کشمیری بھائیوں کیساتھ کندھے سے کندھا ملا کر کھڑے ہیں: پاک فوج
اشاعت کی تاریخ: 5th, February 2025 GMT
احمد منصور:5فروری یوم یکجہتی کشمیر کے پروقار موقع پر عسکری قیادت نے کشمیریوں کے حق خورادایت کی حمایت کا اعادہ کرتے ہوئے خصو صی پیغام جاری کیا ہے۔
آئی ایس پی آر کے مطابق چیئرمین جوائنٹ چیفس آف سٹاف کمیٹی، سروسز چیفس، اور مسلح افواج نےکشمیریوں کے حق خورادایت اور منصفانہ جدوجہد میں غیر متزلزل حمایت کا اعادہ کرتے ہوئے کشمیری عوام کے ناقابل تسخیر جذبے کو خراج تحسین پیش کی ہے۔
سوئیڈن ؛ سکول میں فائرنگ،10 افراد ہلاک
آئی ایس پی آر کا کہنا ہے کہ کشمیری کئی دہائیوں کے جبر، ریاستی سرپرستی میں ہونے والی بربریت اور انسانی حقوق کی سنگین خلاف ورزیوں کو برداشت کررہے ہیں،ظلم کے مقابلے میں ان کا غیر متزلزل عزم پوری قوم کے لیے عزم و حوصلے کی علامت ہے،پاکستان کی مسلح افواج مقبوضہ کشمیر میں انسانی حقوق کی جاری سنگین خلاف ورزیوں کی شدید مذمت کرتی ہے۔
آئی ایس پی آر نے کہا ہے کہ کشمیریوں کو ماورائے عدالت قتل، جبری گمشدگیاں اور جبری حراست جیسے مظالم کا سامنا ہے،یہ ظلم و زیادتی ہندوستان کے بین الاقوامی قانون، انسانی ہمدردی کے اصولوں اور بنیادی انسانی حقوق کی صریحا" خلاف ورزیوں کا منہ بولتا تبوت ہے،عالمی برادری، انسانی حقوق کی عالمی تنظیمیں اور اقوام متحدہ کشمیری عوام کے لئے فوری اور فیصلہ کن اقدام کریں،اقوام متحدہ کی سلامتی کونسل کی قراردادوں پر کشمیریوں کی امنگوں کے مطابق عمل درآمد کو یقینی بنائیں۔
لاہور میں بارش؟ خدا آپ کو صبر عطا کرے!
آئی ایس پی آر نے مزید کہا ہے کہ پاکستان کی مسلح افواج کشمیر کے منصفانہ کاز کے لیے اپنے عزم پر ثابت قدم ہیں ،مسلح افواج پاکستان کی خودمختاری اور علاقائی سالمیت کے تحفظ کے لیے ہمہ وقت تیار ہیں،اپنے کشمیری بھائیوں کی آزادی اور وقار کے جائز حصول میں ان کے ساتھ کندھے سے کندھا ملا کر کھڑے ہیں۔
.ذریعہ: City 42
کلیدی لفظ: انسانی حقوق کی ا ئی ایس پی ا ر مسلح افواج
پڑھیں:
سری نگر میں مسلح غیر ملکی موجود ہیں، پاکستان جانتا ہے کہ وہ کیوں وہاں موجود ہیں
وزیر خٓرجہ اسحاق ڈار نے انکشاف کیا ہے کہ سری نگر مین جدید اسلحے سے لیس کچھ غیر ملکی موجود ہیں۔ پاکستان جانتا ہے کہ یہ لوگ سری نگر میں کیوں موجود ہیں۔ پاکستان کے پاس ایسے شواہدہیں کہ سرینگرمیں جدیداسلحے سے لیس غیرملکی موجودہیں۔
وزیر خارجہ سحاق ڈار نے آج وزیر دفاع خواجہ آصف، وزیر قانون اعظم نذیر تارڑ کے ساتھ نیوز کانفرنس کی، وزیر اطلاعات عطاءاللہ تارڑ اور اٹارنی جنرل بھی اس نیوز کانفرنس مین موجود تھے۔
پنجاب میں افسروں کے تبادلے
نائب وزیراعظم اسحاق ڈار نے کہا، سندھ طاس معاہدے کے بارے میں بھارت یکطرفہ فیصلہ نہیں کرسکتا۔ ہم یکطرفہ اقدامات کے ردعمل میں شملہ معاہدہ سمیت دوطرفہ معاہدوں پرنظرثانی کرسکتے ہیں۔
اسحاق ڈار نے بتایا کہ واہگہ بارڈرکوبندکیاجارہاہے۔ واہگہ کے راستے ہر قسم کی تجارت کو معطل کیا جا رہا ہے۔بھارتی شہریوں کیلئے سارک ویزا سکیم کے تحت جاری ویزے منسوخ کرنے کافیصلہ کیا گیا۔سکھ یاتری اس فیصلے سے مستثنیٰ ہوں گے۔
