20ویں چولستان ڈیزرٹ جیپ ریلی کے دوسرے روز کاآغاز
اشاعت کی تاریخ: 15th, February 2025 GMT
سی بی ڈی پنجاب کے تعاون سے ٹی ڈی سی پی کے زیر اہتمام 20ویں چولستان ڈیزرٹ جیپ ریلی کے دوسرے روز کا شاندار آغاز ہو گیا۔سی او او سی بی ڈی پنجاب برگیڈیئر (ر) منصور جنجوعہ اور دیگر اعلیٰ افسران فلیگ آف میں شریک ہوئے ، ریلی میں سٹاک کیٹیگری اے، بی، سی، ڈی میں79ریسرز بھرپور شرکت کر رہے ہیں،سی بی ڈی پنجاب کی ریسنگ ٹیم بھی سٹاک کیٹیگری اے اور بی میں میدان میں اپنی مہارت دکھائیں گے۔ ریسرز کو تقریباً250کلومیٹر کا فاصلہ کم سے کم وقت میں طے کرنا ہے،پچھلے سال کے چیمپئن بلال چوہدر ی اپنے ٹائٹل کے دفاع کے لیے تیار ہیں جبکہ محمد اللہ مروت، عقیل احمد، آصف امام، سعید شاہوانی اور حاتم وڑائچ کے درمیان سخت مقابلے کی توقع ہے۔سی بی ڈی پنجاب ریسنگ ٹیم میں تجربہ کار ریسرز عقیل احمد، حاتم وڑائچ اور عثمان ندیم شامل ہیں، دوسرے دن کی تمام گاڑیاں ٹریک پر جا چکی ہیں، چولستان جیپ ریلی میں ایران سے بین الاقوامی ریسرز اور خواتین ڈرائیورز نے بھی شرکت کی،سیاحت کے فروغ میں اہم سنگ میل ہے۔سی او او سی بی ڈی پنجاب برگیڈیئر (ر) منصور جنجوعہ کا کہنا ہے کہ چولستان جیپ ریلی ایک تہوار کی صورت اختیار کر چکی ہے، اس سے جنوبی پنجاب اور پورے صوبے کے وقار میں اضافہ ہوا ہے، سی بی ڈی پنجاب اور ٹی ڈی سی پی سیاحت کے فروغ کے لیے مسلسل کام کر رہے ہیں۔
.ذریعہ: Nawaiwaqt
کلیدی لفظ: سی بی ڈی پنجاب
پڑھیں:
صدر زرداری کی70ویں سالگرہ آج منائی جائیگی
اسلام آباد‘لاہور (نمائندہ خصوصی‘نامہ نگار )صدر آصف علی زرداری کی70ویں سالگرہ آج اورملک بھرمیں تقریبات منائی جائے گی اور کیک بھی کاٹے جائیںگے۔ اس سلسلے میں اسلام آباد میں شہید بھٹو فاؤنڈیشن کے زیر اہتمام زیبسٹ اسلام آباد میں تقریب منعقد ہوگی ۔سید نیر حسین بخاری نے پیپلز پارٹی نے کہا کہ صدر مملکت مرد فہم و فراست آصف علی زرداری کی سالگرہ پر تمام جیالوں چیئرمین بلاول بھٹو زرداری آصفہ بھٹو زرداری بختاور بھٹو زرداری کو مبارکباد دیتے ہیں۔سابق وزیر اعظم،پیپلز پارٹی وسطی پنجاب کے صدر راجہ پرویز اشرف جبکہ مہمان خصوصی گورنر پنجاب سردار سلیم حیدر خان اور جنرل سیکرٹری پی پی وسطی پنجاب سید حسن مرتضی ہوں گے۔تقریب میں صدر آصف علی زرداری کا کیک بھی کاٹا جائیگا۔
وزیراعظم کی بلوچستان میں بس کے مسافروں کے اغوا اور قتل کی مذمت