قذافی اسٹیڈیم کا افتتاح: وزیراعظم کیجانب سے مزدوروں کو لندن کی سیر کروانے کا مشورہ
اشاعت کی تاریخ: 7th, February 2025 GMT
وزیراعظم شہباز شریف نے قذافی اسٹیڈیم کی تعمیر نو ریکارڈ 4 ماہ کی مدت میں مکمل ہونے پر مسرت کا اظہار کرتے ہوئے چیئرمین پاکستان کرکٹ بورڈ محسن نقوی سے کہا کہ وہ یہ کارنامہ انجام دینے والے ڈھائی ہزار مزدوروں کو لندن کی سیر کروائیں۔
یہ بھی پڑھیں: اس وقت کا انتظار کریں گے جب بھارت کو شکست دیں گے، وزیر اعظم کا قذافی اسٹیڈیم کی افتتاحی تقریب سے خطاب
جمعے کو لاہور کے قذافی اسٹیڈیم کی تعمیر نو کی افتتاحی تقریب سے خطاب کرتے ہوئے وزیراعظم نے کہا کہ جو لوگ اچھا کام کرتے ہیں محسن نقوی ان کو لندن لے جاتے ہیں لہٰذا وہ اسٹیڈیم کی تعمیر وقت سے پہلے مکمل کرلینے والی محنت کشوں کی ٹیم کو بھی لندن گھمانے لے جائیں۔
وزیراعظم شہباز شریف نے کہا کہ آج ہم سب کے لیے خوشی کا دن ہے کہ قذافی اسٹیڈیم کی تعمیر نو بہت ہی شاندار طریقے سے مکمل ہوئی اور خواہ کنٹریکٹرز ہوں یا مزدور ان سب نے محسن نقوی کی سرپرستی میں ٹیم ورک کے ذریعے محض 117 دنوں میں ناممکن کو ممکن کر دکھایا۔
مزدوروں کا شبانہ روز کام اور گھر کا منہ نہ دیکھنااس موقعے پر چیئرمین پی سی بی اور وزیر داخلہ محسن نقوی نے کہا کہ ہمارا ٹارگٹ تھا کہ اس اسٹیڈیم کی تعمیر چیمپیئنز ٹرافی سے قبل مکمل ہوجائے۔ انہوں نے مزید کہا کہ اس کی تعمیر میں 2500 کے قریب مزدوروں نے حصہ لیا اور کئی مزدور تو 3 مہینے تک گھر تک نہیں گئے اور مسلسل 16، 16 گھنٹے تک کام کرتے رہے۔
میں تو اب محسن اسپیڈ کی بات کرتا ہوں، شہباز شریفوزیراعظم نے اس حوالے سے حکومت پنجاب اور ڈبلیو ایف او کا بھی شکریہ ادا کرتے ہوئے کہا کہ ’شہباز اسپیڈ‘ اب ماضی کی بات ہے، اب میں ’محسن اسپیڈ‘ کی بات کرتا ہوں۔
اس موقعے پر وزیراعظم نے مختلف محکموں کے حکام میں تعریفی شیلڈز تقسیم کیں۔
تقریب میں وزیراعلیٰ پنجاب مریم نواز، اسپیکر قومی اسمبلی ایاز صادق، سابق چیئرمین پی سی بی اور سینیئر تجزیہ نگار نجم سیٹھی، سابق چیئرمین پی سی بی ذکا اشرف، قومی کرکٹ ٹیم کے کھلاڑیوں اور دیگر اعلیٰ شخصیات نے بھی شرکت کی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پاکستانی مزدور اور لندن کی سیر قذافی اسٹیڈیم قذافی اسٹیڈیم اور محنت کش وزیراعظم شہباز شریف.ذریعہ: WE News
کلیدی لفظ: پاکستانی مزدور اور لندن کی سیر قذافی اسٹیڈیم قذافی اسٹیڈیم اور محنت کش وزیراعظم شہباز شریف قذافی اسٹیڈیم کی اسٹیڈیم کی تعمیر شہباز شریف محسن نقوی کہا کہ
پڑھیں:
وزیراعظم محمد شہباز شریف نے ماڈل ٹاؤن لاہور میں نماز عید ادا کی
وزیراعظم محمد شہباز شریف نے ماڈل ٹاؤن لاہور میں عید الاضحیٰ کی نماز ادا کی۔
یہ بھی پڑھیں: ملک بھر میں عید الاضحیٰ مذہبی جوش و جذبے کے ساتھ منائی جارہی ہے
پی ٹی وی کے مطابق سابق وزیراعلیٰ پنجاب حمزہ شہباز اور مختلف شعبہ زندگی سے تعلق رکھنے والے افراد نے بھی وزیراعظم کے ہمراہ عیدالاضحیٰ کی نماز ادا کی۔
خطبہ عید میں سنت ابراہیمی اور فلسفہ قربانی کی اہمیت کو اجاگر کیا گیا۔ اس موقعے پر ملک کی سلامتی اور ترقی کے لیے خصوصی دعا کی گئی۔
مید پڑھیے: عید الاضحیٰ کے روز ملک بھر میں موسم کیسا ہو گا؟
امت مسلمہ کی خوشحالی اور بربریت کے شکار نہتے کشمیریوں اور فلسطینیوں کی نصرت کے لیے بھی دعائیں مانگی گئیں۔
نماز کے بعد وزیراعظم محمد شہبازشریف لوگوں سے عید ملے اور انہیں مبارکباد دی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
عید کی نماز ماڈل ٹاؤن وزیراعطم محمد شہباز شریف وزیراعظم کی عید کی نماز
بنارس کی تاریخی اور مسلم اکثریتی بازار کے انہدام پر کورٹ سے راحت