نتین یاہو کا غرور خاک میں مل گیا اب ڈونلڈ ٹرامپ کی باری ہے
اشاعت کی تاریخ: 9th, February 2025 GMT
اپنے ایک بیان میں حماس کے ترجمان کا کہنا تھا کہ غزہ پر فوجی قبضے یا اس کی تقسیم کے منصوبے کو ہماری عوام کی استقامت و ثابت قدمی سے شکست ہوئی۔ اسلام ٹائمز۔ جنگ بندی کے معاہدے کی رو سے صیہونی فوج آج صبح ںٹساریم کوریڈور سے واپس جا رہی ہے جس پر فلسطین کی مقاومتی تحریک "حماس" کے ترجمان "عبداللطیف القانوع" نے کہا کہ IDF کا غزہ سے واپس جانا، اسرائیل کے جنگی اہداف میں ناکامی کو ظاہر کرتا ہے۔ انہوں نے کہا کہ مہاجرین کی واپسی، قیدیوں کے تبادلے کا تسلسل اور نٹساریم سے پسپائی نتین یاہو کے جھوٹ اور ہماری عوام کی مکمل فتح کی نشان دہی کرتا ہے۔ حماس کے ترجمان نے کہا کہ غزہ پر فوجی قبضے یا اس کی تقسیم کے منصوبے کو ہماری عوام کی استقامت و ثابت قدمی سے شکست ہوئی۔ انہوں نے مزید کہا کہ 15 مہینوں میں بھوک، نسل کشی، انفراسٹرکچر کی تباہی اور ہمارے لوگوں کو بے گھر کرنے سے جارح قوتیں جو اہداف حاصل نہ کر سکیں وہ ڈونلڈ ٹرامپ کے پراپرٹی کے ٹھیکوں اور کمیشنوں سے بھی حاصل نہیں ہو سکے گا۔
عبداللطیف القانوع نے صراحت کے ساتھ کہا کہ عوام اور مجاہدین کے ہاتھوں آزاد ہونے والی غزہ وہ سرزمین ہے جو ہمیشہ باقی رہے گی اور یہاں قابضین و بیرونی فورسز کا داخلہ منع ہے۔ قابل غور بات یہ ہے کہ حال ہی میں امریکی صدر "ڈونلڈ ٹرامپ" غزہ پر قبضے اور وہاں کی عوام کی نقل مکانی کا منصوبہ پیش کر چکے ہیں۔ جس کے ردعمل میں دنیا بھر سے تنقید کا سیلاب آ گیا۔ جس کے جواب میں ڈونلڈ ٹرامپ نے کہا کہ ہم غزہ پر قبضے کا ارادہ نہیں رکھتے بلکہ ہم غزہ پر قبضے کو جائیداد اور املاک کا سودا سمجھیں گے۔ امریکی صدر کے بیانات اس وقت سامنے آ رہے ہیں جب صیہونی فوج آج صبح سے ںٹساریم کوریڈور سے واپس جا رہی ہے۔ اس علاقے میں صیہونی فورسز نے تباہی و بربادی کے بعد اپنے آہنی عارضی بنکروں کو خالی کر دیا ہے اور اس کوریڈور سے اپنا تمام اسلحہ و عسکری آلات پیچھے ہٹا لئے ہیں۔
ذریعہ: Islam Times
کلیدی لفظ: ڈونلڈ ٹرامپ نے کہا کہ عوام کی
پڑھیں:
بڑے سیاسی گھرانے کی شخصیت کے کرپٹو میں 10 کروڑ ڈالر ڈوب گئے
اسلام آباد: ایک بڑے سیاسی گھرانے کی شخصیت کے کرپٹو میں 10 کروڑ ( 100 ملین )ڈالر ڈوب جانے کاانکشاف ہواہے ،یہ انکشاف سینئر اینکرپرسن ندیم ملک نے اپنے پروگرام میں کیا،پروگرام میں شریک عوام پاکستان پارٹی کے رہنمااور سابق وزیرخزانہ مفتاح اسماعیل نے بھی اینکرکے دعوے کی تائیدکرتے ہوئے کہاکہ میں نے بھی یہ سنا ہے،اس انکشاف کے بعد ڈیجیٹل کرنسی میں سرمایہ کاری کے حوالے سے سوالاٹ اٹھے ہیں جب کہ حکومت پاکستان ڈیجیٹل کرنسی میں سرمایہ کاری کاباضابطہ بنانے کے ایجنڈے پرعمل پیراہے جس کے لئے پاکستان کرپٹو کونسل کاقیام عمل میں لایاگیا ،بلاک چین ٹیکنالوجی کے ماہر بلال بن ثاقب کو کونسل کاسربراہ بنایاگیاہے، پاکستان کرپٹو کونسل نے کچھ عرصہ قبل کرپٹو کرنسی کمپنی ورلڈ لبرٹی فنانشل(ڈبلیوایل ایف) کے ساتھ ایک معاہدے پر دستخط کیے ہیں ،معاہدے کا مقصد پاکستان میں بلاک چین جدت، اسٹیبل کوائن کے استعمال اور ڈی سینٹرلائزڈ فنانس کے انضمام کو تیز کرنا ہے،ڈبلیوایل ایف جس میں مبینہ طور پر امریکی صدر ڈونلڈ ٹرمپ کے خاندان کے 60 فیصد حصص ہیں۔ورلڈ لبرٹی فنانشل کوئی عام فنٹیک اسٹارٹ اپ نہیں ہے،کمپنی کی 60 فیصد ملکیت ڈونلڈ ٹرمپ کے بیٹوں ایرک ٹرمپ اور ڈونلڈ ٹرمپ جونیئر کے ساتھ ساتھ ان کے داماد جیرڈ کشنر کی ہے۔ اس کے بانی،Zachary Witkoff، رئیل اسٹیٹ ٹائیکون اور طویل عرصے سے ٹرمپ کے اتحادی اسٹیو وٹ کوف کے بیٹے ہیں، جو اب امریکی خصوصی ایلچی کے طور پر خدمات انجام دے رہے ہیں۔
Post Views: 6
آزاد کشمیر الیکشن، ن لیگ نے مشاورتی کمیٹی قائم کر دی