اسلام آباد کے سرکاری اسکولوں میں ڈیجیٹل اور فنانشل لٹریسی کی تدریس شروع
اشاعت کی تاریخ: 24th, January 2025 GMT
اسلام آباد:
وفاقی دارالحکومت اسلام آباد میں پرائمری و سیکنڈری اسکولوں میں انقلابی تبدیلیاں لاتے ہوئے ڈیجیٹل کمپیوٹر لٹریسی اور فنانشل لٹریسی کی تدریس شروع کر دی گئی ہے۔
اسکولوں میں کمپیوٹر سوفٹ ویئر ’’پائیتھون اور روبوٹکس‘‘ شروع کروایا گیا ہے، کئی اسکولوں میں اسمارٹ کلاس رومز قائم کر دیے گئے ہیں۔ مذکورہ تعلیم نسٹ، زیبسٹ اور آئی بی اے کے گریجویٹ کو بطور انٹرن شپ تقرری کرکے شروع کی گئی اور انٹرنیٹ شپ کی مد میں حال ہی میں اپنی جامعات سے فارغ التحصیل ان گریجویٹ کو فی 80 ہزار روپے ماہانہ دیے جا رہے ہیں۔
اسلام آباد کے سرکاری اسکولوں کے طلبہ کو بغیر کسی کرائے کے گھروں سے لانے اور واپس چھوڑنے کے لیے 20 بسیں اسکولوں کو فراہم کی گئی ہیں تاہم یہ بسیں پہلے سے موجود تھیں لیکن استعمال میں نہیں تھیں، یہ تمام تبدیلیاں اور اقدامات گزشتہ 8 ماہ کے عرصے میں کیے گئے ہیں۔
وفاقی سیکریٹری تعلیم محی الدین وانی نے صدر پاکستان کے مشیر ڈاکٹر عاصم حسین کے ہمراہ اسلام آباد کالج فار گرلز کے دورے کے موقع پر ’’ایکسپریس‘‘ سے خصوصی گفتگو میں انکشاف کہ اسلام آباد کے پرائمری اسکولوں میں طلبہ کو دوپہر کے کھانے کی سہولت بھی فراہم کر دی گئی ہے، کھانے کا معیار انتہائی بہتر ہے اور فی طالب علم 45 روپے کھانے کے اخراجات آرہے ہیں۔ ان اقدامات کے بعد اسکولوں کی انرولمنٹ میں 25 فیصد اضافہ ریکارڈ کیا گیا ہے اور مارننگ شفٹ کی انرولمنٹ 2 لاکھ جبکہ ایوننگ شفٹ کی 50 ہزار ہوگئی ہے۔
انہوں نے بتایا کہ تمام 424 سرکاری اسکولوں میں صحت کی بنیادی سہولیات کے لیے ہیلتھ رومز بنائے گئے ہیں، ان میں 240 پرائمری اسکول بھی شامل ہیں۔
محی الدین وانی کا کہنا تھا کہ 125 اسکولوں کو سولرائزڈ کر دیا گیا ہے جس سے 18 کروڑ روپے کی بچت ہو رہی ہے جبکہ تمام اسکولوں کی عمارتوں پر موجود پیلے رنگ کو ختم کرکے ’’نئی اور دیدہ زیب کلر اسکیم‘‘ متعارف کروائی گئی ہے جس کے لیے آرکیٹیکچرز کی خدمات لی گئی ہیں اور پیلے اسکول کا تصور ختم کر دیا گیا ہے۔
وفاقی سیکریٹری تعلیم کا کہنا تھا کہ اسکولوں میں طلبہ کی آنکھوں کا معائنہ لازمی قرار دیا گیا ہے اور جن بچوں کی بصارت کمزور پائی گئی انھیں عینک بھی مہیا کی گئی ہے۔
اسکولوں میں ڈیجیٹل اور کمپیوٹر لٹریسی کے حوالے سے کیے گئے اقدامات کے حوالے سے ان کا کہنا تھا کہ کئی اسکولوں میں پوڈکاسٹ اسٹوڈیو بنائے گئے ہیں جہاں طلباء و طالبات اپنی تعلیم، مشن اور دیگر حوالوں سے ریکارڈنگ بھی کرتے ہیں۔
