کراچی بہت گندااور صورتحال بہت خراب ہے، امریکی خاتون
اشاعت کی تاریخ: 1st, February 2025 GMT
کراچی (مانیٹرنگ ڈیسک) محبت کی خاطر کراچی آنے والی امریکی خاتون اونیجا اینڈریو رابنس کا کراچی کا حوالے سے بڑا بیان سامنے آگیا ہے۔ امریکی خاتون نے سماجی رہنما رمضان چھیپا کے ساتھ پریس کانفرنس کرتے ہوئے کہا کہ یہ شہر بہت گندا ہے اور یہاں صورتحال بہت خراب ہے، وہ چاہتی ہیں کہ شہر کی سڑکیں اور عمارتیں صاف ہوں۔ انہوں نے حکومت سے ایک نیا مطالبہ کیا ہے کہ انہیں ایک لاکھ ڈالر دیے جائیں، وہ 20 ہزار ڈالر اپنے لیے اور باقی اس شہر کیلیے مانگ رہی ہیں، کیونکہ اس شہر کو از سر نو تعمیر کرنا چاہیے۔ امریکی خاتون نے کراچی شہر کی حالت زار پر افسوس کرتے ہوئے حکومت سے شہر کی از سر نو تعمیر کروانے، سڑکیں بنوانے اور نئی بسیں چلانے کا مطالبہ کیا ہے۔ انہوں نے مزید کہا کہ وہ اپنے شوہر کے ساتھ دبئی جانا چاہتی ہیں۔
.ذریعہ: Jasarat News
کلیدی لفظ: امریکی خاتون شہر کی
پڑھیں:
غزہ کو ایک "حقیقی جہنم" میں بدل دیا گیا ہے، یونیسیف
فلسطین میں اقوام متحدہ کے بچوں کے فنڈ - یونیسیف (UNICEF) کے ترجمان نے غزہ کی پٹی کو "مجسم جہنم" قرار دیتے ہوئے اعلان کیا ہے کہ اس خطے کی صورتحال لحظہ بہ لحظہ خراب سے خراب تر ہوتی جارہی ہے! اسلام ٹائمز۔ فلسطین میں اقوام متحدہ کے بچوں کے فنڈ - یونیسیف (UNICEF) کے ترجمان کاظم ابو خلف نے اعلان کیا ہے کہ موجودہ دور، غزہ میں خواتین و بچوں کے لئے بدترین ہے۔ عرب چینل الجزیرہ کے مطابق کاظم ابو خلف کا کہنا تھا کہ غزہ کو آج ایک "حقیقی جہنم" میں بدل دیا گیا ہے اور اس کی صورتحال ہر گزرتے لمحے کے ساتھ خراب سے خراب تر ہوتی جا رہی ہے۔ انھوں نے غزہ کے لئے انسانی امداد کی ترسیل کو "انتہائی ناکافی" قرار دیا اور زور دیتے ہوئے کہا کہ جنگ غزہ کے آغاز سے لے کر اب تک 50 ہزار سے زائد فلسطینی بچے جاں بحق و زخمی ہو چکے ہیں۔ اس حوالے سے اپنی گفتگو کے آخر میں کاظم ابو خلف نے تاکید کی کہ اس وقت غزہ میں کوئی فعال انسانی تنظیم موجود نہیں جبکہ اس امر کے باعث غزہ کی پٹی میں غذائی قلت تیزی کے ساتھ پھیل رہی جس نے زیادہ تر کمسن فلسطینی بچوں کو اپنے نشانے پر لے رکھا ہے۔
-
ڈیرہ غازی خان میں پنجاب پولیس کی کامیاب کارروائی، 4خوارجی دہشت گرد ہلاک