چیمپئنز ٹرافی میں بھارت کھلاڑیوں کی جرسی پر “پاکستان”کا نام نہیں ہوگا
اشاعت کی تاریخ: 21st, January 2025 GMT
بھارت کا کرکٹ پر ایک اور حملہ، چیمپئنز ٹرافی میں بھارتی کھلاڑیوں کی جرسی پر پاکستان کا نام نہیں ہوگا۔
بھارتی میڈیا کے مطابق بھارتی کرکٹ بورڈ (بی سی سی آئی) نے ٹیم کی جرسی پر پاکستان کا نام چھاپنے پر اعتراض اٹھایا ہے۔
بھارت نے واضح کیا ہے کہ وہ نہیں چاہتا کہ کھلاڑیوں کی شرٹس پر میزبان ملک پاکستان کا نام درج ہو، حالانکہ پاکستان چیمپئنز ٹرافی کا میزبان ہوگا، لیکن بھارتی کھلاڑیوں کی جرسی پر پاکستان کا نام نظر نہیں آئے گا۔
آئی سی سی کے قوانین کے مطابق ٹورنامنٹس میں شریک ٹیموں کی جرسی پر میزبان ملک کا نام لکھنا ضروری ہوتا ہے۔ چیمپئنز ٹرافی کے میچز بھارت کے لیے دبئی میں نیوٹرل مقام پر ہوں گے اور اگر بھارت فائنل تک پہنچتا ہے تو وہ بھی دبئی میں کھیلا جائے گا، حالانکہ اس میگا ایونٹ کا میزبان ملک پاکستان ہے لیکن بھارتی کھلاڑیوں کی جرسی پر پاکستان کا نام نہیں ہوگا۔
.ذریعہ: Jasarat News
کلیدی لفظ: کھلاڑیوں کی جرسی پر کی جرسی پر پاکستان پاکستان کا نام چیمپئنز ٹرافی
پڑھیں:
آپریشن مہا دیو کے بھارتی دعوے پاکستان کے لیے کوئی اہمیت نہیں رکھتے: دفتر خارجہ
اسلام آباد ( نیوزڈیسک) دفتر خارجہ کے ترجمان نے کہا ہے کہ آپریشن مہادیو سے متعلق کوئی بھی بھارتی دعویٰ پاکستان کے لیے کوئی اہمیت نہیں رکھتا۔
ترجمان دفتر خارجہ کے مطابق پاکستان آپریشن سندور پر ہندوستانی رہنماؤں کے بے بنیاد اور اشتعال انگیز بیانات کو مسترد کرتا ہے، اس طرح کے بیانات تنازعات کو بڑھاوا دینے کے خطرناک رجحان کی عکاسی کرتے ہیں۔
انہوں نے کہا کہ بھارت نے پہلگام حملے کی تحقیقات اور ثبوتوں کے بغیر پاکستان پر حملہ کیا، 6 اور 7 مئی کی درمیانی شب بھارت نے پاکستان میں حملہ کیا، بھارتی حملے سے بے گناہ بچے، خواتین اور مرد شہید ہوئے، پاکستان نے بھارتی لڑاکا طیاروں اور فوجی اہداف کو بے اثر کرنے میں شاندار کامیابی حاصل کی ، جو کہ ایک ناقابل تردید حقیقت ہے۔
ترجمان نے بھارتی قیادت کو مشورہ دیا کہ وہ بھارتی عوام کو گمراہ کرنے کے بجائے اپنی مسلح افواج کے نقصانات کو تسلیم کریں، پاک بھارت جنگ بندی کو عملی جامہ پہنانے میں تیسرے فریق کے کردار کو قبول کریں۔
انہوں نے کہا کہ وزیر اعظم پاکستان نے ہندوستان کو پہلگام حملے کی تحقیقات کی پیشکش کی، بھارت نے وزیراعظم پاکستان کی انکوائری کی پیشکش سے فائدہ نہیں اٹھایا، بھارت نے بیک وقت جج، جیوری اور جلاد کے طور پر کام کیا۔
ترجمان کے مطابق نام نہاد آپریشن مہادیو سے متعلق کوئی بھی دعویٰ ہمارے لیے کوئی اہمیت نہیں رکھتا، بھارتی وزیر داخلہ کی طرف سے دیا گیا اکاؤنٹ من گھڑت ہے، کیا یہ محض اتفاق ہے کہ پہلگام حملے کے مبینہ مجرم لوک سبھا کی بحث کے آغاز پر ہی مارے گئے؟ پاکستان مستقبل میں بھی کسی بھی ممکنہ جارحیت کا منہ توڑ جواب دے گا۔
Post Views: 6
صدر پی ٹی آئی حماد اظہر کا سرنڈر کرنے کا فیصلہ