ملک افراتفری کاشکار،معیشت وینٹی لیٹر پر ہے،جاوید قصوری
اشاعت کی تاریخ: 11th, February 2025 GMT
لاہور (وقائع نگارخصوصی)امیر جماعت اسلامی پنجاب وسطی محمد جاوید قصوری نے کہا ہے کہ گیلپ کے سروے کے مطابق پاکستان میں طلاق اور خلع کی شرح میں پچھلے پانچ سالوں میں 35 فیصد اضافہ ہوا ہے۔ ملک میں طلاق یافتہ خواتین کی تعداد 4 لاکھ 99 ہزار ریکارڈ کی گئی ہے۔گارڈین عدالتوں میں ایک ہفتے کے دوران تقریبا1100بچے ملاقات کیلیے آتے ہیں جس سے بخوبی اندازہ لگایا جا سکتا ہے کہ معاشی ناہمواری،عدم برداشت اور معاشرتی کھچاو کی وجہ سے حالات انتہائی گھمیر ہو چکے ہیں۔انہوں نے کہا کہ پاکستان میں گزرتے وقت کے ساتھ گھریلو ناچاقیوں کی شرح میں اضافہ ہوتا جا رہا ہے جو کہ تشویشناک ہے۔ ان کا کہنا تھا کہ غربت اورپس ماندگی نے ان کی زندگی اجیرن کررکھی ہے۔پاکستان میں گزشتہ چند سالوں سے عوام کی معاشی حالت گزرتے وقت کے ساتھ ساتھ بد سے بدتر ہو رہی ہے۔ پاکستان اس وقت افراتفری کا شکار ہے۔ملک کی معیشت واقعتا وینٹی لیٹر پر ہے۔ پاکستان میں سرمایہ کاری کی کمی کی وجہ سے معاشیات کی ترقی رک گئی ہے۔پاکستان کا بیرونی قرضہ تقریباً 100 ارب ڈالر ہے۔ قرضوں پر صرف سود کی ادائیگی کے لیے بھی عالمی اداروں سے مزید سودی قرض لینا پڑتا ہے جس کی وجہ سے ہمیں ان اداروں کی کڑی شرائط تسلیم کرنا پڑتی ہیں۔آئی ایم ایف نے حکمرانوں کی ناقص معاشی پالیسیوں کی بدولت خود مختاری کو پامال کر رکے رکھ دیا ہے۔ محمد جاوید قصوری نے اس حوالے سے مزید کہا کہ پاکستان کا ٹیکس ٹو جی ڈی پی صرف 11% ہے، جو دنیا میں سب سے کم ہے۔بے روزگاری میں دس فی صد سالانہ کی شرح سے اضافے کی وجہ سے ہر سال تیس لاکھ افراد غریب طبقے میں شامل ہونے لگے ہیں۔ پاکستان میں متوسط طبقہ بیالیس فی صد سے گھٹ کرتینتیس فی صد رہ گیا ہے۔پاکستان کی نصف سے زائد دولت پر ملک کی ایک فی صد آبادی کا قبضہ ہے۔
سکھرپریس کلب کے صدر کااظہارتعزیت
سکھر (نمائندہ جسارت) سکھر پریس کلب کے صدر آصف ظہیر خان لودھی نے سینئر جرنلسٹ، سکھر پریس کلب کے سابق صدر خواجہ جاوید احمد سے ملاقات کی اور انکی اہلیہ کی وفات پر اظہارِ افسوس و تعزیت کیا، مرحومہ کیلئے ایصال ثواب کیلئے فاتحہ خوانی کی اور دعائے مغفرت کی۔
ذریعہ: Jasarat News
کلیدی لفظ: پاکستان میں کی وجہ سے
پڑھیں:
ڈیجیٹل بینکاری سے معیشت مضبوط ہوگی، وزیراعظم شہباز شریف کا مشرق ڈیجیٹل بینک کے افتتاح پر خطاب
