شہدائے سانحہ نماز جمعہ شکارپور کی یاد میں عظمت شہداء کانفرنس کا انعقاد
اشاعت کی تاریخ: 31st, January 2025 GMT
مقررین نے شہداء کانفرنس سے خطاب کرتے ہوئے شہداء کو خراج عقیدت پیش کرتے ہوئے کہا کہ انہیں مولا علی علیہ السلام سے عشق و محبت کے جرم میں حالت نماز میں اللہ کے گھر مسجد میں بے جرم و خطا مارا گیا۔ اسلام ٹائمز۔ وارثان شہداء کمیٹی شکارپور کے زیر اہتمام شہدائے سانحہ نماز جمعہ شکارپور کی یاد میں عظیم الشان عظمت شہداء کانفرنس اور مجلس عزاء منعقد ہوئی۔ تقریب سے مجلس وحدت مسلمین صوبہ سندھ کے صدر علامہ سید باقر عباس زیدی، مرکزی سیکرٹری تنظیم سازی علامہ مقصود علی ڈومکی، صوبائی نائب صدر علامہ سید مختار احمد امامی، وحدت یوتھ کے مرکزی نائب صدر علامہ راجہ مصطفٰی عباس جعفری، سندھ کے ممتاز عالم دین استاد العلماء علامہ سید ارشاد حسین نقوی، خطیب اہل بیت علامہ ریاض حسین نجفی، علامہ سید احمد علی نقوی، علامہ عبدالمجید بہشتی، مجلس علمائے مکتب اہل بیت سندھ کے صوبائی صدر علامہ عبداللہ مطہری، مولانا منور حسین سولنگی، اصغریہ آرگنائزیشن پاکستان کے مرکزی صدر محمد حنیف کانہیو، مرکزی رہنماء اے او پی انجینئر غلام رضا جعفری اور اصغریہ علم و عمل تحریک کے مرکزی رہنماء محمد عالم ساجدی و دیگر نے خطاب کیا۔
اس موقع پر خطاب کرتے ہوئے وارثان شہداء کمیٹی کے چیئرمین اور مجلس وحدت مسلمین پاکستان کے مرکزی رہنماء علامہ مقصود علی ڈومکی نے کہا کہ عظمت شہداء کانفرنس کے موقع پر ہم شکارپور کے ان شہداء کو سلام عقیدت پیش کرتے ہیں جنہیں مولا علی علیہ السلام سے عشق و محبت کے جرم میں حالت نماز میں اللہ کے گھر مسجد میں بے جرم و خطا مارا گیا۔ اس کے ساتھ ہی ہم لبنان اور فلسطین کے ان مجاہد شہداء کو سلام عقیدت پیش کرتے ہیں جنہوں نے عصر حاضر کے یزید امریکہ اور اسرائیل کا مقابلہ کرتے ہوئے صبر و استقامت کی نئی تاریخ رقم کی۔ انہوں نے کہا کہ ضلع شکارپور، کشمور، گھوٹکی، جیکب آباد میں بدامنی اغواء برائے تاوان اور لوٹ مار پر عوام شدید پریشان ہیں۔ انہوں نے حکومت سے مطالبہ کیا کہ ڈاکوؤں کے خلاف فوجی آپریشن کا آغاز کیا جائے اور صوبائی حکومت سندھ میں قیام امن کے حوالے سے سنجیدہ عملی اقدامات کرے۔
ذریعہ: Islam Times
کلیدی لفظ: شہداء کانفرنس کرتے ہوئے صدر علامہ علامہ سید کے مرکزی
پڑھیں:
شکارپور، پولیس کا جرائم پیشہ عناصر کیخلاف کامیاب کریک ڈائون
data-id="863a0a8" data-element_type="widget" data-widget_type="theme-post-content.default">
شکارپور (نمائندہ جسارت) چوری شدہ 10 موثر سائیکلیں ، 13 موبائل فون اور واپڈا گرڈ اسٹیشن سے چھینا گیا پسٹل ، موبائل فون برآمد ، ڈی ایس پی میڈم پارس بکھرانی کی پریس کانفرنس۔ 3 رکنی گینگ کا سراغ لگایا گیا گینگ کا سربراہ گرفتار۔ پارس بکھرانی ۔ تفصیلات کے مطابق ایس ایس پی شکارپور شاہ زیب چاچڑ کی ہدایت پر ڈی ایس پی سٹی میڈم پارس بکھرانی نے ایس ایس پی آفس میں میٹ دی پریس میں بتایا کہ شکارپور پولیس نے مختلف علاقوں میں کریک ڈاؤن کے دوران اہم کامیابیاں حاصل کی نیو فوجداری پولیس ٹیم نے جدید ٹیکنالوجی سے ایکٹو گینگ کو ٹریس کرکے سراغ لگایا گینگ سٹی شکارپور سمیت مختلف علاقوں میں موٹر سائیکل چوری کی وارداتوں میں ملوث تھی موٹر سائیکل چوری کرنے میں 3 رکنی ایکٹو گروہ گینگ تھی ڈکیت گینگ والوں کی شناخت ساجد راھوجو ، یونس لوڈرو اور تیسرا نامعلوم افراد کے ناموں سے ہوئی ہے گینگ میں سے یونس لوڈرو کو ملنگ شاہ کے علاقے سے ٹریس کرکے گرفتار کیا ساجد راہوجو فرار ہو گیا گرفتار ملزم کے خلاف ڈکیتی، پولیس مقابلے سمیت مختلف تھانوں میں 6 مقدمات درج ہیں گرفتار ملزم یونس لوڈرو کی نشاندہی پر پولیس نے 10 چوری شدہ موٹر سائیکلیں برآمد کرلی ہیں اس کے علاوہ پولیس نے گرڈ اسٹیشن میں ہونے والی لوٹ مار کی واردات کو بھی ٹریس کیا پولیس نے چھینا گیا ٹی ٹی پستول ، 2 میگزین ، 3 موبائل فون اور 10 ہزار روپے نقدی بھی برآمد کرلی ہے بعدازاں ٹیکنیکل ٹیم کی مدد اور آپریشن کے دوران 10 چوری موبائل فون بھی برآمد کرکے ملوث گینگ کو ٹریس کرلیا گیا ہے، ان کے خلاف آپریشن جاری ہے اور بہت جلد تمام ملزمان قانون کی گرفت میں ہوں گے۔ ایس ایس پی شکارپور شاہ زیب چاچڑ کی جانب سے ڈی ایس پی سٹی میڈم پارس بکھرانی اور ایس ایچ او نیو فوجداری اختر ابڑو کو کامیاب کارروائی پر ٹیم سمیت شاباش دیتے ہوئے سی سی تھرڈ اور نقد انعام دینے کے احکامات جاری کیے گئے۔
سولجر بازار میں ریسٹورنٹ کے باہر فائرنگ سے تاجر جاں بحق