قذافی سٹیڈیم میں بابر الیون نے قلندرز کیلئے سو رنز بنانا دشوار کر ڈالا
اسحاق ڈار نے آج قومی سلامتی کمیٹی کے فیصلوں کے متعلق بتاتے ہوئے کہا، بھارت کے فوجی اتاشیوں کوناپسندیدہ شخصیت قرار دیا گیا ہے۔نا پسندیدہ شخصیات کو 30 اپریل تک ملک چھوڑنے کاکہاگیاہے۔
پاکستان میں موجودبھارتی شہریوں کو30 اپریل تک ملک چھوڑنے کاحکم دیاگیاہے۔
اسحاق ڈار نے کہا، مسلح افواج پاکستان کی سلامتی اورخودمختاری کے تحفظ کیلئے مکمل تیار ہیں، کسی بھی قسم کی مہم جوئی اورجارحیت کابھرپورجواب دیاجائے گا۔پاکستان کی فضائی حدود کو بھارتی ایئرلائنزکیلئے بند کیا جا رہا ہے۔ بھارتی ناظم الامورکودفترخارجہ طلب کرکے قومی سلامتی کمیٹی کے تمام فیصلوں سے آگاہ کیا جا رہا ہے۔
یو ایم ٹی میں سالانہ مشاعرہ بیاد ڈاکٹر حسن صہیب مراد کا انعقاد
انہوں نے کہا، ہم کسی بھی قسم کی جارحیت کاجواب دینے کی پوری صلاحیت رکھتے ہیں۔ پاکستا ن کے پانی کوروکنے کے عمل کوجنگ تصورکیاجائے گا۔ پاکستان اس طرح کاکوئی اقدام ہرگز برداشت نہیں کرے گا۔
نائب وزیراعظم اسحاق ڈار نے کہا، پاکستان نے ہمیشہ امن وسلامتی کی بات کی ہے، 24کروڑعوام کی طاقت سے ہرقسم کے حالات کا مقابلہ کرنے کی صلاحیت رکھتے ہیں۔
سندھ طاس معاہدے میں عالمی بینک اوردیگرسٹیک ہولڈرز ضامن ہیں۔
جھوٹی شکایات والے ہوشیار؛ 20 لاکھ جرمانہ اور 5 سال تک قید کی سزا دی جاسکتی؛چیئرمین نیب
وزیردفاع خواجہ آصف نے نیوز کانفرنس مین کہا، بھارتی وزیراعظم مسلمانوں کے قتل عام میں ملوث ہے، مقبوضہ کشمیرمیں 9 لاکھ بھارتی فوج کے باوجود پہلگام کاواقعہ سوالیہ نشان ہے۔
وزیردفاع نے کہا، پاکستان دنیاکا واحد ملک ہے جو دہشت گردی سے سب سے زیادہ متاثرہوا۔ پاکستان میں دہشت گردی کے واقعات کے تانے بانے بھارت سے ملتے ہیں۔ کینیڈا سمیت دنیا بھر میں دہشت گردی کے واقعات میں بھارت کے ملوث ہونے کے ناقابل تردیدشواہدموجودہیں۔ بھارت کی کسی بھی مہم جوئی کابھرپورجواب دیں گے۔
فی اوور ایک وکٹ؛ قذافی کی مہربان وکٹ لاہور قلندرز پر نامہرباں
کلبھوشن یادیوبھارت کی دہشتگردی میں ملوث ہونے کی سب سے بڑی گواہی ہے۔ بھارتی جارحیت پر پاکستان کے بھرپورجواب میں کسی کوشک وشبہ نہیں ہوناچاہئے۔
وزیر اطلاعات عطا تارڑ نے کہا، سندھ طاس معاہدے کی معطلی کاکوئی قانونی جواز نہیں ہے۔ بھارتی اقدام دہشتگردی کے خلاف پاکستان کی حالیہ کامیابیوں کوسبوتاژ کرنے کی کوشش ہے۔ قومی سلامتی کمیٹی نے بھارتی اقدامات کاسودسمیت جواب دے دیاہے۔ آج پاکستان نے بھارت کی گیدڑبھبکیوں کابھرپورجواب دیاہے۔پاکستان نے بھارت کے ساتھ دوطرفہ اور کسی بھی تیسرے ملک کے ذریعے تجارت کومعطل کردیاہے۔دنیا جان چکی ہے کہ بھارت پاکستان میں دہشتگردی کوسپانسرکرتاہے۔ بھارت اپنے سیاسی فائدے کیلئے دہشتگردی کواستعمال کرتاہے۔
وزیر قانون اعظم نذیر تارڑ نے وارننگ دی کہ بھارتی حکومت اپنی ناکامی کاملبہ کسی اورپر ڈالنے کی کوشش نہ کرے ۔
اٹارنی جنرل نے کہا، سندھ طاس معاہدے کی کسی بھی صورت یکطرفہ معطلی نہیں ہوسکتی۔
ہمارے قانون سازی کرنیوالے ایم پی ایز کو اے آئی کا پتہ نہیں: ملک محمد احمد خان