وزیر مملکت شزا فاطمہ کا لیپ 2025 میں پاکستان پویلین کا دورہ
اشاعت کی تاریخ: 10th, February 2025 GMT
وزیر مملکت برائے انفارمیشن ٹیکنالوجی(آئی ٹی) و ٹیلی کمیونیکیشن شزا فاطمہ خواجہ اور ڈیجیٹل کوآپریشن آرگنائزیشن (ڈی سی او) کی سیکریٹری جنرل دیما الیحییٰ نےسعودی عرب کے دارالحکومت ریاض میں جاری” لیپ 2025 “ میں پاکستان پویلین کا دورہ کیا۔
وزارتِ انفارمیشن ٹیکنالوجی و ٹیلی کمیونیکیشن کی جانب سے اتوار کو جاری بیان کے مطابق لیپ 2025 میں وزیر مملکت اور دیما الیحییٰ نے پاکستانی اسٹارٹ اپس اور آئی ٹی کمپنیوں سے ملاقات کی۔پاکستان اور ڈیجیٹل کوآپریشن آرگنائزیشن (ڈی سی او) کے درمیان تکنیکی اور ڈیجیٹل تعاون پر اہم تبادلہ خیال کیا گیا، لیپ 2025 میں پاکستان پویلین، سعودی عرب اور پاکستان کے درمیان ڈیجیٹل معیشت میں تعاون کی علامت ہے ۔
وزیر مملکت اور دیما الیحییٰ کی پاکستان کے ڈیجیٹل ایکو سسٹم میں سرمایہ کاری کے امکانات پر گفتگو بھی ہوئی، انہوں نے پاکستانی اسٹارٹ اپس کی ڈیجیٹل انوویشنز کو عالمی سطح پر اجاگر کرنے کے لیے حوصلہ افزائی بھی کی ۔شزا فاطمہ خواجہ اور دیما الیحییٰ نے پاکستان اور ڈی سی او کے درمیان ٹیکنالوجی انوویشن اور اسکل ڈیولپمنٹ پر باہمی مشاورت کی گئی اور لیپ 2025 میں پاکستانی آئی ٹی کمپنیوں اور عالمی سرمایہ کاروں کے درمیان تجارتی مواقع پر تبادلہ خیال کیا گیا۔
پاکستان پویلین میں ڈیجیٹل انوویشن، مصنوعی ذہانت اور فِن ٹیک کے شعبے میں نمایاں پیش رفت کا مظاہرہ کیا گیا ، پاکستانی اسٹارٹ اپس اور آئی ٹی انڈسٹری کی ترقی میں حکومتی اقدامات اور عالمی شراکت داری کی اہمیت پر زور دیا گیا اور لیپ 2025 عالمی ڈیجیٹل ایکو سسٹم میں پاکستانی مہارت اور اختراع کا بھرپور اظہار کیا گیا ۔وزیر مملکت شزا فاطمہ خواجہ اورڈی سی اوکی سیکریٹری جنرل دیما الیحییٰ نے پاکستانی ٹیک انٹرپرینیورز کے ساتھ تفصیلی ملاقات کی اور ڈیجیٹل مستقبل پر تبادلہ خیال کیا۔
اشتہار
.
ذریعہ
ذریعہ: Al Qamar Online
کلیدی لفظ: پاکستان کھیل پاکستان پویلین میں پاکستان اور ڈیجیٹل وزیر مملکت نے پاکستان لیپ 2025 میں شزا فاطمہ کے درمیان کیا گیا
پڑھیں:
وزیر اعظم شہباز شریف سے چینی کاروباری وفد کی ملاقات، بزنس ٹو بزنس شراکت داری سے پاک چین دوستی مزید مستحکم ہو گی ، وزیر اعظم
سٹی 42:وزیر اعظم شہباز شریف سے چینی کاروباری وفد کی ملاقات،وزیر اعظم نے کہا بزنس ٹو بزنس شراکت داری سے پاک چین دوستی مزید مستحکم ہو گی ۔
وزیراعظم محمد شہباز شریف سے چینی کمپنی فیمسنFAMSUN کے چیف ایگزیکٹو افسر جیک چین Jack Chen کی قیادت میں وفد کی ملاقات ہوئی ۔ وزیراعظم نے وفد کو پاکستان آمد پر خوش آمدید کہا
وزیر اعظم نے کہا پاکستان اور چین مثالی دوست ہیں، جن کے درمیان معاشی شراکت داری اور دوستانہ تعلقات وقت کے ساتھ مزید مضبوط ہو رہے ہیں۔دونوں ممالک کے درمیان بزنس ٹو بزنس شراکت داری سے یہ دوستی مزید مستحکم ہو گی ۔وزیر اعظم نے چینی کمپنی کا پاکستان میں اجناس کے سٹوریج کے مراکز کو اسٹیٹ آف آرٹ مراکز میں تبدیل کرنے کے منصوبے کا خیر مقدم کیا۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
اس منصوبے سے ملک میں زراعت کے سیکٹر میں جدید ترین ٹیکنالوجی آئے گی اور تجارتی سرگرمیوں کو فروغ ملے گا۔ پاکستان کی افرادی قوت کی ہنر مندی اور تربیت کو ان منصوبوں کا حصہ بنایا جائے۔
جیک چین نے پاکستان میں پرتپاک میزبانی پر وزیراعظم اور حکومت پاکستان کا شکریہ ادا کیافیمسن کے چیف ایگزیکٹو نے وزیراعظم سے انکے حالیہ دورہء چین کے دوران اپنی ہونے والی ملاقات کا بھی ذکر کیا، جس کے نتیجے میں وہ پاکستان کا دورہ کررہے ہیں اور غذائی تحفظ کے حوالے سے قابل عمل منصوبے پر بات چیت کی جارہی ہے۔
جعلی امیدواروں کی شامت، پی پی ایس سی امتحانات میں بائیو میٹرک نظام نافذ
جناب جیک چین نے کہا کہ فیمسن پاکستان میں غذائی تحفظ کے حوالے سے بہتر سٹوریج مراکز، ٹیکنالوجی ٹرانسفر اور تربیت فراہم کرنے میں دلچسپی رکھتی ہے۔بریفنگ میں بتایا کہ فیمسن پاکستان میں گرین سائلوز کے قیام کے حوالےسے ڈیمانسٹریشن سینٹر قائم کرے گی سٹوریج سینٹرز کو جدید گرین سائلوز میں بدلا جائے گا ۔فیمسن اور گرین پاکستان انیشئیٹو کے درمیان مفاہمتی یادداشت پر دستخط ہو چکے ہیں
ملاقات میں وفاقی وزیر قومی غذائی تحفظ رانا تنویر حسین، وفاقی وزیر تجارت جام کمال خان، وزیر مملکت برائے خزانہ و ریلوے بلال اظہر کیانی، معاون خصوصی ہارون اختر اور متعلقہ اعلیٰ سرکاری افسران بھی موجود تھے۔فیمسن زراعت، جانوروں کی خوراک اور فوڈ پراسیسنگ کے حوالے سے چین کی بڑی کمپنیوں میں شمار ہوتی ہے۔
بارشی پانی کی نکاسی نہ ہونے سے گاڑیاں اور موٹرسائیکلیں بند، شہری شدید مشکلات کا شکار
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار