شہید محمد ضیف نے اسرائیل کو شکست کا مزہ چکھایا، حزب الله
اشاعت کی تاریخ: 31st, January 2025 GMT
اپنے ایک جاری میں حزب الله کا کہنا تھا کہ دشمن کی خواہش کے باوجود طوفان الاقصیٰ میں شہید ہونے والے کمانڈر اور دیگر شہداء کا خون فتح، جنگ بندی کے قیام اور اسیروں کی بڑی تعداد میں رہائی کے منظر میں بدل گیا۔ اسلام ٹائمز۔ لبنان کی مقاومتی تحریک "حزب الله" نے اپنے ایک بیان میں کہا کہ ہمیں ان غیور کمانڈروں پر فخر ہے جو اپنی عمر کے آخری حصے تک میدانِ جہاد و مقاومت میں موجود رہے اور اُن کے پاس جو کچھ تھا انہوں نے اپنی ملت کے دفاع و آزادی کے حصول کے راستے میں خرچ کر دیا۔ حزب الله نے کہا کہ "محمد ضیف" نے اپنی عمر اسرائیلی دشمن سے مقابلے میں صرف کر دی۔ اس عظیم شہید نے صیہونی دشمن کو شکست کا مزہ چکھایا۔ آپریشن طوفان الاقصیٰ اسی عظیم شخصیت کا بے مثال کارنامہ تھا جس کے نتیجے میں ہمارے بہت سے بھائیوں کو صیہونی زندانوں سے رہائی نصیب ہوئی۔ لبنان کی مقاومت اسلامی نے مزید کہا کہ دشمن کی خواہش کے باوجود طوفان الاقصیٰ میں شہید ہونے والے کمانڈر اور دیگر شہداء کا خون فتح، جنگ بندی کے قیام اور اسیروں کی بڑی تعداد میں رہائی کے منظر میں بدل گیا۔ آخر میں حزب الله نے کہا کہ یہ امر فلسطینی قوم کی اپنی آزادی کے راستے میں مزید ثابت قدمی کا سبب بنے گا۔ اسی جدوجہد کے نتیجے میں ہماری امت، مومنین کو دئیے گئے وعدہ الہی کی بنیاد پر فتح کے قریب تر ہو گی۔
دوسری جانب القسام بریگیڈ کے ترجمان "ابو عبیدہ" نے گزشتہ روز ایک ویڈیو بیان کے ذریعے غزہ جنگ میں اپنے کمانڈر انچیف محمد الضیف کی شہادت کی تصدیق کی۔ اس حوالے سے ابو عبیدہ نے اعلان کیا کہ بریگیڈ کے کمانڈر انچیف محمد ضیف غزہ جنگ کے دوران اپنے چند ساتھی کمانڈروں کے ہمراہ شہید ہوگئے۔ ابو عبیدہ نے بتایا کہ القسام بریگیڈ کے کمانڈر انچیف محمد ضیف، بریگیڈ کے ڈپٹی کمانڈر مروان عیسی (ابوالبراء) اسلحہ خانہ اور جنگی سروسز کے کمانڈر غازی ابو طماعہ (ابو موسیٰ)، شعبہ افرادی قوت کے کمانڈر رائد ثابت، خان یونس ڈویژن کے کمانڈر رافع سلامہ (ابو محمد) نارتھ ڈویژن کے کمانڈر احمد الغندور (ابو انس) اور سینٹرل ڈویژن کے کمانڈر ایمن نوفل (ابو احمد) کے ہمراہ غزہ جنگ میں شہید ہوگئے محمد الضیف حماس کے عسکری ونگ، القسام بریگیڈز کے بانیوں میں شامل تھے اور انہوں نے 20 سال سے زائد عرصے تک اس فورس کی قیادت کی۔ انہیں ان حملوں کا منصوبہ ساز بھی سمجھا جاتا ہے، جن میں درجنوں اسرائیلی مارے گئے۔
ذریعہ: Islam Times
کلیدی لفظ: بریگیڈ کے کے کمانڈر محمد ضیف کہا کہ
پڑھیں:
