وزیراعظم سے پاکستان میں تعینات چینی سفیر کی ملاقات، اقتصادی امور پر گفتگو
اشاعت کی تاریخ: 31st, January 2025 GMT
اسلام آباد:
وزیراعظم محمد شہباز شریف سے عوامی جمہوریہ چین کے پاکستان میں تعینات سفیر جیانگ زیڈونگ کی وزیراعظم ہاؤس میں ملاقات ہوئی جس دونوں ممالک کے درمیان اقتصادی اور سیکیورٹی تعاون سے متعلق امور پر تبادلہء خیال کیا گیا۔
وزیراعظم نے چینی سفیر کو چینی سال نو کی مبارکباد دی اور نئے سال کی تقریبات میں چینی قیادت کے ساتھ ساتھ چین کے برادر عوام بشمول پاکستان میں مقیم تمام چینی شہریوں کے لیے نیک خواہشات کا اظہار کیا۔
انہوں نے امید ظاہر کی کہ یہ نیا سال پاکستان اور چین کے درمیان دوستی کے رشتے کو مزید مضبوط کرے گا اور دونوں ممالک کے عوام کے لیے خوشحالی لائے گا۔
چینی سفیر نے اس خوشی کے موقع پر چینی حکومت اور اس کے عوام کے لیے نیک تمناؤں کا اظہار کرنے پر وزیراعظم اور پاکستانی عوام کا شکریہ ادا کیا۔
.ذریعہ: Express News
پڑھیں:
دمشق، ابو محمد الجولانی سے سعودی وزیر خارجہ کی ملاقات
اپنے شامی ہم منصب کیساتھ ایک مشترکہ پریس کانفرنس میں سعودی وزیر خارجہ کا کہنا تھا کہ ہم نے قطر کیساتھ مل کر شام کے سرکاری ملازمین کیلیے مشترکہ مالی امداد پر غور کیا ہے جس کا مقصد اقتصادی دباؤ کو کم کرنا ہے۔ اسلام ٹائمز۔ دوطرفہ تعلقات کو مضبوط بنانے کی کوششوں کے ضمن میں شام پر قابض ٹولے کے سربراہ "ابو محمد الجولانی" سے آج ایک اعلیٰ سطحی سعودی وفد نے ملاقات کی۔ یہ وفد سعودی وزیر خارجہ "فیصل بن فرحان" کی سربراہی میں دمشق پہنچا۔ ملاقات میں دونوں ممالک کے درمیان سیاسی و اقتصادی شعبوں میں ہم آہنگی اور وسعت کے طریقوں کے بارے میں تبادلہ خیال کیا گیا۔ اس کے ساتھ علاقائی سالمیت و مسائل مشترکہ گفتگو کا موضوع رہے۔ ملاقات کے بعد فیصل بن فرحان اور ان کے شامی ہم منصب "اسعد الشیبانی" نے مشترکہ پریس کانفرنس کی۔ جس میں اسعد الشیبانی نے اعلان کیا کہ دو طرفہ بات چیت کے دوران اقتصادی تعاون کو مضبوط بنانے، توانائی اور انفراسٹرکچر کی ترقی سمیت اہم امور پر تبادلہ خیال کیا گیا۔ انہوں نے مزید کہا کہ سعودی عرب کے ساتھ تعاون شام میں اقتصاد و انفراسٹرکچر کی بحالی کا باعث بن سکتا ہے۔ انہوں نے کہا کہ دمشق ان روابط میں توسیع کا خیر مقدم کرتا ہے۔ دوسری جانب سعودی وزیر خارجہ نے کہا کہ وہ شام میں معیشت کو مستحکم کرنے کے لیے پُرعزم ہیں۔ انہوں نے کہا کہ ہم نے قطر کے ساتھ مل کر شام کے سرکاری ملازمین کے لیے مشترکہ مالی امداد پر غور کیا ہے جس کا مقصد اقتصادی دباؤ کو کم کرنا اور سماجی استحکام میں کردار ادا کرنا ہے۔
سب کو معلوم ہے بھارت پٹ چکا مگر باز نہیں آرہا، حافظ نعیم الرحمٰن