آئی سی سی چیمپیئنز ٹرافی: پاک بھارت کے میچ کی تمام ٹکٹیں گھنٹے سے بھی کم وقت میں فروخت
اشاعت کی تاریخ: 3rd, February 2025 GMT
متحدہ عرب امارات میں آئی سی سی چیمپیئنز ٹرافی 2025 کے بھارت کے میچوں کے ٹکٹوں کی فروخت شام 4 بجے شروع ہوئی جس کی تمام ٹکٹیں ایک گھنٹے سے بھی کم وقت میں فروخت ہو گئیں، ادھر دبئی کے لیے پروازوں اور ہوٹلوں میں رہائش کے کرایوں میں بھی اضافے کا امکان ظاہر کیا گیا ہے۔
میڈیا رپورٹس کےمطابق دبئی میں جیسے ہی گھڑی پر 4 بجے پرجوش شائقین کرکٹ ٹکٹ خریدنے کے لیے پہلے سے ہی تیار بیٹھے تھے۔
ایک مداح کا کہنا تھا کہ صرف 2 منٹ کے اندر ہی اس نے خود کو قطار میں 111،000 سے زیادہ ٹکٹ خریدنے والے شائقین کے پیچھے پایا۔
تقریباً ایک گھنٹے تک قطار میں کھڑے رہنے کے بعد پاکستان اور بھارت کے درمیان ہونے والے میچ کی ٹکٹیں بک کرانے کے خواہشمند شائقینِ کرکٹ کو کسی بھی کیٹیگری میں ٹکٹ کے حصول سے محروم ہونا پڑا ۔
شام 4 بج کر 56 منٹ تک دونوں حریف ٹیموں کے درمیان کھیلے جانے والے میچ کی تمام کیٹیگریز کی ٹکٹیں فروخت ہو چکی تھیں۔ ان میں پلاٹینم کیٹیگری بھی شامل ہے جس کی قیمت 2000 درہم اور گرینڈ لاؤنج کیٹیگری کی قیمت 5000 درہم ہے۔
شارجہ سے تعلق رکھنے والی پاکستانی نژاد شہری زرلیش کامل کا کہنا ہے کہ وہ بچپن سے پاکستان اور بھارت کے درمیان میدان میں ایک بھی میچ نہیں دیکھ پائی ہیں۔
انہوں نے کہا کہ کرکٹ کے جنون کی وجہ سے مجھے لمبی قطار میں کھڑا ہونا پڑا لیکن میں ٹکٹ ملنے کے لیے پرجوش تھی، گراؤنڈ کے اندر میچ دیکھنے کا اپنا ہی مزہ ہے۔ زرلیش کا کہنا ہے کہ وہ بھارت اور پاکستان دونوں کے میچ سے لطف اندوز ہونے کی منتظر ہیں۔
ٹکٹ بہت مہنگے تھے پھر بھی خریدنا چاہتی تھیشارجہ سے تعلق رکھنے والی ایک بھارتی خاتون نمیتا انیش نے کہا کہ ٹکٹ بہت مہنگے تھے‘ کیونکہ قطار میں ان کی باری آنے پر کم قیمت والی کیٹیگری کی تمام ٹکٹیں فروخت ہو چکی تھیں۔
انہوں نے کہا کہ وہ صرف بھارت اور نیوزی لینڈ کے درمیان میچ کی ٹکٹ حاصل کرنے میں کامیاب ہوئی ہیں، نیوزی لینڈ بھارت کے بعد میری دوسری پسندیدہ ٹیم ہے۔ اگرچہ میں بھارت اور پاکستان کے درمیان میچ نہ دیکھ پانے پر مایوس ہوں ، لیکن میں واقعی خوش ہوں کہ مجھے نیوزی لینڈ اور بھارت کو ایکشن میں دیکھنے کا موقع ملے گا۔
اگرچہ پاکستان ٹورنامنٹ کا باضابطہ میزبان ہے، لیکن بھارتی کرکٹ بورڈ (بی سی سی آئی) نے حکومت کے مشورے کا حوالہ دیتے ہوئے اپنی ٹیم پاکستان نہ بھیجنے کا فیصلہ کیا تھا۔
دسمبر 2024 میں انٹرنیشنل کرکٹ کونسل (آئی سی سی) نے بھارت کے میچوں کی میزبانی کے لیے دبئی کو نیوٹرل مقام قرار دیا تھا۔
دبئی انٹرنیشنل اسٹیڈیم میں 20 فروری کو بھارت بمقابلہ بنگلہ دیش، 23 فروری کو بھارت بمقابلہ پاکستان اور 2 مارچ کو بھارت اور نیوزی لینڈ کے درمیان 3 کھیلے جائیں گے۔
