جنوی لبنان میں صیہونی فوج کی فائرنگ، درجنوں شہری زخمی و شہید
اشاعت کی تاریخ: 26th, January 2025 GMT
اپنی ایک رپورٹ میں صیہونی میڈیا کا کہنا تھا کہ آج صبح دو محاذوں پر بحرانی کییفیت پیدا ہو چکی ہے کیونکہ ایک سمت جنوبی لبنان کے لوگ اپنے علاقوں میں واپس آنے کیلئے پر تول رہے ہیں تو دوسری جانب غزہ کی پٹی کے ہزاروں افراد اپنے تباہ حال گھروں کی طرف روانہ ہیں۔ اسلام ٹائمز۔ لبنان کی وزارت صحت نے اعلان کیا کہ ملک کے جنوب میں صیہونی فوج کے حملے سے دو لبنانی شہری شہید اور 31 افراد زخمی ہو گئے۔ عبرانی نیوز ویب نے اس واقعے کو رپورٹ کرتے ہوئے بتایا کہ اسرائیلی فوج کی فائرنگ سے اب تک دو لبنانی شہری شہید ہو چکے ہیں۔ الجزیرہ کے رپورٹر نے بتایا کہ "برج الملوک"، "کفرکلا" اور "حولا" میں صیہونی فورسز کی فائرنگ سے 10 لبنانی شہری زخمی ہو گئے۔ دوسری جانب لبنانی فوج بھی ملک کے جنوبی علاقے "عیتا شعب" داخل ہو گئی۔ اُدھر صیہونی فوج نے اعلان کیا کہ لبنانی شہری جنوبی لبنان کے 26 علاقوں میں اپنے گھروں کو نہیں لوٹ سکتے۔ اسرائیلی فوج کے ریڈیو نے جنوبی لبنان کے علاقے "حولا" میں 2 شہریوں کو اپنے گھروں میں واپسی کے دوران گرفتار کرنے کی خبر دی۔ صیہونی ٹی وی 12 نے رپورٹ دی کہ آج صبح دو محاذوں پر بحرانی کییفیت پیدا ہو چکی ہے کیونکہ ایک سمت جنوبی لبنان کے لوگ اپنے علاقوں میں واپس آنے کے لئے پر تول رہے ہیں تو دوسری جانب غزہ کی پٹی کے ہزاروں افراد اپنے تباہ حال گھروں کی طرف روانہ ہیں۔ جنوبی لبنان کے باشندے "حزب الله" کے سابق سربراہ شہید "سید حسن نصر اللہ" کی تصویریں اٹھائے اور "لبیک یا نصر الله" کے نعرے لگاتے اپنے گھروں میں واپس جا رہے ہیں۔ دلچسپ بات یہ ہے کہ انہیں صیہونی مرکاوا ٹینکوں کی کوئی پروا نہیں۔
.ذریعہ: Islam Times
کلیدی لفظ: جنوبی لبنان کے میں صیہونی
پڑھیں:
عیدالاضحیٰ پر شہدا کے لواحقین کے جذبات و احساسات، رتبۂ شہادت پر سر فخر سے بلند
عیدالاضحیٰ کے موقع پر شہدا کے لواحقین نے اپنے جذبات و احساسات کا اظہار کیا ہے، جس میں انہوں نے رتبۂ شہادت کو پانے لیے فخر قرار دیا۔
وطن عزیز کی حفاظت کی راہ میں اپنی جان قربان کرنے والے شہدا کے لواحقین آج بھی اپنے پیاروں کو جذباتی انداز میں یاد کرتے ہیں۔
حوالدار کاشف ضیا شہید کی بیٹی نے اس موقع پر بتایا کہ میرے والد جب عید پر آتے تھے تو ہم تینوں بہن بھائیوں کے لیے کپڑے، چوڑیاں اور مہندی لے کر آتے تھے۔ ان کی شہادت کے بعد 8 عیدیں گزر چکی ہیں لیکن ہمیں آج بھی ان کی بہت یاد آتی ہے۔
ان کی بیوہ نے بتایا کہ میرے شوہر بہت اچھے انسان تھے اور ہمیں ان کی بہت کمی محسوس ہوتی ہے، خاص طور پر عید کے موقع پر۔ انہوں نے دہشت گردوں سے لڑتے ہوئے جام شہادت نوش کیا اور یہ ہمارے لیے باعث فخر ہے۔
اسی طرح سپاہی محمد صفدر شہید کے والد نے کہا کہ میرے بیٹے نے اپنے وطن کی خاطر جان دی اور شہادت کا رتبہ حاصل کیا ۔ انہوں نے کہا کہ ان شہدا کی قربانیوں ہی کی بدولت ہم اپنے گھروں میں چین سے زندگی بسر کررہے ہیں۔
انہوں نے مزید کہا کہ آخری بار جب میرا بیٹا عید پر آیا تو واپس جاتے ہوئے 3 بار وہ پلٹا اور اپنی 2 سالہ بیٹی کے ماتھے پر بوسہ دیا۔ اللہ تعالیٰ میرے بیٹے کو جنت میں اعلیٰ مقام عطا فرمائے۔ آمین۔
حوالدار وحید احمد شہید کے بیٹے نے کہا کہ میں 7 سال کا تھا تو میرے بابا شہید ہوگئے اور ہمیں عید پر ان کی بہت یاد آتی ہے۔ ان کی بیوہ نے کہا کہ عید کے موقع پر مجھے میرے شوہر کی بہت کمی محسوس ہوتی ہے۔
بنارس کی تاریخی اور مسلم اکثریتی بازار کے انہدام پر کورٹ سے راحت