بنگلا، برمی اور بہاری کمیونٹی کے شناختی کارڈ اجرا میں رکاوٹیں دُور کی جائیں، منعم ظفر خان
اشاعت کی تاریخ: 24th, January 2025 GMT
کراچی:امیرجماعت اسلامی کراچی منعم ظفر خان نے ہے کہا کہ جماعت اسلامی بنگلا، برمی اور بہاری کمیونٹی کے ساتھ ہے، انہیں محب ِ وطن ہونے اور پاکستانی ثابت کرنے کے لیے کسی سرٹیفکیٹ کی ضرورت نہیں۔ان سے امتیازی سلوک اور نادرا میں قومی شناختی کارڈ کے حصول میں غیر ضروری اور ناجائز رکاوٹیں کسی صورت قبول نہیں، ہم ہر فورم پر ان کا مقدمہ لڑیں گے، ضرورت پڑی تو احتجاج اور دھرنا بھی دیں گے۔
ان خیالات کا اظہار انہوں نے پبلک ایڈ کمیٹی کے تحت ادارہ نور حق میں بنگالی، برمی اور بہاری کمیونٹی کے شناختی کارڈ بنوانے میں ایک بار پھر سے رکاوٹوں اور مشکلات و پریشانیوں کے حوالے سے مشاورتی اجلاس سے خطاب کرتے ہوئے کیا۔ اجلاس سے صدر پبلک ایڈ کمیٹی جماعت اسلامی و نائب امیر جماعت اسلامی کراچی سیف الدین ایڈووکیٹ،سیکرٹری پبلک ایڈ کمیٹی نجیب ایوبی،نائب صدر پبلک ایڈ کمیٹی قطب احمد،آصف آزاد ایڈووکیٹ نے بھی خطاب کیا۔
اجلاس میں متاثرہ کمیونیٹیز سے وابستہ افراد نے بڑی تعداد میں شرکت کی اور بتایا کہ نادرا کے دفاتر میں ان کے ساتھ ایک بار پھر سے سوتیلی ماں جیسا سلوک کیا جارہا ہے، بنگالی، برمی اور بہاری کمیونٹی کو خاص ٹارگٹ کیا جارہا ہے۔ ہمیں جماعت اسلامی سے امید ہے کہ وہ ہمارے شناختی کارڈ بنوانے میں اپنا کلیدی کردار ادا کرے گی۔
متاثرین نے کہا کہ ہم محب وطن ہیں لیکن ہمیں غیر ملکی سمجھا جاتا ہے اور ہماری شناخت پوچھی جاتی ہے،ہمیں ثابت کرنا پڑتا ہے کہ ہم پاکستانی ہیں۔انہوں نے مطالبہ کیا ہے کہ انٹیلی جینس اسپیشل برانچ کی گھر گھر چیکنگ کا عمل فوری روکا جائے، اب تک جتنے لوگوں کا ڈیٹا جمع کیا گیا ہے اور ان کے شناختی کارڈ کلیئر ہیں ان کومکمل تحفظ فراہم اوران کے ڈیٹا کا کوئی غلط استعمال نا کیا جائے۔
انہوں نے مزید کہا کہ بنگلا زبان بولنے والے محب وطن پاکستانیوں کے ساتھ امتیازی سلوک بند، نادرا کے آفسز میں خاص کر لوگوں کو تنگ کرنا بند کیا جائے، کارڈ کی تجدید کرانے جانے والوں کو بے جا تنگ نہ کیا جائے۔ جن بچوں کے ب فارم نہیں اور اس کی وجہ سے اسکولوں میں داخلے نہیں ہو رہے ان کے ب فارم جاری کیے جائے۔ زونل بورڈز میں سالوں سے زیر التواء کیسز یا پھر IB کے پاس ہیں ان کو فوری پروسس کیا جائے۔
منعم ظفر خان نے اس موقع پر کہا کہ مشرقی پاکستان سے آنے والوں نے وطن کی محبت میں ہی دو دفعہ ہجرت کی۔ جماعت اسلامی نے بنگلا و برمی زبان بولنے والوں کو تنہا نہیں چھوڑا اور ہمیشہ ان کا ساتھ دیا۔
انہوں نے کہا کہ ایم کیو ایم 1986 سے آج تک ہر حکومت کا حصہ رہی ہے۔ یہ جب چاہتی تھی 10 منٹ میں پورا شہر بند ہوجایا کرتا تھا لیکن کراچی کے شہریوں سمیت بنگلا، برمی اور بہاری کمیونٹی کے لیے عملاً کچھ نہیں کیا ۔ کراچی میں جو بگاڑ پیدا ہوا ہے اس میں ایم کیو ایم ہی کا کردار رہا ہے۔
امیر جماعت کا کہنا تھا کہ پیپلز پارٹی گزشتہ 35 سال سے کراچی پر قابض ہے لیکن اس نے بھی بنگالی، برمی اور بہاریوں کا مسئلہ ہی حل نہیں کیا ہے، ادارہ نور حق میں طویل عرصے سے قائم نادرا ڈیسک ہفتہ وار جمعہ کوکام کر رہی ہے اورہم کراچی کے تمام اضلاع میں بھی نادراڈیسک قائم کر رہے ہیں۔
