ملتان گیس ٹینکر سانحہ: اموات 6 ہوگئیں، مقدمہ درج، 3 گرفتار
اشاعت کی تاریخ: 28th, January 2025 GMT
ملتان/ اسلام آباد (اے پی پی) ملتان میں اتوار اور پیر کی درمیانی شب ہونے والے گیس ٹینکر حادثے میں جاں بحق افراد کی تعداد 6 ہو گئی، پولیس ترجمان کے مطابق اس المناک سانحے کا مقدمہ ڈرائیور سمیت 8 نامعلوم افراد کے خلاف تھانہ مظفر آباد میں درج کردیا گیا اوراس سلسلے میں 3 افراد کو گرفتار بھی کیا گیا ہے۔ صدر آصف زرداری اور وزیراعظم شہباز شریف نے واقعے میں جانی نقصان پر دکھ کا اظہار کرتے ہوئے جاں بحق افراد کیلیے دعائے مغفرت، متاثرین کے اہلخانہ سے اظہار افسوس کیا ہے اور زخمیوں کے علاج میں ہر ممکن تعاون کی یقین دہانی کرائی ہے۔تازہ اطلاعات کے مطابق چند افراد ٹینکر سے ری فلنگ کر رہے تھے کہ زور دار دھماکے کے بعد آگ لگ گئی۔ ترجمان کے مطابق آگ نے قریبی علاقے کو بھی اپنی لپیٹ میں لے لیا،جس سے 6 افراد جاں بحق اور 39 زخمی ہوئے۔
.ذریعہ: Jasarat News
پڑھیں:
فضل الہٰی نے پشاور کے تمام فیڈرز زبردستی آن کردیے، سسٹم اوور لوڈ، سپلائی معطل
رکن خیبر پختونخوا اسمبلی فضل الہٰی پشاور کے رحمان بابا گرڈ اسٹیشن میں گھس گئے۔
ترجمان پیسکو کے مطابق فضل الہٰی نے زبردستی تمام فیڈرز آن کردیے، جس کے بعد سسٹم اوور لوڈ ہونے سے سپلائی معطل ہوگئی۔
ترجمان پیسکو کے مطابق ایم پی اے فضل الہٰی زبردستی پشاور کے رحمان بابا گرڈ اسٹیشن میں گھسے اور تمام فیڈرز آن کردیے۔
ترجمان کے مطابق ایم پی اے کی طرف سے زبردستی آن کرائے گئے فیڈرز ہائی لاس فیڈرز میں شمار ہوتے ہیں، فضل الہٰی کے خلاف قانونی کارروائی کی جارہی ہے۔
ترجمان پیسکو کے مطابق بجلی چوری کی کثرت اور واجبات کی عدم ادائیگی کے باعث ان فیڈرز پر لوڈمینجمنٹ کی جاتی ہے۔
بلاول بھٹو زرداری نیویارک امریکہ پہنچ گئے