کچے میں دریائے سندھ پر تعمیر کیے گئے بچائو بند کا افتتاح
اشاعت کی تاریخ: 18th, February 2025 GMT
سکھر (نمائندہ جسارت) صوبائی وزیر منصوبہ بندی ، ترقیات و توانائی سید ناصر حسین شاہ، ایم این اے نعمان اسلام شیخ، چیئرمین ڈسٹرکٹ کونسل سکھر سید کمیل حیدر شاہ اور ڈپٹی کمشنر سکھر ڈاکٹر ایم بی راجا دہاریجو نے یونین کونسل نوراجا کے کچے میں دریائے سندھ پر تعمیر کیے گئے بچاؤ بند کا افتتاح کیا۔ اس موقع پر افتتاحی تقریب سے خطاب کرتے ہوئے صوبائی وزیر سید ناصر حسین شاہ نے کہا کہ ہر سال جب سیلاب آتا ہے تو یہاں کے لوگوں کو شدید مشکلات کا سامنا کرنا پڑتا ہے اور ان کا بہت زیادہ نقصان ہوتا ہے، جس کی وجہ سے مقامی آبادی بری طرح متاثر ہوتی ہے، اسی لیے دریائے سندھ کی جھیل پر بند تعمیر کر کے ایک راستہ بنایا گیا ہے تا کہ سیلاب کے دوران یہاں کے لوگ متاثر نہ ہوں۔ انہوں نے مزید کہا کہ یونین کونسل نوراجا، پنہوار، سدھوجا اور سانگی کے رہائشی ہر سال سیلاب کی تباہ کاریوں کا شکار ہوتے تھے، لیکن اس بند کی تعمیر سے انہیں فائدہ پہنچے گا۔ صوبائی وزیر نے مزید کہا کہ کچے میں کئی سڑکیں تعمیر کی جا چکی ہیں اور مزید سڑکوں کی تعمیر کے لیے بھی کوششیں جاری ہیں تا کہ یہاں کے رہائشیوں کو سہولیات فراہم کی جا سکیں۔ انہوں نے کہا کہ ہم اسکول، اسپتال اور سڑکوں کی تعمیر پر کام کر رہے ہیں اور ہمارے کئی منصوبے جاری ہیں۔ پاکستان پیپلز پارٹی کی ہمیشہ سے یہ کوشش رہی ہے کہ سندھ کے عوام کو زیادہ سے زیادہ سہولیات فراہم کی جائیں۔ انہوں نے کہا کہ جن علاقوں میں سڑکوں کے کام باقی ہیں، انہیں بھی جلد مکمل کیا جائے گا۔ سید ناصر حسین شاہ مزید نے کہا کہ کچے کے علاقوں میں بجلی کی سہولت نہیں ہے۔ انہوں نے کہا کہ پاکستان پیپلز پارٹی کی سندھ حکومت نے سولرائزیشن پروگرام شروع کیا ہے، اس پر کام جاری ہے اور کچے کے لوگوں کو سولر سسٹم فراہم کیے جائیں گے تا کہ انہیں بجلی کی سہولت میسر آ سکے۔
.ذریعہ: Jasarat News
پڑھیں:
سندھ میں گاڑیوں کی نمبر پلیٹس بنوانے کی تاریخ میں مزید 2 ماہ کی توسیع
سندھ میں گاڑیوں کی نمبر پلیٹس کی تبدیلی میں مزید 2 ماہ کا اضافہ کر دیا گیا۔محکمہ ایکسائز، ٹیکسیشن و نارکوٹکس کنٹرول سندھ نے گاڑیوں کی نمبر پلیٹس کی تبدیلی کی تاریخ میں توسیع کے حوالے سے باقاعدہ نوٹیفیکیشن بھی جاری کر دیا ہے۔نئے جاری نوٹیفکیشن کے مطابق نئی جدید سکیورٹی فیچرڈ نمبر پلیٹس کی آخری تاریخ اب 31 دسمبر 2025 ہے۔واضح رہے کہ سندھ میں اجرک والی نمبر پلیٹس کی ڈیڈ لائن 31 اکتوبر کو ختم ہو چکی ہے۔دوسری جانب محکمہ ایکسائز کا بتانا ہے کہ سندھ بھر میں تقریباً 65 لاکھ موٹر سائیکلیں رجسٹرڈ ہیں، صرف کراچی میں یہ تعداد 33 لاکھ سے تجاوز کر چکی ہے۔بیشتر شہری موٹر سائیکلیں خرید تو لیتے ہیں لیکن انہیں اپنے نام رجسٹرڈ نہیں کرواتے، بلکہ اوپن لیٹر پر ہی استعمال کرتے ہیں جو قانوناً جرم ہے۔
راولپنڈی میں استاد کا طالبعلم پر تشدد، کتاب نہ لانے پر بازو توڑ دیا