سپین کشتی حادثہ‘ سہولت کار ایف آئی اے فیصل آباد کے حوالے‘ مزید گرفتاریوں کا امکان
اشاعت کی تاریخ: 2nd, February 2025 GMT
گوجرانوالہ+ اسلام آباد (نمائندہ خصوصی+ نوائے وقت رپورٹ) وفاقی تحقیقاتی ادارے (ایف آئی اے) کمپوزٹ سرکل فیصل آباد نے مراکش کشتی حادثے میں ملوث گینگ کا سراغ لگا لیا۔ اسلام آباد ائرپورٹ سے گرفتار ہونے والے اہم سہولت کار عبدالغفار کو ملزم کے خلاف ایف آئی اے کمپوزٹ سرکل فیصل آباد نے مقدمہ درج کر لیا۔ سہولت کو فیصل آباد منتقل کیا گیا پاکستانی ایجنٹ عبدالغفار نے درجنوں افراد کو یورپ بھجوانے میں اہم سہولت کاری کی، ملزم 2023 ء سے موریطانیہ میں رہ رہا تھا۔ملزم کا باپ سرفراز اور قریبی رشتے دار منیر 2018 ء سے موریطانیہ میں انسانی سمگلنگ میں ملوث ہیں۔ گرفتار ملزم عبدالغفار کے افریقی سمگلر ابوبکر سے رابطے کے شواہد بھی برآمد کر کیے گئے، ملزم کا تعلق پیر محل، ٹوبہ ٹیک سنگھ سے ہے۔ ملزم کی نشاندہی پر مزید گرفتاریاں متوقع ہیں۔ گوجرانوالہ مراکش کشتی حادثے میں زندہ بچنے والے 15 پاکستانی واپس گھروں کو پہنچ گئے۔ 3 افراد گجرات اور ایک منڈی بہائوالدین کا رہائشی ہے جب کہ واپس پہنچنے والوں میں حافظ آباد، گوجرانوالہ اور سیالکوٹ کا بھی ایک ایک نوجوان شامل ہے۔ ایف آئی اے کے مطابق منڈی بہائوالدین کے شعیب ظفر کو عثمان نامی ایجنٹ نے مراکش بھجوایا تھا اور گجرات کے مدثر حسین کو بھجوانے میں انسانی سمگلر علی رضا ملوث ہے جب کہ گجرات کے عزیر اور عمران اقبال کو بھجوانے میں انسانی سمگلر فادی گجر، حافظ آباد کے آصف کو بھجوانے میں لاہور کا رہائشی انسانی سمگلر عثمان ملوث ہے۔ ایف آئی اے کے مطابق گھروں کو واپس پہنچنے والے دیگر 8 پاکستانیوں میں محمد افضل، عدیل، عرفان، ارسلان، غلام مصطفیٰ، بدر محی الدین، مجاہد علی اور تصویر احمد شامل ہیں۔ ایف آئی اے نے بتایا ہے کہ 8 افراد میں سے 2 شیخوپورہ، 2 سیالکوٹ، 2 منڈی بہائوالدین، 2 گجرات اور ایک جہلم کا رہائشی ہے۔ ایف آئی اے امیگریشن نے سیالکوٹ ائرپورٹ پر کاروائی، جعل سازی کے ذریعے یورپ جانے کی کوشش کرنیوالا مسافر سمیت 2ملزم گرفتار کر لیے گئے، شناخت فیصل الیاس اور عمران علی کے نام سے ہوئی، ملزم فیصل الیاس نے جعلی ویزے پر ہنگری جانے کی کوشش کی، بنیتا نامی انڈین ایجنٹ سے 15ہزار اماراتی درہم کے عوض ہنگری کا جعلی ایمپلائمنٹ ویزا حاصل کیا جبکہ ملزم عمران علی سائوتھ افریقہ ویزے کی ٹمپرنگ میں ملوث ہے، ملزم کے ویزے پر لگی تاریخ تنسیخ ٹمپرڈ شدہ تھی، ایف آئی اے نے گرفتار ملزموں کو اینٹی ہیومن ٹریفکنگ سرکل گوجرانوالہ بھجوا دیا گیا ہے۔
.
ذریعہ
ذریعہ: Nawaiwaqt
کلیدی لفظ: بھجوانے میں ایف آئی اے فیصل آباد
پڑھیں:
آزاد کشمیر کے شہر میرپور میں 45 روز بعد موبائل فون اور انٹرنیٹ سروس بحال ہونا شروع
ویب ڈیسک : آزاد کشمیر کے شہر میرپور میں موبائل فون اور انٹرنیٹ سروس بحال ہونا شروع ہوگئی ہے۔
تفصیلات کے مطابق آزاد کشمیر کے شہر میرپور اور اس کےگردونواح میں میں موبائل فون اور انٹرنیٹ سروسزبحال ہونا شروع ہوگئی ہے۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
اس حوالے کچھ دیر قبل چیئرمین پیپلزپارٹی بلاول بھٹو نے اپنے ایک بیان میں کہاکہ اطلاعات ہیں کہ میرپور آزاد کشمیرمیں انٹرنیٹ اور ڈیجیٹل رابطہ جلد بحال کردیا جائےگا۔
I’m grateful to the AJK PPP for their efforts & the election commission of AJK for their intervention. I’m hearing internet and digital connectivity will be restored in Mirpur AJK soon. I’m hopeful our requests for Muzaffrabad and other areas are also accepted as soon as…
— Bilawal Bhutto Zardari (@BBhuttoZardari) July 23, 2026
ان کا کہنا تھا کہ امید ہے مظفرآباد اور دیگرعلاقوں کے حوالے سے ہماری درخواستیں بھی جلد منظور کرلی جائیں گی۔
جعلی امیدواروں کی شامت، پی پی ایس سی امتحانات میں بائیو میٹرک نظام نافذ
واضح رہے میرپور آزادکشمیر میں گزشتہ 45 دن سے انٹرنیٹ سروس معطل تھی۔
Ansa Awais Content Writer
بھارت سے جنگ اور افغانستان میں کارروائی خارج ازامکان نہیں، وزیردفاع