احسن اقبال کی زیرصدارت اجلاس‘ 16 ترقیاتی منصوبوں کی منظوری
اشاعت کی تاریخ: 29th, January 2025 GMT
اسلام آباد (نمائندہ خصوصی) وفاقی وزیر منصوبہ بندی احسن اقبال کی صدارت میں سینٹرل ڈیویلپمنٹ ورکنگ پارٹی کے اجلاس میں 259 ارب روپے لاگت کے 16 ترقیاتی منصوبوں کی منظوری دے دی گئی،ان منصوبوں میں سے سی ڈی ڈبلیو پی نے 27.4 ارب روپے کے نو منصوبوں کو منظور کر لیا جبکہ سات منصوبے جن کی لاگت 232.28 بلین روپے ہے ۔حتمی منظوری کے لیے ایکنک کو ارسال کر دیا۔ احسن اقبال نے اپنے خطاب میں کہا کہ قومی ترقی کو بڑھانا تمام سٹیک ہولڈرز کی ذمہ داری ہے،سی ڈی ڈبلیو پی کے اجلاس میں تعلیم اور تربیت کے شعبوں کے پانچ منصوبے منظوری کے لیے پیش کیے گئے ان میں سے ایک منصوبہ گلگت بلتستان میں دانش سکولوں کا قیام ہے۔سی ڈی ڈبلیو پی نے اس منصوبے کو منظوری دے دی گئی اس کے علاوہ آزاد جموں و کشمیر میں بھی دانش سکولوں کے قیام کے منصوبے کو منظور کر لیا اس پر دو ارب 99 کروڑ روپے سے زیادہ کی لاگت آئے گی۔ پبلک پرائیویٹ پارٹنرشپ سندھ کے منصوبے کو منظور کر لیا گیا، ایکنک اس کی حتمی منظوری دے گی، پاک یو ایس میرٹ اینڈ نیڈ بیس سکالرشپ پروگرام کے مرحلہ دو کی منظوری دے دی ہے اس پر دو ارب 95 کروڑ روپے لاگت آئے گی، اجلاس میں پاکستان سپورٹس کمپلیکس میں ارشد ندیم شہباز شریف ہائی پرفارمنس سپورٹس اکیڈمی کے قیام کا منصوبہ پیش کیا گیا اس پر دو ارب 67 کروڑ روپے سے زائد لاگت آئے گی۔ اجلاس میں 220 کے وی ٹرانسمیشن سسٹم نیٹورک ریل فورسمنٹ کے قیام کے منصوبے کو منظور کر لیا گیا یہ منصوبہ اسلام آباد اور برہان کے درمیان لگایا جائے گا اور اس پر 11 ارب 31 کروڑ روپے کی لاگت آئے گی، اس کے تحت 220 کے وی کی لائن اسلام آباد اور برہان کے درمیان بچھائی جائے گی، سندھ میں فلڈ ایمرجنسی اور بحالی کے پروگرام کے منصوبے کو ایکنک کو بھیج دیا گیا اس پر 88 ارب 40 کروڑ روپے سے زائد کی لاگت کا تخمینہ ہے۔اجلاس میں راولپنڈی کہوٹہ روڈ کو دوہرا کرنے کا منصوبہ پیش کیا گیا اس پر 23 ارب 54 کروڑ روپے سے زائد کی لاگت آئے گی اس منصوبے کو حتمی منظوری کے لیے ایکنک کو ار سال کر دیا گیا، اس کے ساتھ اضافی زمین خریدی جائے گی۔
.ذریعہ: Nawaiwaqt
کلیدی لفظ: منصوبے کو منظور کو منظور کر لیا کروڑ روپے سے کے منصوبے کو اجلاس میں کی لاگت
پڑھیں:
سی پیک فیز ٹو کا آغاز ہو چکا، چین نے کبھی کسی دوسرے ملک سے تعلق نہ رکھنے کی شرط نہیں لگائی، احسن اقبال
وفاقی وزیر پلاننگ و ڈیولپمنٹ احسن اقبال نے کہا ہے کہ سی پیک فیز ٹو کا باضابطہ آغاز ہو چکا ہے، چین کو ہم نے دو اسپشل اکامک زونز آفر کیے ہیں، اس پر اب ان کی ٹیکنیکل ٹیم پاکستان آ کر جائزہ لے گی۔
