آزادی اظہار کا خاموش نہیں کررہے،سوشل میڈیا کمپنیوں کو اے آئی کے ذریعے دہشتگرد مواد فوراً ہٹانا ہوگا، دہشتگرد پراپیگنڈاپیکا کے تحت قابل سزا جرم ہے،ہم سوشل میڈیا آپریٹر سے درخواست کررہے ہیں کہ وہ ہم سب سے تعاون کریں۔
چیئرمین اور ڈپٹی چیئرمین سینیٹ کے خلاف عدم اعتماد کی تحریک لائیں گے، پی ٹی آئی سینیٹر مرزا آفریدی
بیرسٹر عقیل ملک کاکہناتھا کہ پاکستان دہشتگردی سے بہت زیادہ متاثر ہوا ہے،پاکستان کو دہشتگردی میں نہ صرف جانی بلکہ بھاری مالی نقصان ہوا، ہم پاکستان میں سوشل میڈیا پلیٹ فارم کے دفاتر قائم ہونے کا خیرمقدم کریں گے۔
مزید :
اسحاق ڈار کی آسٹریلیا کی وزیرِ خارجہ سے ملاقات, اعلیٰ سطحی سیاسی روابط بڑھانے پر اتفاق