ریڑھی بازاروں کے قیام سے غریبوں کو روزگار ملے گا‘ملک افضل کھوکھر
اشاعت کی تاریخ: 27th, January 2025 GMT
رائے ونڈ (صباح نیوز)چیئر مین پنجاب ماڈل بازار ،(ن)لیگی رکن قومی اسمبلی ملک محمد افضل کھوکھر نے کہا ہے کہ پنجاب بھر میں ریڑھی بازاروں کے قیام سے عام اور غریب آدمی کو بہترین روزگار میسر آئے گا۔وزیر اعلیٰ پنجاب مریم نواز شریف کے ویژن کے مطابق روزگار
سب کیلئے صوبہ بھر میں ریڑھی بازار قائم کئے جارہے ہیں ۔پرانے مسلم لیگی کارکنان ہمارا سرمایہ ہیں۔ ان کی عزت اور پروٹوکول تمام مسلم لیگی نمائندوں پر واجب ہیں ۔ان خیالات کا اظہار رائے ونڈ میں ماڈل ریڑھی بازار کی افتتاحی تقریب کے بعد میڈیا سے خصوصی گفتگو کرتے ہوئے کیا۔ انہوں نے کہا کہ ہم نے اپنے پرانے ساتھی حاجی محمد عباس ملک کو انکی رہائش گاہ سے ماڈل ریڑھی بازار تک ذاتی گاڑی میں پروٹو کول کیساتھ لائے ہیں۔حاجی محمد عباس ملک نے ریڑھی بازار کا فیتہ کاٹ کر افتتاح کیا۔ حاجی محمد عباس ملک نے کہا کہ مسلم لیگ ن میں کارکنان کی عزت ہے جو کسی دوسری جماعت میں نہیں ہے۔ انہوں نے عزت افزائی پر ایم این اے ملک افضل کھوکھر کا شکریہ ادا کیا ،افضل کھوکھر نے میڈیا سے گفتگو کرتے ہوئے مزید کہا کہ عمران خان کو رہائی کی امید نظر نہیں آئی اس لیے مذاکرات ختم کیے،ملکی معیشت بہتری کی جانب گامزن ہے، ہرتختی پرنوازشریف کا نام ہے۔ انہوںنے کہا کہ دوسروں کی کردارکشی کرنے والے نے ملکی تاریخ کی سب سے بڑی کرپشن کی، بانی پی ٹی آئی نے اختیارات کا ناجائز استعمال کیا، عمران خان سب سے بڑے چور ثابت ہوئے،عوام ان کی اصل حقیقت جانتے ہیں۔حکومت نے سنجیدگی کے ساتھ مذاکرات کیے مگر عمران خان کو رہائی کی امید نظر نہیں آئی اس لیے مذاکرات ختم کیے۔ملک افضل کھوکھر نے کہا کہ نوازشریف کوبیٹے کی کمپنی سے تنخواہ نہ لینے پر ہٹایا گیا، نوازشریف پر کرپشن کا کوئی کیس نہیں تھا، تمام تر کوششوں کے باوجود نوازشریف پر کرپشن ثابت نہیں ہو سکی، مسلم لیگ (ن) کی قیادت نے حوصلے سے جبر کا سامنا کیا۔ انہوں نے کہا کہ ملکی معیشت بہتری کی جانب گامزن ہے، ہرتختی پرنوازشریف کا نام ہے۔ ملکی ترقی کے نئے منصوبے شروع کر رہے ہیں،جن کا مقصد معیشت کو مستحکم کرنا اور عوام کے لیے ایک مضبوط ترقی کی بنیاد رکھنا ہے۔
ذریعہ
ذریعہ: Jasarat News
کلیدی لفظ: افضل کھوکھر نے کہا کہ
پڑھیں:
ایڈیشنل ایڈووکیٹ جنرل خیبر پختونخوا اپنے عہدے سے مستعفی
محمد انعام یوسفزئی کا کہنا تھا کہ بطور ایڈیشنل ایڈووکیٹ جنرل ذمہ داری ادا کرنا میرے لیے اعزاز کی بات ہے، تاہم مزید اس پوسٹ پر کام جاری نہیں رکھ سکتا۔ اسلام ٹائمز۔ ایڈیشنل ایڈووکیٹ جنرل خیبرپختونخوا محمد انعام یوسفزئی نے استعفا دے دیا۔ محمد انعام یوسفزئی کا کہنا تھا کہ بطور ایڈیشنل ایڈووکیٹ جنرل ذمہ داری ادا کرنا میرے لیے اعزاز کی بات ہے، تاہم مزید اس پوسٹ پر کام جاری نہیں رکھ سکتا۔ مستعفی ہونے والے ایڈیشنل ایڈووکیٹ جنرل کا کہنا تھا کہ وزیر قانون اور سیکرٹری قانون کا شکریہ ادا کرتا ہوں۔
بھارت سے جنگ اور افغانستان میں کارروائی خارج ازامکان نہیں، وزیردفاع