کیویز سے بدترین شکست پر صائم ایوب بھی خاموش نہ رہ سکے
اشاعت کی تاریخ: 9th, February 2025 GMT
انجری کے باعث چیمپئینز ٹرافی سے باہر ہونیوالے اوپنر صائم ایوب نے بھی سہ ملکی سیریز کے پہلے میچ میں قومی ٹیم کی شکست پر لب کشائی کردی۔
جارح مزاج اوپنر صائم ایوب نے چیمپئینز ٹرافی اور سہ ملکی سیریز کیلئے قوم سے پاکستان ٹیم کو سپورٹ کرنے کی اپیل کرتے ہوئے کہا کہ ہماری ٹیم اچھی ہے، امید ہے میگا ایونٹ میں اچھے نتائج آئیں گے۔
قومی ٹیم کے اوپنر صائم ایوب کہا کہ قسمت میں لکھا ہوتا ہے ہمیشہ وہی ہوتا ہے، میں چاہتا ہوں سب لوگ دعا کریں اور پاکستان ٹیم کو سپورٹ کریں۔
مزید پڑھیں: چوٹ راچن رویندرا کی درد بھارت کو! چیمپئینز ٹرافی منتقل کرنے پر اصرار
صائم ایوب نے کہا کہ لاہور اسٹیڈیم کی افتتاحی تقریب لائیو دیکھ رہا تھا، بہت اچھی تقریب تھی اور انتظامات بھی شاندار تھے، نیا گراؤنڈ دیکھ کر خوشی ہوئی، امید ہے جلد مجھے بھی وہاں کھیلنے کا موقع ملے گا۔
مزید پڑھیں: بابراعظم کی سینچری کا قحط مسلسل 62ویں اننگز تک بڑھ گیا
یاد رہے کہ سہ ملکی سیریز کے پہلے میچ میں قومی ٹیم کو نیوزی لیںڈ کے ہاتھوں یکطرفہ مقابلے میں 78 رنز سے شکست کا منہ دیکھنا پڑا تھا۔
.ذریعہ: Express News
کلیدی لفظ: صائم ایوب
پڑھیں:
پاکستانی باکسر عثمان وزیر نے بھارتی حریف کو پہلے راؤنڈ میں شکست دیدی
پاکستانی باکسر عثمان وزیر نے جمعرات کو سنسنی خیز کارکردگی کا مظاہرہ کرتے ہوئے اپنے بین الاقوامی رینکنگ باؤٹ کے پہلے راؤنڈ میں اپنے بھارتی حریف ایس ایشورن کو ٹیکنیکل ناک آؤٹ کردیا۔
پاکستان اور بھارت کے درمیان کھیلوں کی تاریخی رقابت کے پیش نظر بنکاک کے ورلڈ سیام اسٹیڈیم میں منعقدہ باکسنگ کے اس مقابلے کی انتہائی چرچا تھی، مذکورہ مقابلہ عثمان وزیر کی 16ویں پیشہ ورانہ فائٹ تھی۔
23 سالہ عثمان وزیر نے اپنے ناقابل شکست ریکارڈ کو ایک اور جہت دیتے ہوئے ابتدائی راؤنڈ میں فائٹ صرف ایک منٹ اور 41 سیکنڈ میں ختم کردی۔
یہ بھی پڑھیں: ویڈیوز سے سیکھ کر عالمی باکسنگ مقابلے جیتنے والے انجینیئر ریحان اظہر
جیسے ہی مقابلے کے آغاز کی گھنٹی بجی، عثمان وزیر نے وقت ضائع کیے بغیر پہلا حملہ داغا جس نے لڑائی کی رفتار اور جارحیت کا تعین کردیا، ایشورن نے اپنے تئیں جارحیت کے ساتھ جواب دیا اور یوں مقابلہ تیزی سے مکوں کے دھماکہ خیز تبادلے میں تبدیل ہوگیا۔
تاہم، عثمان وزیر نے اعلیٰ تکنیک اور سمجھداری کا مظاہرہ کرتے ہوئے زور دار ضربوں کا ایک سلسلہ شروع کیا جس نے ایشورن کو دو بار گرنے پر مجبور کردیا اور یوں ریفری کو مقابلہ روکنے کے لیے مداخلت کرنا پڑی۔
’ایشین بوائے‘ کے نام سے موسوم عثمان وزیر نے باکسنگ کی دنیا میں پہلے ہی دھوم مچارکھی ہے، وہ اس سے قبل ورلڈ یوتھ ٹائٹل، ایشین ٹائٹل، اور مڈل ایسٹ ٹائٹل سمیت متعدد اعزازات اپنے نام کر چکے ہیں۔
مزید پڑھیں: پاکستان باکسنگ فیڈریشن کے عہدیداروں کا انتخاب
عثمان وزیر کی کامیابیوں نے نہ صرف انہیں عالمی سطح پر پہچان عطا کی ہے بلکہ پاکستان اور ان کے آبائی علاقے گلگت بلتستان کے لیے بھی بہت بڑے فخر کا باعث بنی ہیں۔
بھارتی باکسر کیخلاف اپنی زبردست فتح کے بعد، عثمان وزیر نے اظہار تشکر کے ساتھ اتحاد کا ایک بھرپور پیغام دیا۔
’اس جیت کے لیے الحمدللہ۔ میں ہائی لینڈ باکسنگ پروموشن، اپنے اسپانسرز اور سندھ حکومت کا ان کے تعاون کے لیے شکر گزار ہوں۔‘
مزید پڑھیں: ورلڈ باکسنگ کونسل ایشیا ٹائٹل کا کامیاب دفاع، پاکستانی باکسر کے ہاتھوں بھارتی ناک آؤٹ
انہوں نے اپنے مقابلے سے جڑے سوشل میڈیا پر بڑھتے ہوئے اختلافات کے حوالے سے سرحد کے دونوں طرف موجود شائقین پر زور دیا کہ وہ امن کو قبول کریں۔
’میں نے اس (فائٹ) کا موازنہ ہندوستان اور پاکستان کی جنگ سے کرتے ہوئے دیکھا، میں دونوں ممالک سے مخلصانہ درخواست کرتا ہوں، ہم امن چاہتے ہیں، تقسیم کرنے کی بجائے کھیلوں کو ہمیں ایک دوسرے کے قریب لانے دیں۔‘
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بھارتی حریف سوشل میڈیا عثمان وزیر گلگت ورلڈ یوتھ ٹائٹل
پاکستان بھر میں کے ایف سی پر حملوں کے واقعات، 178 افراد گرفتار