وادی نیلم ،شدید برفباری ، راستے بند، حاملہ خاتون راستے میں دم توڑ گئی ،ایمرجنسی میڈیکل ٹیمیں بذریعہ ہیلی کاپٹرمتاثرہ علاقوں میں پہنچ گئیں
اشاعت کی تاریخ: 26th, January 2025 GMT
وادی نیلم (نیوزڈیسک)آزاد کشمیر کی وادی نیلم کے بالائی علاقوں میں شدید برفباری کے باعث زمینی رابطہ منقطع ہوگیا تھا جسے پاک فوج کے تعاون سے بحال کیا جارہا ہے۔ ۔کیل سے تاوبٹ تک سڑک بحال ہوتے ہی موسمی حالات سے متاثرہ علاقوں میں ہیلی کاپٹر کے ذریعے بھیجی گئی ایمرجنسی ریسپانس میڈیکل ٹیم اور میڈیکل سے متعلق سامان کو متاثرہ علاقوں میں پہنچا دیا گیا۔
تین روز قبل آزاد کشمیر حکومت نے پاک فوج کے تعاون سے ہیلی کاپٹر کے ذریعے ڈاکٹروں کی ایک ٹیم وادی نیلم کے بالائی علاقوں میں برفباری اور سخت سردی سے متاثرہ علاقوں بھیجی تھی۔
اسٹیٹ ڈیزاسٹر مینجمنٹ اتھارٹی اور محکمہ صحت عامہ نے میڈیکل ایکیوپمنٹ، الٹرا ساؤنڈ مشین، ڈلیوری ٹیبل، ڈلیوری کیٹس سمیت گائنی اور میڈیکل ایمرجنسی کا دیگر سامان متاثرہ علاقوں میں پہنچا دیا۔ایمر جینسی رسپانس میڈیکل ٹیم نے متاثرہ علاقوں میں مریضوں کے فوری علاج کا سلسلہ شروع کررکھا ہے۔
بالائی وادی نیلم میں شدید برفباری کے نتیجے میں سڑکوں کی بندش کے باعث ایک اور حاملہ خاتون بروقت طبی امداد نہ ملنے کی وجہ سے جان کی بازی ہار گئیں۔ یہ واقعہ ایک ہفتے کے دوران اس نوعیت کا دوسرا واقعہ ہے۔
مقامی ذرائع کے مطابق متاثرہ خاتون کو شدید تکلیف کے باعث علاقہ مکینوں نے کندھوں پر اٹھا کر ہسپتال منتقل کرنے کی کوشش کی ، لیکن سڑک کی بندش کے باعث وہ بروقت ہسپتال نہ پہنچ سکیں اور راستے میں ہی دم توڑ گئیں۔
یاد رہے کہ ایک ہفتہ قبل بھی ایک حاملہ خاتون کو انہی مشکلات کا سامنا کرنا پڑا تھا، عوام علاقہ نے اس خاتون کو کندھوں پر اٹھا کر ہسپتال منتقل کرنے کی کوشش کی، لیکن وہ بھی راستے میں ہی دم توڑ گئی تھیں۔ اس واقعے پر عوام علاقہ سمیت میڈیا نمائندگان اور انسانی حقوق کے لئیے کام کرنے والے نمائندگان نے گہرے رنج و غم کا اظہار کیا تھا اور حکامِ بالا سے فوری ایکشن لینے کی اپیل کی تھی۔
علاقے کے عوام نے حلقہ اپر نیلم سے منتخب نمائندے شاہ غلام قادر سے مطالبہ کیا تھا کہ وہ اس مسئلے کو فوری طور پر حل کریں اور سڑکوں کی بحالی کے لیے اقدامات اٹھائیں۔ تاہم عوامی مطالبات کے باوجود حکام کی جانب سے کوئی سنجیدہ کارروائی نہیں کی گئی، جس کا نتیجہ آج ایک اور قیمتی جان کے ضیاع کی صورت میں سامنے آیا ہے۔
