چیمپیئنز ٹرافی 2025 کے ٹکٹوں کی خریداری، قیمت اور مقام کی تفصیلات جاری
اشاعت کی تاریخ: 27th, January 2025 GMT
انٹر نیشنل کرکٹ کونسل (آئی سی سی ) نے پاکستان میں ہونے والی چیمپیئنز ٹرافی 2025 کے ٹکٹوں کی خریداری کے لیے وقت، قیمت اور مقام کی تفصیلات جاری کر دی ہیں۔
پیر کو آئی سی سی کی جانب سے جاری تفصیلات میں گروپ مرحلے کے میچوں اور دوسرے سیمی فائنل سمیت پاکستان میں میچوں کی ٹکٹیں عام فروخت کے لیے 28 جنوری سے شروع ہوں گی۔ متحدہ عرب امارات میں بھارت کے میچوں کے ٹکٹوں کا اعلان جلد کیا جائے گا۔
آئی سی سی کے اعلامیے کے مطابق پاکستان میں ہونے والی آئی سی سی چیمپیئنز ٹرافی 2025 میں شائقین کرکٹ گراؤنڈز میں اپنی سیٹس محفوظ کر سکتے ہیں، اس میں بھارت کے میچز 19 فروری سے 9 مارچ تک متحدہ عرب امارات میں کھیلے جائیں گے۔
گروپ مرحلے کے میچوں اور پاکستان میں کھیلے جانے والے دوسرے سیمی فائنل کے ٹکٹوں کی عام فروخت 28 جنوری بروز منگل 13:00 گلف اسٹینڈرڈ ٹائم (جی ایس ٹی) اور 14:00 پاکستان کے معیاری وقت (پی ایس ٹی) پر شروع ہوگی۔
آئی سی سی ممبران کی فیمیلیز کو ٹکٹوں کی خرید کے لیے خصوصی طور ابتدائی مرحلے میں رسائی دی جائے گی، ٹکٹ خریدنے کے لیے ان فیمیلیز کو 2 گھنٹے تک ایک الگ سے کاؤنٹر دستیاب ہوگا۔
آئی سی سی کے مطابق کراچی، لاہور اور راولپنڈی میں ہونے والے 10 میچوں سمیت مختلف کیٹیگریز میں جنرل اسٹینڈ ٹکٹ کی قیمت 1000 پاکستانی روپے سے شروع ہوگی۔
فزیکل ٹکٹس 3 فروری سے پاکستان بھر میں مخصوص ٹی سی ایس ایکسپریس مراکز پر بھی دستیاب ہوں گے، جس کی تفصیلات کا اعلان مناسب وقت پر کیا جائے گا۔
دبئی، متحدہ عرب امارات میں 20، 23 فروری اور 2 مارچ کو کھیلے جانے والے بھارت کے میچوں کے لیے ٹکٹ کی معلومات جلد ہی سامنے لائی جائیں گی۔ اس دوران شائقین یہاں ٹکٹیں خریدنے میں اپنا نام اور دلچسپی درج کراسکتے ہیں۔
آئی سی سی مینز چیمپئنز ٹرافی فائنل کے ٹکٹ دبئی میں پہلے سیمی فائنل کے اختتام کے بعد خریدے جائیں گے۔ 2 ہفتوں تک جاری رہنے والے ان سنسنی خیز مقابلوں میں دنیا کی ٹاپ 8 ٹیمیں 19 دنوں تک آمنے سامنے ہوں گی ۔
آئی سی سی کے چیف کمرشل آفیسر انوراگ دہیا کا کہنا ہے کہ ہم آئی سی سی چیمپیئنز ٹرافی 2025 کے ٹکٹ کی فروخت کا اعلان کرتے ہوئے بہت خوش ہیں۔ یہ پاکستان میں کرکٹ کے لیے ایک اہم لمحہ ہے جو 1996 کے بعد اپنے پہلے عالمی کرکٹ ٹورنامنٹ کی میزبانی کر رہا ہے۔
