مرحوم پرنس کریم آغا خان چہارم کی نماز جنازہ لزبن میں ادا کردی گئی
اشاعت کی تاریخ: 8th, February 2025 GMT
مرحوم پرنس کریم آغا خان چہارم کی نماز جنازہ لزبن میں ادا کردی گئی WhatsAppFacebookTwitter 0 8 February, 2025 سب نیوز
لزبن (آئی پی ایس )مرحوم پرنس کریم الحسینی آغا خان چہارم کی نماز جنازہ پرتگال کے دارالحکومت لزبن میں ادا کردی گئی جس میں پاکستان کے وزیر خزانہ سینیٹر محمد اورنگزیب نے بھی شرکت کی۔وزارت خزانہ کی جانب سے جاری اعلامیے میں کہا گیا کہ وزیر خزانہ و محصولات محمد اورنگ زیب نے شیعہ اسماعیلی مسلمانوں کے 49 ویں موروثی امام مرحوم شہزادہ کریم الحسینی آغا خان چہارم کی نماز جنازہ میں شرکت کی
وزیر خزانہ نے شیعہ اسماعیلی مسلمانوں کے 50 ویں امام شہزادہ رحیم الحسینی آغا خان پنجم سے بھی ملاقات کی۔بیان کے مطابق ملاقات کے دوران وزیر خزانہ نے صدر، وزیر اعظم اور پاکستانی عوام کی جانب سے مرحوم پرنس کریم آغا خان کے انتقال پر دلی تعزیت کا اظہار کیا، وفاقی وزیر نے مرحوم پرنس کریم آغا خان اور آغا خان ڈویلپمنٹ نیٹ ورک کی خدمات کو سراہا۔اس میں کہا گیا کہ وزیر خزانہ نے انسانی استعداد کار ، معاشی ترقی، پراستقلال گروہوں کی تشکیل اور ثقافتی ورثے کے تحفظ و احترام کے لیے آغا خان ڈویلپمنٹ نیٹ ورک کو خراج تحسین پیش کیا
وزیر خزانہ نے پرنس کریم آغا خان چہارم کی وفات کو ان کے خاندان، دوستوں اور پیروکاروں کے علاوہ دنیا بھرکے پسماندہ اور نادار لوگوں کے لئے بڑا نقصان قرار دیا۔بیان کے مطابق وزیر خزانہ نے مرحوم پرنس کریم آغا خان کی پاکستان اور اس کے عوام سے خصوصی وابستگی کو یاد کیا، حکومت پاکستان نے پرنس کریم آغا خان کی آخری رسومات کے موقع پر8فروری 2025 کو قومی سوگ کا دن قرار دیاہے، آج ملک میں اور بیرون ملک پاکستانی سفارت خانوں میں پاکستانی پرچم سرنگوں رہا۔
.ذریعہ: Daily Sub News
کلیدی لفظ: آغا خان چہارم کی نماز جنازہ
پڑھیں:
حیدرآباد پریس کلب کے سابق صدر لالہ رحمن کے بھائی انتقال کرگئے
data-id="863a0a8" data-element_type="widget" data-widget_type="theme-post-content.default">
حیدرآباد(اسٹاف رپورٹر)حیدرآباد پریس کلب کے سابق صدر، سینئر صحافی لالہ رحمن سموں کے بھائی ابراہیم جام سموں انتقال کرگئے، ان کی نماز جنازہ مکی شاہ کے احاطے میں اد اکی گئی اور تدفین کینٹ قبرستان میں ہوئی، نماز جنازہ و تدفین میں صحافیوں، سیاسی و سماجی ؤرہنماؤں، انتظامی افسران، وکلاء، مرحوم کے عزیزواقارب، دوست واحباب نے بڑی تعداد میں شرکت کی۔ جن میں متحدہ قومی موومنٹ حیدرآباد کے زونل آرگنائزر ظفر صدیقی، سابق رکن صوبائی اسمبلی راشد خلجی، جئے سندھ قومی محاذ کے نیاز کالانی، سافکو کے سی ای او سلیمان جی ابڑو، سابق ڈپٹی ڈائریکٹر اینٹی کرپشن ملک ملازم حسین، سینئر صحافی خالد کھوکھر، جنید خانزادہ، محمد حسین خان، ناصر شیخ، عبداللہ شیخ، جے پرکاش، منیر نارائی، ظفر ہکڑو، حامد شیخ سمیت دیگر نے بڑی تعداد میں شرکت کی۔
فلموں میں کمائی زیادہ ہے کرکٹ میں؟ بھارتی کرکٹر کے بیان نے سب کو حیران کردیا