ہماری آبادی پنجاب کے ایک ضلع کے برابر ہے، محمود خان اچکزئی
اشاعت کی تاریخ: 3rd, February 2025 GMT
اسلام آباد/کوئٹہ ( آن لائن) پشتونخواملی عوامی پارٹی کے چیئرمین وتحریک تحفظ آئین پاکستان کے سربراہ محمود خان اچکزئی نے نجی ٹی وی ٹیلی ویژن پر گفتگو کرتے ہوئے کہا ہے کہ ملک کے پاس وقت انتہائی کم ہے ، ہم پشتونوں کو جنہیں آپ غدار کہتے ہیں ہمارے حوالے کردو
بیس سال میں ہم اسے ایشین ٹائیگر نہ بنادیں میں سیاست چھوڑ دونگا، ہماری آبادی پنجاب کے ایک ضلع کے برابر ہے ،ایک ضلع کے برابر آبادی والے لوگوں کو آپ 75سال میں نہیں سنبھال سکے کیا یہ آپ کی نااہلی نہیںہے ؟ اگر آپ فوجی ، بیوروکریٹ ہے تو یہ آپ کی نااہلی ہے، اگر عمران خان آج بھی کہہ دے کہ شہباز شریف میرا یار ، اسپیکر میرا کلاس فیلو ہے تین سال میں اس کو نہیں چھیڑتا تو نہ بشریٰ بی بی پر کیس ہوگا نہ عمران خان پر کیس ہوگا بلکہ شہزادے کی طرح نکل آئیگا۔
ذریعہ
ذریعہ: Jasarat News
پڑھیں:
وزیراعلیٰ پنجاب مریم نواز کا میرپور آزاد کشمیر کے لیے ایئرپورٹ، الیکٹرک بسوں اور ترقیاتی منصوبوں کا اعلان
وزیراعلیٰ پنجاب مریم نواز نے میرپور آزاد کشمیر کے لیے ایئرپورٹ، الیکٹرک بسوں اور ترقیاتی منصوبوں کا اعلان کردیا ہے۔
میرپور میں انتخابی جلسے سے خطاب کرتے ہوئے مریم نواز نے کہا کہ مظفرآباد میں انہوں نے خود کو ‘کشمیر کی بیٹی’ کہا تھا، جس پر بعض لوگوں نے اعتراض کیا، حالانکہ ان کی خاندانی جڑیں کشمیر سے وابستہ ہیں۔’ وہ دل اور روح سے خود کو کشمیری سمجھتی ہیں، کیونکہ ان کے دادا، دادی، نانا اور نانی سب کا تعلق کشمیر سے تھا‘۔
یہ بھی پڑھیں: وزیراعلیٰ پنجاب مریم نواز شریف کا کیا گیا وعدہ پورا، 10 جدید الیکٹرک بسوں کا تحفہ مظفرآباد روانہ
انہوں نے کہا کہ میرپور پہنچ کر ٹوٹی پھوٹی سڑکیں دیکھ کر افسوس ہوا۔ کشمیریوں نے ہمیشہ پاکستان کی ترقی میں اہم کردار ادا کیا، اب وقت آ گیا ہے کہ میرپور میں بھی ترقی اور خوشحالی کے نئے دور کا آغاز ہو۔
وزیراعلیٰ پنجاب نے کہا کہ نواز شریف نے میرپور میں بین الاقوامی ہوائی اڈہ بنانے کا وعدہ کیا ہے اور ان کی روایت ہے کہ وہ جو وعدہ کرتے ہیں اسے پورا بھی کرتے ہیں۔
انہوں نے کہا کہ آزاد کشمیر کو ترقیاتی منصوبوں، اورنج لائن، الیکٹرک بسوں، جدید اسپتالوں، گھروں تک مفت ادویات کی فراہمی، راشن کارڈ اور ہمت کارڈ جیسی عوامی سہولیات کی ضرورت ہے، اور یہ سہولیات صرف وہی قیادت فراہم کر سکتی ہے جسے عوام نے بارہا خدمت کا موقع دیا اور جس نے پاکستان کو ایٹمی طاقت بنایا۔
یہ بھی پڑھیں: مسلم لیگ ن کو موقع ملا تو میرپور اور پورے آزاد کشمیر کی تقدیر بدلیں گے : نواز شریف
مریم نواز نے دعویٰ کیا کہ نواز شریف اور ان کی حکومتوں کے خلاف متعدد سازشیں کی گئیں، تاہم عوام کی حمایت کے باعث وہ سیاسی میدان میں ثابت قدم رہے۔ انہوں نے کہا کہ اگر نواز شریف کے ترقیاتی منصوبوں کو الگ کر دیا جائے تو آزاد کشمیر میں ترقیاتی کام بہت کم رہ جائیں گے۔
انہوں نے بلاول بھٹو زرداری کا نام لیے بغیر تنقید کرتے ہوئے کہا کہ حکومت بناتے وقت تو سب کامیابی کے دعوے کرتے ہیں، لیکن جب عوامی مسائل حل کرنے کی باری آتی ہے تو ذمہ داری وفاق پر ڈال دی جاتی ہے۔
ان کا کہنا تھا کہ آج جن سڑکوں کے ذریعے عوام جلسے میں پہنچے ہیں، وہ بھی نواز شریف کے دورِ حکومت میں تعمیر کی گئی تھیں۔
یہ بھی پڑھیں: مظفرآباد میں مسلم لیگ ن کا پاور شو: اقتدار میں آکر آزاد کشمیر کا بجٹ 10 گنا بڑھا دیں گے، نواز شریف
وزیراعلیٰ پنجاب نے اعلان کیا کہ مسلم لیگ (ن) انتخابات میں کامیابی کے بعد آزاد کشمیر میں جدید سفری، طبی اور فلاحی سہولیات فراہم کرے گی، جبکہ میرپور کے عوام کے لیے 10 الیکٹرک بسیں بھی تحفے کے طور پر دی جائیں گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news آزاد کشمیر الیکٹرک بس ایئرپورٹ مریم نواز مسلم لیگ ن میرپور نواز شریف
ترلائی امام بارگاہ حملہ: جاں بحق ہونے والوں کے ورثاء میں امدادی چیک تقسیم