’آپ باضابطہ طور پر دوبارہ زندہ ہو گئی ہیں‘، خاتون کے ساتھ پیشے آنے والا دلچسپ واقعہ
اشاعت کی تاریخ: 20th, January 2025 GMT
امریکی ریاست میری لینڈ میںغلطی سے مردہ قرار دی گئی خاتون کو شدید پریشانی کا سامنا کرنا پڑا ہے۔
میری لینڈ کے علاقے گیتھرسبرگ کی رہائشی خاتون نکول پاؤلینو نے اپنے ڈرائیور کے لائسنس کی تجدید کے لیے درخواست دی، جس پر اسے معلوم ہوا کہ وہ وفات پاچکی ہے۔
یہ بھی پڑھیں: غزہ: ڈاکٹروں نے مردہ ماں کے رحم میں موجود بچے کو بچا لیا
خاتون ’خوفزدہ اور حیران‘ رہ گئی کیونکہ ایک دستاویز دکھائی گئی جس کے متن کے مطابق وہ میری لینڈ موٹر وہیکل ایڈمنسٹریشن کے نظام میں باضابطہ طور پر مرچکی تھی۔
خاتون نے کہ کہا ’یہ معلوم ہونے کے بعد ایسا لگتا ہے کہ میں مر چکی ہوں، میں تھوڑا ڈر گئی، میں جھوٹ نہیں بولوں گی، میں حیران ہوں کیوں کہ میں زندہ ہوں اور یہاں ہوں، لیکن مردہ بھی قرار دی گئی ہوں۔‘
بعد ازاں میری لینڈ موٹر وہیکل ایڈمنسٹریشن کے عہدیداروں نے پاؤلینو کو مطلع کیا کہ وہ اپنے لائسنس کی تجدید نہیں کرسکتی ہیں، اس سے پہلے کہ اسے یو ایس انٹرنل ریونیو سروس کی طرف سے ایک خط موصول ہوا جس میں اسے ’متوفی ٹیکس دہندہ‘ کے طور پر بیان کیا گیا ہے۔
یہ بھی پڑھیں: خاتون قرض حاصل کرنے کے لیےمردہ انکل کو بینک لے آئی
اس ایک غلطی کی وجہ سے خاتون کو کئی طرح کے مسائل کا سامنا کرنا پڑا، اس کے تین بچوں کا ہیلتھ انشورنس منسوخ کر دیا گیا، جس سے میڈیکل بلوں کا ایک سلسلہ شروع ہو گیا اور وہ اپنے دمہ کے لیے درکار انہیلر حاصل کرنے سے قاصر رہیں۔
“خاتون نے مزید کہا ’اس سے واقعی میری زندگی کے معمولات میں خلل آیا ہے۔
میری لینڈ موٹر وہیکل ایڈمنسٹریشن کے مطابق یہ ایک غلط فہمی تھی، کسی اور کی وفات ہوئی، جس کے اندراج کے دوران سوشل سیکیورٹی نمبر میں ایک ہندسہ غلط ہو گیا اور پالینو کا نمبر درج کرلیا گیا۔
سوشل سیکیورٹی ایڈمنسٹریشن نے این بی سی 4 واشنگٹن کو بتایا کہ اب خاتون کا ریکارڈ درست کرلیا گیا ہے۔
یہ بھی پڑھیں: 40 منٹ تک مردہ رہنے والی خاتون کے ہُوشربا انکشافات
دوسری جانب پاؤلینو نے بھی این بی سی 4 کو بتایا کہ انہیں سوشل سیکیورٹی ایڈمنسٹریشن کی طرف سے ایک خط موصول ہوا جس میں کہا گیا تھا کہ غلطی کو درست کر دیا گیا ہے اور وہ باضابطہ طور پر دوبارہ زندہ ہو گئی ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news امریکا مردہ مردہ خاتون موٹر وہیکل ایڈمنسٹریشن میری لینڈ.ذریعہ: WE News
کلیدی لفظ: امریکا مردہ خاتون میری لینڈ میری لینڈ
پڑھیں:
راولپنڈی: گھر میں سوئے ہوئے افراد پر فائرنگ کا واقعہ، باپ اور 2 بیٹے جاں بحق
راولپنڈی کے علاقے درکالی سیداں میں پیش آنے والے فائرنگ کے واقعے میں 3 افراد جاں بحق ہوگئے ہیں۔
پولیس کے مطابق ملزمان نے گھر میں گھس کر سوئے ہوئے افراد پر فائرنگ کردی جس کی وجہ سے ہلاکتیں ہوئیں۔
پولیس کا کہنا ہے کہ مقتولین میں باپ اور 2 بیٹے شامل ہیں جن کی لاشوں کو پوسٹ مارٹم کے لیے اسپتال منتقل کردیا گیا ہے۔
یہ بھی پڑھیے: راولپنڈی میں بسنت ، ڈور پھرنے اور فائرنگ کے نتیجے میں 3افراد جاں بحق ، درجنوں زخمی
راولپنڈی پولیس کا کہنا ہے کہ واقعہ ذاتی دشمنی کا نتیجہ لگتا ہے تاہم تحقیقات جاری ہیں۔
سی پی اور خالد ہمدانی نے ایس پیی صدر سے واقعے کی رپورٹ طلب کرکے ملزمان کی گرفتاری کا حکم دے دیا ہے۔
دوسری طرف پولیس نے 2 مشتبہ افراد کو حراست میں لے کر تفتیش کا آغاز کردیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
تونسہ: پولیس سے مقابلے میں 4 دہشت گرد ہلاک