امیر جماعت اسلامی کراچی کا تین روزہ پھولوں اور پرندوں کی نمائش کا افتتاح
اشاعت کی تاریخ: 7th, February 2025 GMT
کراچی: گلشن اقبال ٹاؤن کے زیر انتظام رنگا رنگ پھولوں اور پرندوں کی نمائش کا افتتاح محمود غزنوی پارک یوسی 8 میں کردیا گیا، افتتاحی تقریب میں امیر جماعت اسلامی کراچی منعم ظفر نے
چئیرمین ڈاکٹر فواد احمد ،وائس چئیرمین ابراہیم صدیقی ،میونسپل کمشنر جاوید کلوڑ، روسی قو نصلیٹ کے جنرل اینڈریو شیروف، اسلامک ریبلک آف ایران کے ایرانی قونصلیٹ کے ڈپٹی جنرل وحید اصغری ،ایس پی گلشن اقبال اقبال احمد میمن سمیت دیگر مہمانان گرامی کے ہمراہ پارک کا افتتاح کیا۔
.
امیر جماعت اسلامی کراچی کاکہنا تھا کہ ہمیں بدقسمتی سے کہنا پڑ رہا ہے کہ یونیورسٹی روڈ جو کہ بہترین شاہراہ تھی وہ تباہ حال ہے شہر کراچی کو کنکریٹ کردیا گیا ہے جسے ماحولیاتی طور پر پرسکون کرنے کیلئے شجرکاری مہمات چلا رہے ہیں اب روڈ سائیڈ جنگل کا آغاز کیا ہے، 10 ہزار سے زایددرخت لگائے ہیں ، کھیل کے میدان آباد ہوں گے تو لوگ اسپتالوں سے دور ہوں گے۔
انہوں نے مزید کہاکہ اگلا ٹارکٹ سڑکوں کی بحالی ہے ،ہم یقین دلاتے ہیں کہ کراچی کے عوام کا دیا ہوا ٹیکس آپ پر ہی خرچ ہوگا ابھی بہت سے شعبے ہمارے اختیار میں نہیں ، نکاسی آب کا مسئلہ بہت پیچیدہ ہے مگر یہ حکومت وقت 16برس سے براجمان ہونے کے باوجود حل کرنے میں ناکام ہے۔ منعم ظفر خان کاکہنا تھاکہ ٹاؤنز کو اختیار دیں اور پاور کو نچلی سطح پر منتقل کریں تو ہم سب کچھ کرکے دکھائیں گے، ہم اختیارات کا رونا رونے کے بجائے عوام کے مسائل حل کررہے ہیں، ہمیں بھی وسائل کا سامنا ہے لیکن ہم عوام کی خدمت کرنا بخوبی جانتے ہیں۔
ذریعہ: Jasarat News
کلیدی لفظ: جماعت اسلامی
پڑھیں:
قیصر شریف کو جماعت اسلامی لاہور کا ڈپٹی سیکرٹری جنرل مقرر کر دیا گیا
جماعت اسلامی لاہور کے امیر ضیاء الدین انصاری نے قیصر شریف کو لاہور کا ڈپٹی سیکرٹری جنرل مقرر کرنے کا نوٹیفکیشن جاری کیا۔ قیصر شریف کو چند روز قبل مرکزی سیکرٹری اطلاعات کے عہدے سے ہٹا دیا گیا تھا۔ اسلام ٹائمز۔ جماعت اسلامی پاکستان کے سابق مرکزی سیکرٹری اطلاعات قیصر شریف کو جماعت اسلامی لاہور کا ڈپٹی سیکرٹری جنرل مقرر کر دیا گیا ہے۔ جماعت اسلامی لاہور کے امیر ضیاء الدین انصاری نے قیصر شریف کو لاہور کا ڈپٹی سیکرٹری جنرل مقرر کرنے کا نوٹیفکیشن جاری کیا۔ قیصر شریف کو چند روز قبل مرکزی سیکرٹری اطلاعات کے عہدے سے ہٹا دیا گیا تھا اور ان کی جگہ شکیل ترابی کو مرکزی سیکرٹری اطلاعات مقرر کیا گیا تھا۔
9 مئی مقدمات؛ ملزمان میں چالان کی نقول تقسیم، فرد جرم کے لیے تاریخ مقرر