دبئی 4 مارچ کو پہلے سیمی فائنل کی میزبانی کرے گا اور اگر بھارت فائنل میچ کے لیے کوالیفائی کرتا ہے تو فائنل 9 مارچ کو ہوگا۔
اگر بھارت ٹائٹل کے فیصلہ کن میچ کے لیے کوالیفائی نہیں کرتا تو لاہور میں پاکستان دوسرے سیمی فائنل اور فائنل کی میزبانی کرے گا۔
واضح رہے کہ پاکستان میں ہونے والے میچز کے لیے ٹکٹس کی فروخت کا سلسلہ بھی شروع ہو چکا ہے، جن میں جنرل اسٹینڈ کی قیمت 1000 پاکستانی روپے (13 درہم) اور پریمیم نشستیں 1500 پاکستانی روپے میں دستیاب تھیں۔
فضائی اور ہوٹل کرایوں میں اضافے کا امکاندبئی میں چیمپئنز ٹرافی صرف شائقین کے لیے ایک ایونٹ نہیں ہے، اس کا اثر دیگر صنعتوں پر بھی پڑتا ہے، خلیج ٹائمز کی ایک رپورٹ کے مطابق بھارت، پاکستان اور کرکٹ سے محبت کرنے والے دیگر ممالک کے شائقین کی جانب سے دبئی کے لیے سفر کو حتمی شکل دیے جانے کے بعد فضائی کرایوں میں 50 فیصد تک اضافے کا بھی امکان ہے۔ فضائی کرایوں میں اضافے کے علاوہ ہوٹل بھی تیزی سے بھر رہے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بھارتی کرکٹ بورڈ پاک بھارت ٹکٹس ٹکٹیں چیمپیئز ٹرافی دبئی فروخت گھنٹہ میچ.ذریعہ: WE News
کلیدی لفظ: بھارتی کرکٹ بورڈ پاک بھارت ٹکٹس ٹکٹیں چیمپیئز ٹرافی گھنٹہ میچ
پڑھیں:
جیکب آباد ،8 گھنٹے کی طویل لوڈشیڈنگ ،شہر تاریکی میں ڈوبا رہا
data-id="863a0a8" data-element_type="widget" data-widget_type="theme-post-content.default">
250918-2-16
جیکب آباد (نمائندہ جسارت) جیکب آباد سیپکو کاشہرمیں 8گھنٹے طویل بریک ڈائون،پورا شہر تاریکی میں ڈوبا رہاشدید گرمی میں شہریوں نے رات جا گر گزاری ،لوڈرا میںلائن میں فالٹ کی باعث طویل بجلی کی بندش،متبادل ٹھل کی لائن سے بھی صارفین کو محروم رکھا گیا،اضافی بلوں اور لوڈشیڈنگ پر سیپکو پر نیپرا کے جرمانے کے بعد غیر اعلانیہ لوڈشیڈنگ ختم کرنے کے بجائے بڑھا دی گئی شکایات تفصیلات کے مطابق جیکب آباد میںسیپکو کی جانب سے 8گھنٹے کو طویل بریک ڈائون کیا گیا جس کے باعث پورا شہر تاریکی میں ڈوبا رہا شدید گرمی میں شہریوں نے رات جاگ کر گذاری گھریلوں خواتین ،بچوں،ہسپتال میں مریضوں اور جیل میں قیدیوں کو شدید مشکلات کاسامنا کرنا پڑا ،متعدد کی حالت غیر ہو گئی جنکو قریبی کلینک لیجاکر طبی امداد دی گئی آر ای گرڈ ہاد ی بخش بھٹو کے مطابق لوڈرا لائن میں جمپر کی خرابی کے باعث شہر کی مین سپلائی بند ہوئی دوسری جانب متبادل ٹھل کی لائن سے جیکب آباد کے صارفین کو بجلی کی فراہمی نہیں دی گئی اور سیپکو حکام نے پورا شہر کو بجلی کی فراہمی سے محروم رکھا صارفین نے شکایات کی ہیں کہ اضافی بلوں اور لوڈشیڈنگ پر نیپرا کے جرمانے کے بعد سیپکو کی جانب سے جیکب آباد میں غیر اعلانیہ لوڈشیڈنگ ختم کرنے کے بجائے بڑھا دی گئی ہے۔
یادگار آپریشن سومنات میں پاک بحریہ نےبھارتی مواصلاتی نظام تباہ کیاتھا، وزیراعظم کایوم بحریہ پر پیغام