کنگ سلمان ریلیف سنٹر کی جانب سے مستحقین میں امدادی اشیا اور موسم سرما کی کٹس تقسیم
اشاعت کی تاریخ: 30th, January 2025 GMT
کنگ سلمان ریلیف سنٹر کی جانب سے مستحقین میں امدادی اشیا اور موسم سرما کی کٹس تقسیم WhatsAppFacebookTwitter 0 30 January, 2025 سب نیوز
اسلام آباد (سب نیوز)وفاقی وزیر برائے قومی خوراک تحفظ، رانا تنویر حسین نے کنگ سلمان ریلیف شیلٹر کی تقریب میں مہمان خصوصی کے طور پر شرکت کی۔ یہ تقریب پاکستان اور سعودی عرب کے تاریخی اور مثالی تعلقات میں ایک اور اہم سنگ میل ثابت ہوئی، جو دونوں ممالک کے انسانی ہمدردی اور ترقی کے مشترکہ عزم کی عکاسی کرتی ہے۔اس موقع پر رانا تنویر حسین نے سعودی حکومت اور کنگ سلمان انسانی امداد و ریلیف مرکزکی پاکستانی عوام کے لیے مسلسل امدادی معاونت پر شکریہ ادا کیا۔
انہوں نے کہا کہ سعودی عرب پاکستان کی زرعی ترقی میں کلیدی کردار ادا کر رہا ہے، جدید کاشتکاری، آبپاشی نظام اور غذائی تحفظ کے فروغ میں مدد فراہم کر رہا ہے۔تقریب کے دوران کنگ سلمان ریلیف سنٹر کی جانب سے مستحقین میں امدادی اشیا اور موسم سرما کی کٹس تقسیم کی گئیں، تاکہ ضرورت مند افراد کو بروقت مدد فراہم کی جا سکے۔ وزیر نے قدرتی آفات، غربت اور غذائی عدم تحفظ کے خلاف KS Relief کے اقدامات کو قابل ستائش قرار دیا۔رانا تنویر حسین نے مزید کہا کہ سعودی سرمایہ کاری نے پاکستان میں زرعی پیداوار میں نمایاں اضافہ کیا اور جدید کاشتکاری کے فروغ میں اہم کردار ادا کیا ہے۔
دونوں ممالک کے درمیان تعاون سے غذائی تحفظ مضبوط ہوا ہے اور پائیدار ترقی کو فروغ ملا ہے۔KS Relief کے امدادی منصوبے صرف فوری مدد تک محدود نہیں، بلکہ صحت، تعلیم اور معاشی استحکام میں بھی اہم کردار ادا کر رہے ہیں۔ وزیر نے اس بات پر زور دیا کہ پاکستان کی ترقی میں سعودی عرب کا تعاون ایک سنگ میل کی حیثیت رکھتا ہے۔یہ بھی بتایا گیا کہ 2023 میں KS Relief نے دنیا بھر میں 110 ملین کھانے فراہم کیے، جن میں سے ایک بڑا حصہ پاکستان کے لیے مختص تھا۔ اس سے ظاہر ہوتا ہے کہ سعودی عرب بھوک کے خاتمے اور عالمی انسانی ہمدردی کی کاوشوں میں کلیدی کردار ادا کر رہا ہے۔رانا تنویر حسین نے کہا کہ پاکستان اور سعودی عرب غذائی تحفظ اور ماحولیاتی تبدیلی جیسے چیلنجز کا مل کر مقابلہ کریں گے۔ انہوں نے تمام شعبوں میں دوطرفہ تعلقات کو مزید مضبوط بنانے اور مشترکہ ترقی کے لیے کام جاری رکھنے کے عزم کا اظہار کیا۔تقریب کا اختتام KS Relief کی انتھک کوششوں کو سراہنے اور متاثرہ افراد کے لیے امید کی کرن بننے کے عزم کے ساتھ ہوا۔
.ذریعہ: Daily Sub News
کلیدی لفظ: کنگ سلمان ریلیف
پڑھیں:
وزیراعظم شہباز شریف کی سعودی ولی عہد محمد بن سلمان بن عبدلعزیز سے ملاقات
