ایف بی آر نے 30 جنوری تک 800 ارب روپے سے زائد ٹیکس جمع کرلیا
اشاعت کی تاریخ: 31st, January 2025 GMT
فیڈرل بورڈ آف ریونیو (ایف بی آر) نے 30 جنوری تک 800 ارب روپے سے زیادہ ٹیکس جمع کرلیا ہے جبکہ جنوری 2025 میں 956 ارب روپے کا ٹیکس ہدف مقرر ہے۔
ترجمان ایف بی آر کے مطابق دسمبر میں ایف بی آر نے تاریخ میں سب سے زیادہ ٹیکس جمع کیا، رواں ماہ کے ٹیکس وصولی کے ہدف کے قریب پہنچ جائیں گے۔ 40 سے 50 ارب ممکنہ شارٹ فال سے پریشانی کی بات نہیں۔ آئی ایم ایف ماہانہ نہیں، سہ ماہی بنیاد پر ٹیکس وصولی دیکھتا ہے۔
مزید پڑھیں: لاہور کے مقابلے میں کراچی زیادہ ٹیکس کیوں دیتا ہے؟ چیئرمین ایف بی آر نے بتا دیا
ترجمان کا کہنا تھا کہ جولائی سے مارچ 3150 ارب روپے ٹیکس جمع کرنے کا ہدف ہے، مارچ میں معاشی سرگرمیوں میں تیزی آنے سے وصولی بہتر ہوگی۔ گزشتہ ماہ دسمبر 2024 میں 1330 ارب روپے ٹیکس جمع کیا گیا، جولائی تا دسمبر 2024-25 ٹیکس ریونیو میں 384 ارب شارٹ فال رہا۔
مالی سال کے پہلے 6 ماہ میں 5624 ارب روپے ٹیکس اکھٹا کیا گیا، جولائی تا دسمبر 6 ہزار 8 ارب روپے ٹیکس وصولی کا ہدف مقرر تھا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
800 ارب ایف بی آر ٹیکس فیڈرل بورڈ آف ریونیو.ذریعہ: WE News
کلیدی لفظ: ایف بی ا ر ٹیکس فیڈرل بورڈ ا ف ریونیو ارب روپے ٹیکس ایف بی ا ر ٹیکس جمع
پڑھیں:
کیا کرکٹر اعظم خان نے اپنا وزن کم کرلیا؟ شاداب خان نے پول کھول دیا
قومی کرکٹر اعظم خان جو اکثر اپنے وزن کی وجہ سے خبروں میں رہتے ہیں گزشتہ دنوں سوشل میڈیا پر ان کی چند تصاویر گردش کر رہی تھیں جس میں انہیں انتہائی فٹ دکھایا گیا تھا اور دعویٰ کیا گیا تھا کہ انہوں نے صرف 2 ماہ میں 69 کلو وزن کم کیا ہے۔
اب پاکستانی ٹیم کے معروف آل راؤنڈر شاداب خان نے اعظم خان کے وزن کم کرنے کا پول کھول دیا ہے۔ انہوں نے سماجی رابطوں کی سائیٹ ایکس پر ایک ویڈیو پوسٹ کی ہے جس میں انہوں نے اعظم خان کو دیکھتے ہی کہا کہ ’یہ تصویر والا شخص ہی ہے جو آج کل مشہور ہو رہا ہے‘۔
شاداب خان نے کیپشن میں لکھا کہ اعظم خان سے ملاقات ہوئی، وہ بہت خوشدلی سے میرے ساتھ سیلفی لینے کے لیے رضامند ہو گئے۔
Ran into Azam Khan, he was kind enough to agree to take a selfie with me pic.twitter.com/pjYczUqPGF
— Shadab Khan (@76Shadabkhan) July 24, 2025
صارفین شاداب خان کی ویڈیو اور اعظم خان کے وزن پر مختلف تبصرے کرتے نظر آئے، ایک صارف نے مزاحیہ انداز میں کہا کہ میں کرکٹر کی تصویر دیکھ کر واک کر کر کے تھک گیا ہوں کہ اگر اعظم خان اتنا وزن کم کر سکتا ہے تو میں کیوں نہیں۔ جبکہ کئی صارفین نے کہا کہ جتنا وزن انہوں نے کم کیا تھا اتنا ہی واپس آ گیا۔
یہ بھی پڑھیں: اعظم خان کو 3 ماہ میں فٹ کرسکتا ہوں، قومی ریسلر انعام بٹ کا دعویٰ
واضح رہے کہ اعظم خان قومی کرکٹ ٹیم کا حصہ ہیں، تاہم وزن زیادہ ہونے کی وجہ سے وہ اکثر اچھا کھیل نہیں پیش کرپاتے جس کی وجہ سے انہیں تنقید کا بھی سامنا کرنا پڑتا ہے۔
گزشتہ برس قومی ریسلر رستم پاکستان انعام بٹ نے دعویٰ کیا تھا کہ وہ صرف 3 ماہ میں قومی کرکٹر اعظم خان کو فٹ کرسکتے ہیں اس کے لیے ان کو 3 ماہ گوجرانوالہ کے اکھاڑے میں ٹریننگ کرنا ہوگی اور مکمل فٹ ہوجائیں گے۔ اور اس دوران ان کی خوراک کا بھی خیال رکھا جائے گا تاکہ طاقت میں کمی نہ آئے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اعظم خان اعظم خان وزن پاکستان کرکٹ ٹیم شاداب خان
دورہ بنگلادیش و ویسٹ انڈیز، پاکستان کرکٹ اسکواڈ کا تربیتی کیمپ دوسرے دن بھی جاری