خشک سالی کا خدشہ، پنجاب بھر میں نماز استسقاء ادا کرنیکا فیصلہ
اشاعت کی تاریخ: 13th, February 2025 GMT
لاہور(نیوز ڈیسک)پنجاب حکومت نے خشک سالی کے خدشے کے پیش نظر صوبہ بھر میں نماز استسقاء ادا کرنے کا فیصلہ کیا ہے۔سیکریٹری زراعت افتخار سہو کا کہنا ہے کہ خشک موسم کے باعث گندم کی فصل پر منفی اثرات مرتب ہونے کا خدشہ ہے، باران رحمت کیلئے نماز استسقاء ادا کی جائے گی۔
انہوں نے کہا کہ محکمہ زراعت کی فیلڈ فارمیشنز نماز استسقاء کی ادائیگی کیلئے اہتمام کریں، نماز استسقاء کل (جمعہ کی) صبح 10 بجے پنجاب بھر میں ادا کی جائے گی۔افتخار سہو کا کہنا ہے کہ گندم کے کاشتکاروں کی رہنمائی کے سلسلے میں سرگرمیاں مزید تیز کردی ہیں، محکمہ زراعت صوبہ پنجاب کے تمام کاشتکاروں کے شانہ بشانہ کھڑا ہے۔محکمہ ماحولیات پنجاب کا کہنا ہے کہ صوبہ بھر میں گزشتہ 5 سال کے دوران 42 فیصد کم بارشیں ہوئیں، جس کی وجہ سے پانی کی قلت کا خدشہ ہے۔
قندھار میں خودکش دھماکا، ایک شخص جاں بحق تین زخمی
.ذریعہ: Daily Ausaf
کلیدی لفظ: نماز استسقاء
پڑھیں:
ریلوے کا محکمہ ڈیجٹیل ہوا اسی طرح اس امتحان کا رزلٹ بھی آن لائن بنا دیا گیا ، وزیر ریلوے
وفاقی وزیر ریلوے حنیف عباسی نے کہا ہے کہ آج ہماری قوم کو گمراہ کیا جا رہا ہے، کوئی ڈوب رہا ہے تو لوگ مدد کی بجائے بے حس ہوکر ویڈیو بنا رہے ہوتے ہیں، جیسے پاک فوج ہمارے ملک کو بیرونی خطرات سے بچا رہی ہے ویسے ہی طلبہ و طالبات نے تعلیم حاصل کر کے اس ملک کو اندرونی خطرات سے بچانا ہے۔
فاطمہ جناح ویمن یونیورسٹی راولپنڈی میں منعقدہ بورڈ آف انٹرمیڈیٹ اینڈ سیکنڈری ایجوکیشن راولپنڈی کی جانب سے منعقد سالانہ امتحانات میں نمایاں پوزیشن حاصل کرنے والے طلبہ و طالبات میں ایوارڈز تقسیم کرنے کی تقریب سے بطور مہمان خصوصی خطاب کرتے ہوئے مزید کہا کہ بچوں نے ٹاپ پوزیشن حاصل کرکے اپنے والدین کا سر فخر سے اونچا کیا۔
ان کا کہنا تھا کہ پنجاب بورڈ نے تاریخی اقدام کیئے ہیں، بورڈ سسٹم کو بہتر بنانے میں حکومت پنجاب نے مثالی اقدام کیئے، وزیر اعلیٰ پنجاب کا اسکالر شپ پروگرام طلبہ و طالبات کیلئے بہت اِہم ہے، ایسے اقدامات کسی اور صوبے میں دیکھنے کو نہیں ملتے۔
انہوں نے کہا کہ آج ہماری قوم کو گمراہ کیا جا رہا ہے، کوئی ڈوب رہا ہے تو لوگ مدد کی بجائے بے حس ہوکر ویڈیو بنا رہے ہوتے ہیں، سنی سنائی باتوں پہ عمل نا کریں، عقل سے کام لینا بنیادی اصول ہے، شعور کے ساتھ، علم کے ساتھ، پاکستان کا نام روشن کرنا ہے۔
حنیف عباسی نے کہا کہ ہمارے اساتذہ اور یونیورسٹیز بہت بہتر ہیں، نجی تعلیمی اداروں سے، جس طرح ریلوے کا محکمہ ڈیجٹیل ہوا اسی طرح اس امتحان کا رزلٹ بھی آن لائن بنا دیا گیا ہے، جو ریفارم تعلیم پر ہوئی اس کا کریڈٹ وزیر اعلی پنجاب مریم نواز کو جاتا ہے۔
وفاقی وزیر نے کہا کہ میرے حلقے میں 14 کالجز ہیں دو اسکولوں کو مزید کالجز بنایا جائے گا،ان اسکولوں کو انٹرنیشنل لیول پر لے کے جایا جائے گا۔
وزیر اعظم نے نیشنل ٹیرف کمیشن کی ہنگامی بنیادوں پر تنظیم نو کی ہدایت کردی