انہوں نے بتایا کہ کوآپریٹ سیکٹر سے اسکولوں کے لیے سی آر ایس کے تحت مختلف مدوں میں فنڈنگ کرائی گئی ہے اور پہلی بار ورلڈ بینک سے اسکولوں کے لیے آئی ٹی کے وہ آلات مفت لیے گئے ہیں جو محض دو سال کے استعمال کے بعد فروخت کر دیے جاتے ہیں اور انھیں کلاس رومز میں تدرہس کے لیے اسکولوں کو فراہم کر دیا گیا ہے، ان آلات کی مالیت 16 کروڑ روپے ہے۔
وفاقی سیکریٹری تعلیم نے بتایا کہ کئی اسکولوں میں ہائی ٹیک ٹیلی اسکوپ نصب کی گئی ہیں جہاں اسٹروفزکس میں دلچسپی رکھنے والے بچوں کو شام کے وقت نظام شمسی سے متعلق آگہی دی جا رہی ہے۔
اس موقع پر آئی بی سی سی کے ایگزیکٹیوو ڈائریکٹر غلام علی ملاح اور اسکول کی صدر معلمہ صبا فیصل بھی موجود تھیں۔
.ذریعہ: Express News
کلیدی لفظ: اسکولوں میں اسلام آباد دیا گیا ہے گئے ہیں گئی ہے کی گئی کے لیے ہے اور
پڑھیں:
عید تعطیلات کے دوران تفریحی مقامات کے لیے کتنی گاڑیاں اسلام میں داخل ہوئیں؟
عید الاضحیٰ کی تعطیلات کے دوران تقریباً 19 لاکھ گاڑیاں اسلام آباد میں داخل ہوئیں۔
یہ بھی پڑھیں: عید کی چھٹیوں میں کن مقامات پر سیروتفریح کے لیے جایا جا سکتا ہے؟
اسلام آباد پولیس کے ترجمان کے مطابق اوسطاً ساڑھے 6 لاکھ موٹر سائیکل اور گاڑیوں نے مختلف تفریحی مقامات کا رخ کیا۔
ترجمان نے بتایا کہ ایک لاکھ 22ہزار سے زائد گاڑیاں اسلام آباد کے راستے مری میں داخل ہوئیں۔
عید کے ایام میں ٹریفک پولیس نے سیاحوں کو بھرپور سفری سہولیات فراہم کیں۔
ٹریفک خلاف ورزیوں پر جرمانےترجمان نے بتایا کہ عید الاضحیٰ کی تعطیلات کے دوران ٹریفک قوانین کی خلاف ورزیوں پر 1800 سے زائد موٹر سائیکل سواروں کے خلاف قانونی کارروائی کی گئی۔
مزید پڑھیے: عید کی چھٹیوں میں کن مقامات پر سیروتفریح کے لیے جایا جا سکتا ہے؟
پولیس ترجمان نے کہا کہ چیف ٹریفک آفیسر اسلام آباد سید ذیشان حیدر کی زیر نگرانی کریک ڈاؤن میں 730 سے زائد موٹر سائیکلوں کو مختلف تھانہ جات میں بند کیا گیا۔
105ون ویلرز اور 13 ہیوی بائیکس کے خلاف قانونی کاروائی عمل میں لائی گئی جبکہ 914 گاڑیوں کے ٹریفک قوانین کی خلاف ورزیوں پر چالان کیے گئے۔
اسلام آباد ٹریفک پولیس کے 300 سے زائد افسران شہریوں کی سہولت کے لیے موجود رہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسلام اباد اسلام آباد پولیس اسلام آباد تفریحی مقامات اسلام آباد میں گاڑیوں کے چالان
ہماری معاشی خود انحصاری کا دارومدار سستی بجلی اور زراعت پر ہے: وزیراعظم