سٹی 42 : وزیرِاعظم پاکستان شبہاز شریف اور سعودی عرب کے ولی عہد شہزادہ محمد بن سلمان بن عبدالعزیز آل سعود کے درمیان دوحہ میں ہنگامی عرب اسلامی سربراہی اجلاس کے موقع پر ملاقات ہوئی۔
وزیرِاعظم شہباز شریف نے سعودی عرب کے ولی عہد اور وزیرِاعظم، شاہی عالی جاہ شہزادہ محمد بن سلمان بن عبدالعزیز آل سعود سے دوحہ میں ہونے والے ہنگامی عرب اسلامی سربراہی اجلاس کے موقع پر ملاقات کی۔ یہ اجلاس 15 ستمبر 2025 کو قطر پر اسرائیل کے حالیہ حملے کے بعد طلب کیا گیا تھا۔
پاکستان کرکٹ بورڈ نےڈائریکٹر انٹرنیشنل کرکٹ عثمان واہلہ کو معطل کر دیا
انتہائی پُرعزم اور خوشگوار ماحول میں ہونے والی اس ملاقات میں دونوں رہنماؤں نے اسرائیل کی جارحیت کے بعد پیدا ہونے والی صورتحال پر تبادلۂ خیال کیا۔ وزیرِاعظم پاکستان نے اسرائیل کے اقدام کی سخت مذمت کرتے ہوئے کہا کہ یہ ایک دانستہ کوشش ہے تاکہ مشرقِ وسطیٰ میں امن کی کوششوں کو سبوتاژ کیا جا سکے۔
وزیرِاعظم نے امتِ مسلمہ کو یکجا کرنے میں شہزادہ محمد بن سلمان کی جرات مندانہ اور بصیرت افروز قیادت کو زبردست خراجِ تحسین پیش کیا۔ اس موقع پر وزیرِاعظم نے یقین دلایا کہ پاکستان مکمل طور پر سعودی عرب کے ساتھ سفارتی سطح پر کھڑا ہے، بالخصوص اقوامِ متحدہ کی سلامتی کونسل میں، جہاں پاکستان اس وقت غیر مستقل رکن ہے، نیز دیگر تمام کثیر الجہتی فورمز بشمول او آئی سی میں بھی۔
جب انکم ٹیکس مسلط نہیں کر سکتے تو سپر ٹیکس کیسے مسلط کر سکتے ہیں، جج سپریم کورٹ
وزیرِاعظم نے کہا کہ دوحہ میں ہنگامی عرب اسلامی سربراہی اجلاس کا انعقاد اس بات کا واضح پیغام ہے کہ دنیا بھر کے مسلمان اسرائیل کی غیر قانونی اور غیر ذمہ دارانہ جارحیت کے خلاف ایک آواز میں بول رہے ہیں، جو خطے کے امن و سلامتی کے لیے سنگین خطرہ ہے۔
وزیرِاعظم نے پاکستان اور سعودی عرب کے تاریخی اور برادرانہ تعلقات کو ایک بار پھر دہرایا اور سعودی عرب کی طرف سے ہر مشکل گھڑی میں پاکستان کی غیر متزلزل حمایت پر ولی عہد کا شکریہ ادا کیا۔
لاہور کے مختلف علاقوں سے خاتون سمیت4 افراد کی لاشیں برآمد
شہزادہ محمد بن سلمان نے کہا کہ وہ وزیرِاعظم پاکستان کے آئندہ سرکاری دورۂ ریاض کے منتظر ہیں، جو اس ہفتے متوقع ہے۔ یہ دورہ دونوں ممالک کو دوطرفہ تعلقات کے ساتھ ساتھ علاقائی اور عالمی امور پر جامع تبادلۂ خیال کا اہم موقع فراہم کرے گا۔
وزیرِاعظم نے خادمِ حرمین شریفین، شاہ سلمان بن عبدالعزیز آل سعود کے لیے اپنے پُر خلوص احترام اور نیک خواہشات بھی پہنچائیں۔
شہزادہ محمد بن سلمان نے وزیرِاعظم پاکستان کی قیادت اور قطر کے ساتھ اظہارِ یکجہتی کے لیے پاکستان کی فعال سفارتی کاوشوں، بالخصوص سلامتی کونسل اور او آئی سی میں کردار کی تعریف کی۔
9 شہریوں کے قتل میں ملوث اشتہاری ملزم سعودی عرب سے گرفتار
کرینہ کپور کے دلچسپ جواب پر مداحوں میں چہ میگوئیاں