کوٹری ریجن دفاتر میں غریب محنت کشوں سے زیادتی قابل مذمت ہے
اشاعت کی تاریخ: 4th, February 2025 GMT
حیدرآباد(اسٹاف رپورٹر)سلور کاٹن ملز ورکرز یونین( سی پی اے) حیدرآباد کے صدر سید عابد حسین بخاری، سینئر نائب صدر غلام رسول اور جنرل سیکرٹری اظہر محمدسمیت دیگر نے ای او بی آئی حیدر آباد اور کوٹری ریجن آفسوں میں ایجنٹ اور بروکر مافیا کی جانب سے غریب و ضعیف محنت کشوں، یتیم بچوں اور بیوائوں سے لوٹ مار کی سخت الفاظ میں مذمت کرتے ہوئے چیئرمین اور ڈائریکٹر جنرل ای او بی آئی سے اس کے تدراک کا مطالبہ کیا ہے۔ رہنمائوں نے کہا کہ ای او بی آئی حیدرآباد ریجن اور کوٹری ریجن میں ایجنٹ و بروکرز سے رابطہ کیے بغیر پنشن حاصل کرنا ناممکن ہو چکا ہے جبکہ قانون کے مطابق ریجن کو 45دن کے اندر کلیم یا فیصلہ کرنا ہوتا ہے لیکن ریجن ہیڈ اور ایجنٹ کے منہ میں جب تک رشوت نہ ڈالی جائے کلیم کی فائل پر کوئی کارروائی نہیں کرتا اور جو بھی مزدور ایجنٹ اور برو کر کا مطالبہ پورا نہ کرے اس کے کلیم کو بھی قانونی جواز کے بغیر بے بنیاد الزامات عائد کر کے مسترد کر دیا جاتا ہے۔ انہوں نے کہا کہ ان ایجنٹ اور بروکرز کو ریجنل ہیڈ اور عملے کا مکمل اعتماد اور سرپرستی حاصل ہے جس کے ثبوت ہمارے پاس موجود ہیں اور ہم یہ تمام ثبوت ڈائریکٹر جنرل چیئرمین ای او بی آئی کو جلد فراہم کریں گے۔
.ذریعہ: Jasarat News
کلیدی لفظ: او بی ا ئی
پڑھیں:
لاہور میں نقل فارم کی فیس 50روپے ہے جبکہ ملتان اور بہاولپور میں 500 روپے لاگو کر دی گئی
ملتان میں وکلاء نے اپنے مشترکہ بیان میں کہا کہ ملتان سمیت جنوبی پنجاب کے غریب مظلوم عوام کے ساتھ ناانصافی ہے، تخت لاہور کی ناانصافی کے خلاف ملتان سمیت جنوبی پنجاب کے وکلا اور غریب سائلین میں شدید تشویش کی لہر پائی جاتی ہے، ایسی ناانصافیاں کر کے ہمیں سڑکوں پر نکلنے پر مجبور کیا جاتا ہے۔ اسلام ٹائمز۔ ڈسٹرکٹ بار ایسوسی ایشن ملتان میں سید ریاض الحسن گیلانی، نشید عارف گوندل، سید اطہر شاہ بخاری، شیخ جمشید حیات، اشتیاق شاہ، رانا عارف قمر، محبوب سندیلہ، ذاکر نقوی و دیگر نے ڈسٹرکٹ بار میں پریس کانفرنس کرتے ہوئے کہا ہے کہ لاہور ہائی کورٹ لاہور میں نقل فارم کی فیس 50روپے ہے جبکہ ملتان اور بہاولپور میں 500 روپے لاگو کر دی گئی ہے، جو سراسر ملتان سمیت جنوبی پنجاب کے غریب مظلوم عوام کے ساتھ ناانصافی ہے، تخت لاہور کی ناانصافی کے خلاف ملتان سمیت جنوبی پنجاب کے وکلا اور غریب سائلین میں شدید تشویش کی لہر پائی جاتی ہے، ایسی ناانصافیاں کر کے ہمیں سڑکوں پر نکلنے پر مجبور کیا جاتا ہے، اگر مظلوم عوام کو مہنگے انداز میں انصاف ملے گا تو وہ کس سے انصاف کی توقع کریں، اس سے لیے ملتان، بہاولپور میں نقل فارم کی فیس میں کیا گیا اضافہ فوری طور پر واپس لیا جائے تاکہ عام غریب شہری کو باآسانی انصاف مل سکے، اس سلسلے میں چیف جسٹس لاہور ہائی کورٹ سنجیدگی سے نوٹس لیں تاکہ عام غریب شہری کو باآسانی انصاف میسر ہو سکے، اگر 28 جولائی بروز سوموار تک نقل فارم فیس میں کیا گیا اضافہ واپس نہ لیا گیا تو 28 جولائی سے احتجاجی تحریک کا آغاز کریں گے اور ہائی کورٹ بار ملتان، ڈسٹرک بار ملتان کے سامنے وکلا احتجاجی مظاہرے کریں گے۔
’وزیرِاعلیٰ نے فنڈ میں خیانت کی، وہ صادق و امین نہیں رہے‘: علی امین گنڈاپور کیخلاف مقدمے کی درخواست