خیبرپختونخوا: سرکاری ہیلی کاپٹر کو ایئر ایمبولینس میں تبدیل کرنے کی منظوری
اشاعت کی تاریخ: 31st, January 2025 GMT
خیبر پختونخوا کابینہ نے سرکاری ہیلی کاپٹر کو ایئر ایمبولینس میں تبدیل کرنے کی منظوری دے دی۔
یہ بھی پڑھیں: حکومت بلوچستان کا ایئر ایمبولینس سروس شروع کرنے کا اعلان
ترجمان خیبرپختونخوا حکومت بیرسٹر ڈاکٹر سیف نے بتایا کہ یہ فیصلہ وزیر اعلیٰ علی امین گنڈاپور کی سربراہی میں ہونے والے کابینہ اجلاس میں کیا گیا۔
ترجمان کا کہنا ہے کہMI 17 ہیلی کاپٹر ایئر ایمبولینس کے طور پر استعمال کیا جائے گا۔
بیرسٹر سیف نے کہا کہ 300 ملین روپے کی لاگت سے ہیلی کاپٹر کی موڈیفکیشن کرکے ایئر ایمبولینس میں تبدیل کیا جائے گا۔
مزید پڑھیے: خیبرپختونخوا حکومت کا صحت کارڈ اسکیم میں لائف انشورنس شامل کرنے کا فیصلہ
ترجمان نے بتایا کہ وزارت خزانہ خیبر پختونخوا ایوی ایشن کو ایئر ایمبولینس کے لیے فنڈ فراہم کرے گی۔
انہوں نے کہا کہ وزیراعلیٰ نے اپنا ہیلی کاپٹر عوامی خدمت کے لیے پیش کیا ہوا ہے جو کرم میں ادویات کی سپلائی اور پھنسے افراد کو نکالنے کے استعمال ہورہا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ایئر ایمبولینس خیبرپختونخوا کے پی سرکاری ہیلی کاپٹر کے پی کابینہ.ذریعہ: WE News
کلیدی لفظ: ایئر ایمبولینس خیبرپختونخوا کے پی کابینہ ایئر ایمبولینس ہیلی کاپٹر
پڑھیں:
چلتی ایمبولینس میں بیہوش لڑکی کی عصمت دری
بھارت میں چلتی ایمبولینس میں بیہوش لڑکی کو مبینہ طور پر ڈرائیور اور ٹیکنیشن نے زیادتی کا نشانہ بنا دیا۔
بھارتی میڈیا رپورٹ کے مطابق ریاست بہار کے شہر بودھگیا میں پریڈ گراؤنڈ میں ہوم گارڈ کی بھرتی کیلئے فٹنس ٹیسٹ ہورہے تھے، دوڑ کے دوران نوجوان لڑکی اچانک بیہوش ہوگئی۔
موقع پر موجود عملے نے ایمبولینس کو فوری طور پر بلایا تاکہ اسے ہسپتال پہنچایا جاسکے۔
متاثرہ لڑکی کو ہسپتال لے جاتے ہوئے ایمبولینس کے ڈرائیور ونے کمار اور ٹیکینیشن اجیت کمار نے زیادتی کا نشانہ بنایا۔
ہسپتال پہنچنے کے بعد جب لڑکی کو ہوش آیا تو اس نے ڈاکٹروں کو بتایا کہ ہسپتال لے جاتے وقت چلتی ایمبولینس میں اس کے ساتھ زیادتی کی گئی ۔
ڈاکٹر نے فوری طور پر پولیس کو مطلع کیا جس کے بعد پولیس نے کارروائی کرتے ہوئے دونوں ملزمان کو گرفتار کرلیا۔
سینئر سپرنٹنڈنٹ آف پولیس آنند کمار نے بتایا کہ متاثرہ لڑکی کی شکایت کے بعد ٹیم تشکیل دی گئی جسکی قیادت ایس ڈی پی او سوربھ جیسوال نے کی اور ٹیم نے فوری چھاپہ مار کارروائی کے دوران دونوں ملزمان کو گرفتار کیا۔
پولیس کے مطابق پریڈ گراؤنڈ اور ایمبولینس کے راستے میں لگے سی سی ٹی وی کیمروں کی مدد سے ملزمان کی گرفتاری عمل میں آئی، دونوں ملزمان کیخلاف مقدمہ درج کرلیا گیا ۔
ڈیجیٹل میڈیا پاکستان اور چین کے درمیان نئی راہداری ہے: عطاء تارڑ