شمالی کوریا کا اسٹریٹجک کروز میزائل کا کامیاب تجربہ، واشنگٹن کو تباہ کرنے کی دھمکی
.ذریعہ: Daily Ausaf
کلیدی لفظ: متاثرہ علاقوں میں وادی نیلم کے باعث
پڑھیں:
سیلاب زدہ علاقوں میں وبائی امراض کا خطرناک پھیلاؤ، 24 گھنٹوں میں 33 ہزار سے زائد مریض رپورٹ
data-id="863a0a8" data-element_type="widget" data-widget_type="theme-post-content.default">
لاہور: پنجاب کے سیلاب سے متاثرہ علاقوں میں وبائی امراض تیزی سے پھیل رہے ہیں، جس نے حکام اور صحت کے شعبے کے لیے سنگین چیلنج کھڑا کر دیا ہے۔
محکمہ صحت پنجاب کی تازہ رپورٹ کے مطابق گزشتہ 24 گھنٹوں میں بخار، جلدی امراض، آشوب چشم، ڈائریا، سانپ اور کتے کے کاٹنے کے 33 ہزار سے زائد کیسز رجسٹر ہوئے ہیں، جبکہ سیلاب زدہ علاقوں میں مجموعی طور پر مریضوں کی تعداد 7 لاکھ 55 ہزار تک جا پہنچی ہے۔
رپورٹ میں بتایا گیا کہ ایک دن کے دوران سانس کی تکلیف کے شکار 5 ہزار افراد، بخار سے متاثرہ 4300، جلدی الرجی کے 4 ہزار اور آشوب چشم کے 700 مریض سامنے آئے ہیں۔ اس کے علاوہ ڈائریا کے 1900 سے زائد کیسز رپورٹ ہوئے، جبکہ سانپ کے کاٹنے کے 5 اور کتے کے کاٹنے کے 20 واقعات بھی ریکارڈ کیے گئے ہیں۔ یہ اعداد و شمار سیلاب سے تباہ حال علاقوں میں صحت کے نظام پر بڑھتے ہوئے دباؤ کی نشاندہی کرتے ہیں۔
محکمہ صحت کے مطابق سیلاب سے متاثرہ علاقوں میں 405 مستقل طبی کیمپ قائم کیے گئے ہیں، جہاں اب تک 2 لاکھ 79 ہزار سے زائد مریضوں کا معائنہ اور علاج کیا جا چکا ہے۔ حکام نے بتایا کہ ان کیمپوں میں بنیادی طبی سہولیات فراہم کی جا رہی ہیں، لیکن بیماریوں کے تیزی سے پھیلاؤ نے صورتحال کو پیچیدہ کر دیا ہے۔
ماہرین صحت نے خبردار کیا ہے کہ صاف پانی کی کمی، ناقص صفائی ستھرائی اور متاثرہ علاقوں میں امدادی کاموں کی رفتار سست ہونے کی وجہ سے وبائی امراض کا خطرہ مزید بڑھ سکتا ہے۔ حکومتی ذرائع کا کہنا ہے کہ صورتحال پر قابو پانے کے لیے اضافی وسائل اور فوری اقدامات کی ضرورت ہے، جبکہ شہریوں سے اپیل کی گئی ہے کہ وہ احتیاطی تدابیر اختیار کریں اور طبی امداد کے لیے قریبی کیمپوں سے رجوع کریں۔
یہ صورتحال نہ صرف صحت کے شعبے بلکہ امدادی اداروں کے لیے بھی ایک امتحان ہے، کیونکہ متاثرین کی تعداد میں مسلسل اضافہ ہوتا جا رہا ہے۔ حکام سے مطالبہ کیا جا رہا ہے کہ فوری طور پر ادویات کی فراہمی اور طبی عملے کی تعداد میں اضافہ کیا جائے تاکہ اس بحران سے نمٹا جا سکے۔
دریائے چناب میں سیلابی صورتحال، ٹرین سروس معطل