وزیراعظم محمد شہباز شریف نے کہا ہے کہ پاکستان کی معیشت کو جدید اور مکمل ڈیجیٹل بنیادوں پر استوار کرنے میں مشرق ڈیجیٹل بینک کا قیام سنگ میل ثابت ہوگا، یہ اقدام نہ صرف کیش لیس معیشت کے فروغ بلکہ مالیاتی شعبے میں شفافیت اور سہولتوں کی فراہمی کا باعث بنے گا۔
وزیراعظم نے اسلام آباد میں مشرق ڈیجیٹل ریٹیل بینک کی افتتاحی تقریب سے خطاب کرتے ہوئے کہا کہ نوجوان پاکستان کی سب سے بڑی طاقت ہیں اور ان کے لیے جدید بینکاری سہولیات کی فراہمی وقت کی ضرورت ہے۔ انہوں نے کہا کہ معیشت کی ترقی اور شفافیت کے لیے پیپر لیس نظام اور انسانی عمل دخل میں کمی لانا ہوگی۔
مزید پڑھیں: گزشتہ مالی سال میں اسٹیٹ بینک کا خالص منافع کتنا رہا؟ رپورٹ جاری
وزیراعظم نے کہا کہ متحدہ عرب امارات نے ہمیشہ پاکستان کی معاشی اور سماجی ترقی میں کردار ادا کیا ہے اور مشرق بینک کا قیام پاک امارات تعلقات کو مزید مستحکم بنائے گا۔
اس موقع پر وفاقی وزرا محمد اورنگزیب، احسن اقبال، علی پرویز ملک، حنیف عباسی اور جنید انوار کے علاوہ گورنر اسٹیٹ بینک جمیل احمد اور دیگر حکام بھی شریک تھے۔
وفاقی وزیر خزانہ محمد اورنگزیب نے تقریب سے خطاب میں کہا کہ حکومت معیشت کو مستحکم کرنے کے لیے اصلاحات پر عمل پیرا ہے اور عالمی ریٹنگ ایجنسیوں نے بھی پاکستان کی بہتر کارکردگی کی تصدیق کی ہے۔
انہوں نے کہا کہ ترسیلات زر پاکستان کی معیشت کے لیے ریڑھ کی ہڈی کی حیثیت رکھتی ہیں اور مشرق ڈیجیٹل بینک مالیاتی نظام میں خوش آئند اضافہ ہے۔
مشرق بینک کے چیئرمین عبدالعزیز الغریر نے کہا کہ پاکستان کو ڈیجیٹل اکنامک پاور ہاؤس بننے کی بھرپور صلاحیت حاصل ہے اور ہم اس سفر کا حصہ بننے پر فخر محسوس کرتے ہیں۔ پاکستان میں پہلا مکمل ڈیجیٹل بینک قائم کرنے کا فیصلہ اعتماد کا مظہر ہے۔
مزید پڑھیں: رواں مالی سال میں شرح نمو 4.25 فیصد تک جانے کا امکان، گورنر اسٹیٹ بینک
سی ای او محمد ہمایوں سجاد نے کہا کہ گزشتہ سال پاکستان میں ڈیجیٹل ادائیگیوں میں 30 فیصد اضافہ ہوا، نوجوان ڈیجیٹل بینکاری کے اصل محرک ہیں، اور اسٹیٹ بینک کے اقدامات سائبر سیکیورٹی اور مالیاتی شعبے کے استحکام کے لیے قابل تحسین ہیں۔
تقریب کے اختتام پر وزیراعظم شہباز شریف اور چیئرمین مشرق بینک نے باقاعدہ طور پر مشرق ڈیجیٹل ریٹیل بینک کا افتتاح کیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
مشرق بینک کے چیئرمین عبدالعزیز الغریر مشرق ڈیجیٹل بینک مشرق ڈیجیٹل ریٹیل بینک وزیراعظم محمد شہباز شریف
قازقستان کے ساتھ براہ راست فضائی روابط سے کاروباری اور عوامی تعلقات کو فروغ ملے گا، صدر مملکت