چیمپیئنز ٹرافی ایک ناقابل فراموش ایونٹ ہے جہاں ہر میچ انتہائی دلچسپ ہونے کی توقع ہے، جس میں دنیا کی بہترین ٹیمیں مقابلہ کریں گی۔ انہوں نے کہا کہ ہم شائقین کی حوصلہ افزائی کرتے ہیں کہ وہ 2017 کے بعد پہلی بار چیمپیئنز ٹرافی کے ٹکٹ حاصل کریں گے۔
ٹورنامنٹ ڈائریکٹر سمیر احمد سید نے کہا کہ آئی سی سی چیمپیئنز ٹرافی 2025 ایک یادگار ایونٹ ہے جو 1996 کے بعد پاکستان میں پہلی مرتبہ منعقد کیا جا رہا ہے جس سے شائقین کرکٹ کو کرکٹ کے بہترین اسٹارز کو براہ راست دیکھنے کا موقع ملے گا۔
انہوں نے کہا کہ پاکستان کے جدید ترین، نئے اپ گریڈ شدہ اسٹیڈیمز کے ساتھ، یہ مختصر اور تیز ٹورنامنٹ جس میں ہر میچ اہمیت رکھتا ہے، مہارت، شوق و جذبے کے ناقابل فراموش لمحات پیش کرے گا۔
انہوں نے کہا کہ شائقین کو گراؤنڈ تک آنے میں آسانیاں پیدا کی گئی ہیں اور ہم نے ٹکٹوں کو نہ صرف سستا بنایا ہے بلکہ سرکاری آن لائن پلیٹ فارم اور پاکستان بھر میں 100 سے زیادہ مقامات کے ذریعے آسانی سے قابل رسائی بھی بنایا ہے۔
ان کا کہنا تھا میں تمام شائقین پر زور دیتا ہوں کہ وہ صرف اس مجاز چینل کے ذریعے ہی اپنے ٹکٹ حاصل کریں ۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آئی سی سی آسٹریلیا اعلان بھارت پاکستان ٹکٹ ٹورنامنٹ چیمپیئز ٹرافی شارجہ فروخت قیمت کاؤنٹرز کرکٹ گراؤنڈ متحدہ عرب امارات وقت ویسٹ انڈیز یادگار یو اے ای.ذریعہ: WE News
کلیدی لفظ: ا سٹریلیا اعلان بھارت پاکستان ٹکٹ ٹورنامنٹ چیمپیئز ٹرافی کاؤنٹرز کرکٹ گراؤنڈ متحدہ عرب امارات ویسٹ انڈیز یادگار یو اے ای چیمپیئنز ٹرافی 2025 متحدہ عرب امارات پاکستان میں نے کہا کہ ٹکٹوں کی کے ٹکٹوں کے بعد کے ٹکٹ کے لیے
پڑھیں:
سرمایہ کاری کے لیے پاکستان بہترین مقام بن چکا ہے، وفاقی وزیر نجکاری کمیشن
سرمایہ کاری کے لیے پاکستان بہترین مقام بن چکا ہے، وفاقی وزیر نجکاری کمیشن WhatsAppFacebookTwitter 0 24 July, 2025 سب نیوز
اسلام آباد:پاکستان اور آسیان ریجن کے درمیان معاشی اور تجارتی روابط کے فروغ پر فیڈریشن آف پاکستان چیمبرز آف کامرس اینڈ انڈسٹری (ایف پی سی سی آئی) کے زیر اہتمام اہم سیمینار منعقد ہوا، جس میں وفاقی وزیر برائے فوڈ سیکیورٹی رانا تنویر حسین، وفاقی وزیر نجکاری کمیشن قیصر احمد شیخ اور آسیان ممالک کے سفراء نے شرکت کی۔
سیمینار سے خطاب کرتے ہوئے صدر ایف پی سی سی آئی عاطف اکرام شیخ نے کہا کہ پاکستان، آسیان ممالک کے ساتھ سفارتی اور تجارتی تعلقات قائم کرنے والا اولین ملک ہے۔ انہوں نے بتایا کہ دونوں خطوں کے درمیان باہمی تجارت کا حجم 9 ارب سے 11 ارب ڈالر تک پہنچ چکا ہے۔
عاطف اکرام شیخ نے کہا کہ سی پیک کے ذریعے پاکستان آسیان اور مشرق وسطیٰ کے درمیان کنیکٹیویٹی کا آسان ذریعہ بن سکتا ہے۔ انہوں نے کہا کہ لاکھوں پاکستانی ہنر مند افراد آسیان ممالک میں خدمات انجام دے رہے ہیں، جبکہ سی فوڈ، زراعت، چمڑے کی صنعت سمیت دیگر شعبوں میں تجارت کے وسیع مواقع موجود ہیں۔ انہوں نے آسیان ممالک کے سرمایہ کاروں پر زور دیا کہ وہ پاکستان میں سرمایہ کاری کے مواقع سے فائدہ اٹھائیں۔
وفاقی وزیر نجکاری کمیشن قیصر احمد شیخ نے کہا کہ آئندہ چند برسوں میں پاکستان کی معیشت ایک ٹریلین ڈالر سے تجاوز کر جائے گی۔ انہوں نے کہا کہ چین، مشرق وسطیٰ اور آسیان کے سرمایہ کاروں کے لیے پاکستان میں سرمایہ کاری کا سنہری موقع موجود ہے، اور حکومت سرمایہ کاروں کو مکمل سہولیات فراہم کر رہی ہے۔ ان کا کہنا تھا کہ پاکستان کی معاشی ریٹنگ مسلسل بہتر ہو رہی ہے۔
وفاقی وزیر فوڈ سیکیورٹی رانا تنویر حسین نے کہا کہ پاکستان اور آسیان ممالک کے درمیان مضبوط تجارتی اور سفارتی تعلقات قائم ہیں۔ انہوں نے کہا کہ پاکستان اپنے محل وقوع کے اعتبار سے آسیان ریجن کے لیے بہترین تجارتی پارٹنر ثابت ہو سکتا ہے۔ ان کا کہنا تھا کہ پاکستان زرعت، فارماسیوٹیکل، آئی ٹی اور توانائی سمیت مختلف شعبوں میں آسیان ممالک کے ساتھ تعاون بڑھانے کا خواہاں ہے۔ رانا تنویر حسین نے کہا کہ وزیراعظم شہباز شریف کی قیادت میں حکومت علاقائی تجارت اور سفارتی تعلقات کو فروغ دینے کے لیے پرعزم ہے۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرخوراکی تحفظ کے فروغ کے لیے ایتھوپیا اور پاکستان میں تعاون کا آغاز خوراکی تحفظ کے فروغ کے لیے ایتھوپیا اور پاکستان میں تعاون کا آغاز سی جی ٹی این کے سروے میں 65 اعشاریہ 2فیصد یورپی یونین کے شہری چین کے ساتھ تجارت کو فائدہ مند سمجھتے ہیں احتجاج کیس:پی ٹی آئی کے کون کونسے کارکنان کو سزائیں ہوئیں ؟ تصاویر و تفصیلات سب نیوز پر ڈیگاری قتل کیس میں نیا موڑ، بیٹی کے قتل کو جائز قرار دینے والی ماں گرفتار روس میں مسافر طیارہ گر کر تباہ ، تمام مسافر ہلاک سینیٹ انتخابات: الیکشن کمیشن نے خیبرپختونخوا سے کامیاب امیدواروں کا نوٹیفکیشن جاری کردیاCopyright © 2025, All Rights Reserved
رابطہ کریں ہمارے بارے ہماری ٹیم
حکومت کا ایران،عراق اور شام جانے والے زائرین کے متعلق اہم فیصلہ