بلاول زرداری کے قتل کی سازش کا مقدمہ، غلام مرتضیٰ جتوئی گرفتار
اشاعت کی تاریخ: 18th, February 2025 GMT
نواب شاہ(نمائندہ جسارت) پاکستان پیپلزپارٹی کے چیئرمین بلاول زرداری کے قتل کی سازش کے مقدمے میں سابق وفاقی وزیر غلام مرتضیٰ جتوئی گرفتار کرلیا گیا۔ میڈیا رپورٹس کے مطابق سندھ میں پیپلزپارٹی مخالف اپوزیشن اتحاد گرینڈ ڈیموکریٹک الائنس (جی ڈی اے ) کے رہنماء اور سابق وفاقی وزیر غلام مرتضیٰ جتوئی کو گرفتار کرلیا گیا ہے، پولیس کا کہنا ہے کہ غلام مرتضیٰ جتوئی پر گزشتہ عام انتخابات کے دوران پولنگ اسٹیشن پر فائرنگ کرکے بلاول زرداری کے قتل کی سازش کا مقدمہ درج ہے۔بتایا گیا ہے کہ غلام مرتضیٰ جتوئی کو عدالت میں غیرحاضری کی بنیاد پر حراست میں لیا گیا کیوں کہ ان کے خلاف قتل کی سازش کا کیس زیر سماعت ہے تاہم وہ مسلسل عدالت میں پیش نہیں ہو رہے تھے جس کی وجہ سے غلام مرتضیٰ جتوئی کے خلاف ناقابل ضمانت وارنٹ موجود تھے، جس کی بنیاد پر کارروائی عمل میں لائی گئی، انہیں 27 فروری کو انسداد دہشت گردی کی عدالت میں پیش کیا جائے گا۔غلام مرتضٰی جتوئی کے چھوٹے بھائی اور سابق صوبائی وزیر مسرور جتوئی نے تھانہ کے باہر میڈیا سے گفتگو کرتے ہوئے کہا کہ بھائی کی گرفتاری کی اطلاع پر یہاں پہنچا ہوں ،بھائی سے ملاقات کی ہے ،وہ خیریت سے ہیں بھائی پر عائد الزامات بے بنیاد ہیں، تمام الزامات کا عدالت میں سامنا کرینگے۔مسرور جتوئی کا مزید کہنا تھاکہ ہمیں آصف علی زرداری کے کہنے پرسیاسی انتقام کا نشانہ بنایا جارہا ہے،آصف علی زرداری پر جب مشکل وقت تھا ہم نے انکی مدد کی،فریال ٹالپر جب ضلعی ناظمہ تھی مشکل وقت میں ہمارے پاس جب بھی زرداری آئے ہم نے مدد کی،پیپلز پارٹی کے دور حکومت میں افسران اپنے اختیارات کی تعمیل کے لیے بھی حکم کے محتاج ہیں ،ہم بھی حکومت میں رہے والد وزیراعظم رہے مگر کسی کے خلاف ہم نے انتقامی سیاست نہیں کی،آصف زرداری کہتے ہیں کہ ہم نے کسی کو انتقامی سیاست کا نشانہ نہیں بنایا زرداری صاحب اگر انتقام کا نشانہ نہیں بنایا تو پھر یہ کیا ہے ،ہم نے ہمیشہ صاف ستھری سیاست کی ہے وہ ہم کرتے رہیں گے کسی کی غلامی نہیں کریں گے، اگر سارے خاندان کو بھی جیل میں ڈال دیا جائے تو ہمیں کوئی ڈر نہیں ہے کی۔
.ذریعہ: Jasarat News
کلیدی لفظ: قتل کی سازش غلام مرتضی زرداری کے عدالت میں
پڑھیں:
حب ڈیم کی نئی کینال کا کام مکمل، افتتاح 14 اگست کو کرینگے، میئر کراچی
اپنے ایکس پیغام میں مرتضیٰ وہاب نے کہا کہ حب ڈیم کی نئی کینال کا کام 9 ماہ میں مکمل کیا گیا ہے، کراچی کو سہولتوں کی فراہمی اولین ترجیح ہے۔ اسلام ٹائمز۔ میئر کراچی بیرسٹر مرتضیٰ وہاب کا کہنا ہے کہ حب ڈیم کی 100 ایم جی ڈی کی نئی کینال کا کام مکمل کر لیا گیا۔ میئر کراچی بیرسٹر مرتضیٰ وہاب نے اپنے ایکس اکاؤنٹ پر پیغام میں کہا ہے کہ حب ڈیم کی نئی کینال کا افتتاح 14 اگست کو کریں گے، سندھ حکومت کے تعاون سے 12.8 ارب روپے کی لاگت سے یہ کینال بنائی گئی ہے۔ میئر کراچی مرتضیٰ وہاب نے کہا ہے کہ حب ڈیم کی نئی کینال کا کام 9 ماہ میں مکمل کیا گیا ہے، کراچی کو سہولتوں کی فراہمی اولین ترجیح ہے۔ انہوں نے کہا کہ بلاول بھٹو کے وژن کے مطابق پانی کی سپلائی بہتر کرنے کیلئے اقدامات کر رہے ہیں۔
برازیل حکومت سابق صدر کو چھوڑ دے یا 50 فیصد ٹیکس دے: ٹرمپ کی بلیک میلنگ