ہم اپنی خودمختاری کے دفاع کیلئے جوابی اقدام کیلئے پُرعزم ہیں، امیر قطر
عرب و اسلامی ممالک کے ایک ہنگامی سربراہی اجلاس میں شیخ تمیم بن حمد آل ثانی کا کہنا تھا کہ اسرائیل، شام کو تقسیم کرنے کے منصوبے بنا رہا ہے، لیکن یہ سازشیں ناکام ہوں گی۔ نتین یاہو، عرب دنیا کو اسرائیلی اثر کے تحت لانے کا خواب دیکھ رہا ہے، جو ایک خطرناک وہم ہے۔ اسلام ٹائمز۔ "دوحہ" میں عرب اور اسلامی ممالک کا ایک ہنگامی سربراہی اجلاس ہوا، جس کا آغاز قطر کے امیر "شیخ تمیم بن حمد آل ثانی" کے خطاب سے ہوا۔ اس موقع پر شیخ تمیم بن حمد آل ثانی نے کہا کہ قطر کے دارالحکومت پر ایک بزدلانہ حملہ کیا گیا، جس میں "حماس" رہنماؤں کے خاندانوں اور مذاکراتی وفد کے رہائشی مقام کو نشانہ بنایا گیا۔ انہوں نے کہا کہ ہمارے شہری، اس حملے سے حیران رہ گئے اور دنیا بھی اس دہشتگردی و جارحیت پر چونک گئی۔ حملے کے وقت حماس کی قیادت قطر اور مصر کی جانب سے دی جانے والی ایک امریکی تجویز پر غور کر رہی تھی۔ اس اجلاس کی جگہ سب کو معلوم تھی۔ امیر قطر نے کہا کہ اسرائیل کی غزہ پر جنگ اب نسل کشی میں بدل چکی ہے۔ دوحہ نے حماس اور اسرائیل کے وفود کی میزبانی کی اور ہماری ثالثی سے کچھ اسرائیلی و فلسطینی قیدیوں کی رہائی ممکن ہوئی۔ انہوں نے سوال اٹھایا کہ اگر اسرائیل، حماس کی سیاسی قیادت کو قتل کرنا چاہتا ہے تو پھر مذاکرات کیوں کرتا ہے؟۔ اسرائیل کی جارحیت کُھلی بزدلی اور غیر منصفانہ ہے۔
امیر قطر نے کہا کہ مذاکراتی فریق کو مسلسل نشانہ بنانا دراصل مذاکراتی عمل کو ناکام بنانا ہے۔ انہوں نے مزید کہا کہ اسرائیل، غزہ کو ایسا علاقہ بنانا چاہتا ہے جہاں رہائش ممکن نہ ہو تا کہ وہاں کے لوگوں کو جبراً ہجرت پر مجبور کیا جا سکے۔ اسرائیل یہ سمجھتا ہے کہ وہ ہر بار عرب دنیا پر نئی حقیقتیں مسلط کر سکتا ہے۔ شیخ تمیم بن حمد آل ثانی نے کہا کہ عرب خطے کو اسرائیل کے اثر و رسوخ میں لانا ایک خطرناک خیال ہے۔ اسرائیل، شام کو تقسیم کرنے کے منصوبے بنا رہا ہے لیکن یہ سازشیں ناکام ہوں گی۔ نتین یاہو، عرب دنیا کو اسرائیلی تسلط کے زیر اثر لانے کا خواب دیکھ رہا ہے، جو ایک خطرناک وہم ہے۔ انہوں نے مزید کہا کہ اگر اسرائیل نے عرب امن منصوبے کو قبول کر لیا ہوتا تو خطہ بے شمار تباہیوں سے محفوظ رہتا۔ اسرائیل کی انتہاء پسند رژیم، دہشت گردانہ اور نسل پرستانہ پالیسیاں ایک ساتھ اپنا رہی ہے۔ امیر قطر نے واضح کیا کہ ہم اپنی خودمختاری کے تحفظ اور اسرائیلی جارحیت کا مقابلہ کرنے کے لئے ہر ضروری قدم اٹھانے کے لئے پُرعزم ہیں۔
مالی مفاد حب الوطنی پر غالب: بھارت ایشیا کپ میں پاکستان سے کھیلنے پر آمادہ