پنکج ترپاٹھی کی تصویر پولیس کے ’’وانٹڈ بورڈ‘‘ پر؛ ماجرا کیا ہے؟
اشاعت کی تاریخ: 15th, February 2025 GMT
بالی ووڈ کے نامور اداکار پنکج ترپاٹھی نے اپنے کیریئر کے ابتدائی دنوں کا ایک دلچسپ واقعہ شیئر کیا ہے، جب ان کی تصویر پولیس اسٹیشن کے ’’وانٹڈ بورڈ‘‘ پر لگ گئی تھی۔
اداکار کے مطابق یہ واقعہ اس وقت کا ہے جب سوشل میڈیا کا وجود نہیں تھا، اور اداکاروں کو خود کو پروموٹ کرنے کے لیے کاسٹنگ ایجنسیوں پر انحصار کرنا پڑتا تھا۔
پنکج ترپاٹھی نے ایک انٹرویو میں بتایا کہ اس وقت اداکاروں کو خود کو متعارف کروانے کےلیے گتے کے کارٹن استعمال کرنے پڑتے تھے۔ انہوں نے کہا، ’’ہر کوئی اپنی تصاویر ان کارٹنوں میں لگا سکتا تھا، اور دن کے اختتام پر یہ کارٹن اسسٹنٹ کے دفتر میں بھیج دیے جاتے تھے۔ میں نے بھی اپنی بہت سی تصاویر ایسے کارٹن میں ڈالی تھیں۔‘‘
پنکج نے بتایا کہ ایک بار ان کے دوست کو ایک کرائم شو میں کاسٹ کیا گیا، جس میں تھانے کا سیٹ اپ تھا۔ ان کے دوست نے انہیں بلایا اور کہا، ’’دیکھو، وانٹڈ بورڈ پر تمہاری تصویر لگی ہوئی ہے۔‘‘
ترپاٹھی نے بتایا کہ ’’جب میں نے اپنی تصویر وانٹڈ بورڈ پر دیکھی، تو میں حیران رہ گیا کہ یہ کیسے ہوا ہے؟ پھر مجھے یاد آیا کہ میں نے اپنی بہت سی تصاویر ایجنسیوں کے دفتر میں چھوڑی تھیں۔ آرٹ ڈپارٹمنٹ کو جب ’وانٹڈ بورڈ‘ کےلیے کسی چور یا گینگسٹر کی تصاویر کی ضرورت پڑی، تو انہوں نے میری تصاویر استعمال کرلیں۔‘‘
پنکج ترپاٹھی حال ہی میں بلاک بسٹر فلم ’’استری 2‘‘ میں نظر آئے، جس نے باکس آفس پر کامیابی کے تمام ریکارڈ توڑ دیے۔ ان کی اداکاری کو نہ صرف مداحوں بلکہ ناقدین کی طرف سے بھی بہت سراہا گیا۔
.ذریعہ: Daily Mumtaz
پڑھیں:
پی سی بی نے بنگلادیش کی ٹرائی سیریزکی آفر مسترد کردیll
data-id="863a0a8" data-element_type="widget" data-widget_type="theme-post-content.default">
لاہور: پاکستان کرکٹ بورڈ (پی سی بی) نے دسمبر میں مجوزہ بنگلادیش میں ٹی ٹوئنٹی ٹرائی سیریز میں شرکت کی پیشکش مسترد کر دی ہے۔ ذرائع کے مطابق بنگلادیش کرکٹ بورڈ نے پی سی بی کو دعوت دی تھی کہ وہ تین ملکی سیریز میں حصہ لے، جس میں سری لنکن ٹیم کو بھی شامل کیا جانا تھا۔
تاہم پی سی بی حکام نے کھلاڑیوں کے مصروف شیڈول اور ورک لوڈ کو مدِنظر رکھتے ہوئے اس تجویز کو قبول نہ کرنے کا فیصلہ کیا۔ ذرائع کا کہنا ہے کہ قومی ٹیم کے اہم کھلاڑی، جن میں شاہین شاہ آفریدی، بابراعظم اور دیگر سینئر کرکٹرز شامل ہیں، دسمبر کے دوران آسٹریلیا میں ہونے والی بِگ بیش لیگ میں شرکت کے لیے پہلے ہی معاہدے کر چکے ہیں۔
پی سی بی کا مؤقف ہے کہ کھلاڑیوں کو آرام دینا اور ان کی فٹنس برقرار رکھنا مستقبل کی سیریز اور بین الاقوامی ٹورنامنٹس کے لیے ضروری ہے، لہٰذا اس وقت کسی اضافی سیریز میں شرکت ممکن نہیں۔
اسرائیل سے متعلق نئے پاسپورٹ ڈیزائن پر پروپیگنڈا، ڈی جی پاسپورٹ نے سینیٹ میں وضاحت پیش کردی