منعم ظفر خان نے کہا کہ جماعت اسلامی نے حافظ نعیم الرحمن کی قیادت میں نادرا کے ہیڈ آفس اور تمام ڈسٹرکٹ دفاتر پر دھرنے دیے، جماعت اسلامی نے ہمیشہ ظلم کے خلاف آواز بلند کی ہے۔ کوئی بھی ادارہ تنگ کرے یا پاکستانی ہونے کا ثبوت مانگے تو اس کے لیے جماعت اسلامی کے دفاتر موجود ہیں۔
انہوں نے کہا کہ آل انڈیا مسلم لیگ ڈھاکا میں بنی اور قرارداد مقاصد پیش کرنے والے بھی بنگلا زبان بولنے والے تھے، اس لیے بنگالی، برمی اور مشرقی پاکستان سے آنے والوں سے کوئی بھی ان کی شناخت نہیں پوچھ سکتا۔
سیف الدین ایڈووکیٹ نے کہاکہ جماعت اسلامی کے سوا کوئی بھی سیاسی پارٹی بنگالی، بہاری اور برمی کمیونٹی سے وابستہ افراد کے لیے بات نہیں کرتی بلکہ یہی پارٹیاں ہیں جنہوں نے ان لوگوں کے لیے مسائل پیدا کیا ہے۔ حافظ نعیم الرحمن کی قیادت میں طے کیا تھا کہ ہم اپنی مدد آپ کے تحت مسائل حل کریں گے، جماعت اسلامی کی جدوجہد سے ہی ایک لاکھ سے زائد لوگوں کے بلاک شدہ شناختی کارڈز کو بحال کروایا گیا تھا۔ ہم آئندہ بھی بھرپور جدوجہد کریں گے اور مسائل حل کروائیں گے۔
نجیب ایوبی نے کہاکہ ہمارے دل بنگالی، برمی اور بہاری کمیونٹی کے ساتھ دھڑکتے ہیں، ہم ہر صورت ان کے ساتھ ہیں، کسی بھی صورت میں ان کے ساتھ ظلم و زیادتی نہیں ہونے دیں گے۔
قطب احمد نے کہا کہ ہر شہری کا حق ہے کہ اس کا قومی شناختی کارڈ بنے، جو بھی بنگلا دیش سے پاکستان آیا ہے وہ پاکستانی ہے اور اسے پاکستان میں رہنے کا حق ہے اور اس کی شناخت ایک پاکستانی کی ہے، ماضی میں بھی بنگالی، برمی اور بہاری کمیونٹی سے وابستہ افراد کے لیے جماعت اسلامی نے بھرپور تحریک چلائی اور ایس او پی تبدیل کروائی، سندھ پر ایسے لوگوں کی حکمرانی ہے جو ظالم اور جابر ہیں، جو ظلم کر کے اپنی حاکمیت کو قائم کرتے ہیں۔ پیپلز پارٹی اور ایم کیو ایم وفاقی حکومت میں شامل ہیں۔ پیپلز پارٹی اور ایم کیو ایم دونوں مل کر عوام کا استحصال کررہے ہیں۔
.
ذریعہ: Al Qamar Online
کلیدی لفظ: پاکستان کھیل جماعت اسلامی نے شناختی کارڈ ایم کیو ایم نے کہا کہ کیا جائے انہوں نے کے ساتھ ہیں ان ہے اور کے لیے
پڑھیں:
منعم ظفر خان نے ٹائون چیئرمینوں کے ساتھ اسپرے مہم کا افتتاح کردیا،مہم شہر بھر میں چلائی جائیگی
data-id="863a0a8" data-element_type="widget" data-widget_type="theme-post-content.default">
250917-01-16
کراچی (اسٹاف رپورٹر)امیرجماعت اسلامی کراچی منعم ظفر خان نے جماعت اسلامی کے ٹاؤن چیئرمینوں کے ساتھ شہر بھر میں شروع کی جانے والی ’’جراثیم کُش اسپرے مہم‘‘ کا افتتاح کردیا ، ٹاؤن آفس ،ٹی ایم سی لیاقت آباد میں افتتاحی تقریب سے خطاب کرتے ہوئے منعم ظفر خان نے کہاکہ ’’جراثیم کش اسپرے مہم‘‘ کا مقصد کراچی کے شہریوں کو صحت مند اور محفوظ ماحول فراہم کرنا ہے۔ قابض میئر مرتضیٰ وہاب اگر عوامی خدمت اور مسائل حل نہیں کر سکتے تو کم از کم عوام پر ٹیکسوں اور اپنی نا اہلی کا بوجھ نہ ڈالیں ، ایک طرف قابض میئر میونسپل یوٹیلیٹی چارجزمیں ناجائز اضافہ کرتے ہیں، دوسری طرف بلند و بالا دعوے کرتے ہیں۔ اصل حقیقت یہ ہے کہ یہ عوام کو ریلیف دینے میں ناکام رہے ہیں۔لیکن جماعت اسلامی کراچی کے عوام کے ساتھ کھڑی ہے ، ہم خدمت کے میدان میں بھی آگے بڑھیں گے اور مزاحمت و جدوجہد کے ذریعے کراچی کے عوام کو ان کا حق دلا کر رہیں گے۔کراچی کے عوام کا حق ہے کہ انہیں صاف پانی، صاف ماحول، کھیل کے میدان اور صحت مند سہولیات میسر آئیں لیکن افسوس کہ آج بھی شہر کے پارک اور میدان کمرشل سرگرمیوں کی نذر کیے جا رہے ہیں۔ عدالت نے حال ہی میں پارکوں کے کمرشل استعمال کے خلاف تاریخی فیصلہ دیا ہے، جو کراچی کے عوام کی بہت بڑی کامیابی ہے۔ عوام کے پارک عوام کے لیے ہیں، یہ کسی کے کاروبار کا ذریعہ نہیں۔ اس فیصلے پر اگر کسی کو پریشانی ہے تو وہ ان افراد کو ہے جن کا کرپشن کا عمل متاثر ہوا ہے ۔منعم ظفر خان نے کہاکہ اسپرے مہم کسی ایک ٹاؤن، علاقے یا مخصوص بستی تک محدود نہیں، بلکہ کراچی کے ہر ٹاؤن و یوسی اور ہر علاقے تک پہنچے گی، شہر کا ہررہائشی ہمارا ہے،خواہ وہ اورنگی میں رہتا ہو یا کورنگی میں، لیاری میںہو یا لانڈھی ، نارتھ کراچی، ناظم آباد، گلشن اقبال ، گلستان جوہر ہو یا پی سی ایچ ایس،کوئی علاقہ اس مہم سے محروم نہیں رہے گا ۔اسپرے مہم خدمت کے سفر کی ایک اور کڑی ہے۔ ہم مہم کے ذریعے شہر بھر میں عوام کی صحت کے تحفظ کو یقینی بنائیں گے تاکہ کراچی کے لوگ جراثیم اور بیماریوں سے محفوظ رہ سکیں۔تقریب میں امرائے اضلاع ، سید وجیہ حسن ، کامران سراج ، چیئرمین لیاقت آباد ٹاؤن فرازحسیب، چیئرمین نیو کراچی ٹاؤن محمد یوسف، چیئرمین گلشن اقبال ٹاؤن ڈاکٹر فواد ، چیئرمین نارتھ ناظم آباد عاطف علی خان ، چیئرمین جناح ٹاؤن رضوان عبد السمیع، چیئرمین گلبرگ ٹاؤن نصرت اللہ ،وائس چیئر مین ناظم آباد نعمان صدیقی ،سیکرٹری اطلاعات زاہد عسکری ودیگر بھی موجود تھے۔ منعم ظفر خان نے مزید کہاکہ جماعت اسلامی نے ہمیشہ خدمت خلق کو دیانت اور امانت کے ساتھ انجام دیا ہے ۔ کورونا کی وبا کا مشکل وقت ہو، خیبر پختونخوا یا پنجاب میں آنے والے سیلاب اور زلزلے ہوں، یا کراچی میں بارشوں کے بعد پیدا ہونے والی صورتحال ، جماعت اسلامی کے کارکنان اور رضاکار سب نے عوام کو ریلیف دینے میں اپنا کردار ادا کیا۔ جب لوگ اپنے چہروں پر ماسک لگا کر گھروں میں محدود ہوگئے تھے، اس وقت ہمارے رضاکار گلی گلی، محلے محلے عوام کی خدمت کر رہے تھے۔ سیلابی صورتحا ل میں خیبر سے پنجاب تک جماعت اسلامی کے کارکنوں نے متاثرہ خاندانوں کا ہاتھ تھاما، خیمے لگائے، کھانے اور پانی کا انتظام کیا اور عوام کے دکھ درد میں شریک ہوئے۔آج کراچی میں بارشوں اور دیگر مسائل کے باوجود، ہمارے منتخب نمائندے، ٹاؤن چیئرمین اور کارکنان و ذمے داران عوام کے ساتھ کھڑے ہیں۔ متاثرہ بستیوں میں صاف پانی کی فراہمی، کھانے پینے اور بے گھر افراد کے لیے عارضی رہائش یعنی ٹینٹ کا انتظام بھی کیا جارہا ہے۔
امیر جماعت اسلامی کراچی منعم ظفر خان ٹائون چیئرمینوںکے ساتھشہر بھر میں شروع کی جانے والی’’ جراثیم کش اسپرے مہم ‘‘ کا افتتاح اور ٹائون آفس لیاقت آباد میں افتتاحی تقریب سے خطاب کررہے ہیں
لاہور: اغوا ہونے والا 3 سالہ بچہ چوہنگ سے بازیاب