شب برات پر انتظامیہ کی جانب سے کوئی کام نہیں کیا گیا،صابر قائمخانی
اشاعت کی تاریخ: 14th, February 2025 GMT
حیدرآباد(اسٹاف رپورٹر))ایم کیو ایم کے حق پرست رکن سندھ اسمبلی انجینئر صابر حسین قائم خانی نے شب برات کے موقع پر بلدیاتی نمائندوں و انتظامیہ کی جانب سے قبرستانوں، مزارات اور مساجد کے باہر خاطر خواہ صفائی روشنی اور راستوں کی مرمت کے انتظامات نہ کیے جانے پر افسوسناک عمل قرار دیا ہے، روایات کے مطابق قبرستان مساجد اور مزارات کے باہر صفائی روشنی اور راستوں کی بہتری کا کام کیا جاتا ہے لیکن نشاندہی کے باوجود کوئی کام نہیں کیا گیا اور صرف
کاغذی کاروائی اور فوٹو سیشن کے ذریعے کارکردگی دکھائی گئی ہے اور بلدیاتی نمائندے و انتظامیہ بروقت کام نہیں کر سکے ،آج حیدرآباد شہر اور اطراف کے ایک درجن سے زائد قبرستان موجود ہیں اور وہ ناقص انتظامات کی بنا ءپر اجاڑ و گندے راستوں سے اٹے پڑے ہیں، انہوں نے کہا کہ ان قبرستانوں میں ٹنڈو یوسف، بھٹی گوٹھ قبرستان،گدی قبرستان، نارا جیل قبرستان، ہوسٹری قبرستان،لطیف آباد نمبر 12 پہاڑی قبرستان، 9 نمبر،8 نمبر لطیف آباد قبرستان، جی او آر قبرستان سمیت تمام قبرستان کے اندر اور اطراف کے راستے خراب اور روشنی صاف پانی کا انتظام نہ ہونے کے برابر ہے ،ماضی میں حق پرست ضلعی نظامت کے دور میں حیدرآباد کے تمام بڑے قبرستانوں میں ہائی ماسک ٹاور لگائے گئے تھے جنکی وجہ سے قبرستان میں خاطر خواہ روشنی ہو جاتی تھی قبرستانوں کے راستے و دیواریں تعمیر کی گئی تھیں لیکن ان موجودہ بلدیاتی نمائندوں کے دور میں فنڈز ہونے کے باوجود کام نہیں کروایا گیا۔حق پرست رکن سندھ اسمبلی انجینئر صابر حسین قائم خانی نے مطالبہ کیا کہ اس غفلت میں ملوث بلدیاتی نمائندوں و ذمہ داران کے خلاف سخت کارروائی کی جائے۔
ذریعہ: Jasarat News
کلیدی لفظ: کام نہیں
پڑھیں:
پی ٹی آئی کوئی تحریک چلانے کی پوزیشن میں نہیں، انہیں کچھ نہیں ملے گا، رانا ثناء اللّٰہ
---فائل فوٹووزیرِ اعظم کے مشیر برائے سیاسی امور رانا ثناء اللّٰہ نے کہا ہے کہ پی ٹی آئی کوئی تحریک چلانے کی پوزیشن میں نہیں، انہیں کچھ نہیں ملے گا۔
فیصل آباد میں نماز عید کی ادائیگی کے بعد میڈیا سے گفتگو کرتے ہوئے رانا ثناء اللّٰہ کا کہنا تھا کہ اپوزیشن وزیراعظم شہباز شریف کی ملاقات کی پیشکش کو قبول کرے، ہمارے ساتھ بیٹھے اور الیکشن قوانین میں ترامیم کرے، عمران خان قومی مسائل کو اپنی رہائی سے مشروط کرتے ہیں تو یہ ان کے لیے خسارے کا سودا ہوگا۔
انہوں نے کہا کہ پاکستان کی خوشحالی کا ہمارے آبا و اجداد کا خواب آج پورا ہوتے نظر آرہا ہے، حکومت کے دلیرانہ فیصلوں کی وجہ سے پاکستان معاشی طور پر خوشحال ہو رہا ہے۔
انہوں نے کہا کہ گزشتہ ماہ بھارت نے پاکستان پر بغیر کسی وجہ کے حملہ کیا، پاکستان نے بھارت کو ایسا جواب دیا کہ وہ آج دنیا میں ذلیل ہو رہا ہے، پاکستان آج دنیا میں ایک مضبوط ملک کے طور پر جانا جارہا ہے۔
وزیرِ اعظم کے مشیر برائے سیاسی امور رانا ثناء اللّٰہ نے کہا ہے کہ سندھ کو کوئی نقصان نہیں پہنچے گا، سندھ کا ایک بوند بھی پانی چوری کا ارادہ نہیں۔
ان کا کہنا تھا کہ مودی کی سیاست مسلمان اور پاکستان دشمن ہے، نریندر مودی کے ہوتے ہوئے ہندوستان کے عزائم ٹھیک نہیں ہوسکتے، بھارت پاکستان پر دوبارہ حملہ کرنے کی ہمت نہیں کرے گا۔
رانا ثناءاللّٰہ نے کہا کہ پاکستان کو درپیش مسائل پر قومی اتفاق رائے پیدا کیا جانا چاہیے، اپوزیشن 24 کروڑ عوام کے مسائل کے حل کے لیے ہمارے ساتھ بات کرے، معاشی خوشحالی ہر فرد کا مسئلہ ہے، اپوزیشن پہلے میثاق معیشت کرے، اس کے بعد سیاست سمیت دیگر مسائل پر بھی بات ہوجائے گی۔
وزیرِاعظم کے مشیر نے مزید کہا کہ میثاق معیشت ذاتی نہیں ایک قومی مسئلہ ہے، اپوزیشن کو مذاکرات کی دعوت قومی معاملات پر دے رہے ہیں، قومی معاملات حل ہوجائیں تو دیگر مسائل کے حل کا بھی راستے نکل سکے گا۔
ن لیگ کے رہنما نے کہا کہ بانی پی ٹی آئی سے ملاقات نہیں ہوتی تو یہ حکومت پر الزام لگادیتے ہیں، پی ٹی آئی اس وقت کوئی تحریک چلانے کی پوزیشن میں نہیں، یہ جو تحریک شروع کرنے جارہے ہیں ان کو اس سے کچھ نہیں ملے گا۔
ڈیرہ غازی خان میں پنجاب پولیس کی کامیاب کارروائی، 4خوارجی دہشت گرد ہلاک