نجی ٹی وی کو انٹرویو دیتے ہوئے انہوں نے کہاکہ چین نے کبھی ہم پر یہ شرط نہیں لگائی کہ ہم سے تعلقات رکھنے کے لیے کسی دوسرے کی طرف نہ جائیں، بلکہ وہ ہمیشہ یہ کہتے ہیں کہ آپ تمام ممالک سے تعلقات بہتر بنا کر اپنی اقتصادی حالت کو بہتر بنائیں۔
مزید پڑھیں: پاکستان کی معاشی ترقی میں سی پیک کا اہم کردار ہے، چینی قونصل جنرل
انہوں نے کہاکہ سی پیک فیز ون میں 25 ارب ڈالر کی سرمایہ کاری پاکستان آئی، لیکن پی ٹی آئی کے دور حکومت میں اس منصوبے کو بھی نشانہ بنایا گیا۔
انہوں نے کہاکہ سی پیک فیز ٹو میں انفراسٹرکچر کی تعمیر نہیں ہوگی، بلکہ دیگر منصوبے لگیں گے، جن میں پاکستانی نوجوانوں کی آئی ٹی سیکٹر میں تربیت بھی شامل ہے۔
احسن اقبال نے کہاکہ بیرونی سرمایہ کاری کا دارومدار ملکی حالات پر ہوتا ہے، اگر ملک میں سیاسی افراتفری ہوگی، اور دہشتگری کا خاتمہ نہیں ہوگا، تو پھر ایسے کون اپنا سرمایہ لگائے گا۔
انہوں نے کہاکہ ہم ملک میں سیاسی استحکام لانے کے لیے کردار ادا کررہے ہیں، لیکن تالی ہمیشہ دونوں ہاتھوں سے بجتی ہے، اپوزیشن کو بھی اس سلسلے میں اپنا کردار ادا کرنا چاہیے۔
وفاقی وزیر نے کہاکہ سہیل آفریدی خیبرپختونخوا کے وزیراعلیٰ ہیں، انہیں اپنی ذمہ داری کا علم ہونا چاہیے، ان کے قومی فرائض کا سیاسی معاملات سے کوئی تعلق نہیں۔
انہوں نے کہاکہ حکومت کی کوشش ہے کہ بیرونی حمایت یافتہ دہشتگردی کا خاتمہ کیا جائے اور بلوچستان میں امن قائم ہو۔ 2013 میں جب ہم آئے تو بلوچستان میں حالات بہت خراب تھے، لیکن پھر ہم نے صورت حال کنٹرول کیا۔
احسن اقبال نے کہاکہ پی ٹی آئی دور میں جہاں معیشت کا بھٹہ بٹھایا گیا وہیں ان کے دور میں دہشتگردی واپس آئی، پاکستان میں ہونے والی دہشتگردی کے تانے بانے افغانستان سے جا کر ملتے ہیں۔
انہوں نے کہاکہ افغانستان کی ذمہ داری ہے کہ وہ اپنی سرزمین کو پاکستان کے خلاف استعمال ہونے سے روکے، ہم نے 40 لاکھ افغان مہاجرین کو اپنے ملک میں پناہ دی۔
یہ بھی پڑھیں: اگر بھارت نے پاکستان پر حملے کے لیے افغانستان کا استعمال کیا تو منہ توڑ جواب دیا جائے گا، پاکستان
ایک سوال کے جواب میں انہوں نے کہاکہ معرکہ حق نے پاکستان کی پروفائل کو یکسر بدل کر رکھ دیا، جس کا کریڈٹ سپہ سالار فیلڈ مارشل عاصم منیر کو جاتا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews احسن اقبال پاک افغان تعلقات دہشتگردی سی پیک فیز ٹو فیلڈ مارشل عاصم منیر وزیر پلاننگ وی نیوز
ایمازون 14 ہزار ملازمین کو فارغ کرنے کا اعلان، AI اثرات کا ذکر