نہتے شہریوں کو نقصان پہنچانے والوں کو بھاری قیمت چکانا پڑے گی: وزیراعظم
اشاعت کی تاریخ: 19th, February 2025 GMT
اسلام آباد(ڈیلی پاکستان آن لائن) وزیراعظم شہباز شریف نے کہا ہے کہ نہتے شہریوں کو نقصان پہنچانے والوں کو بھاری قیمت چکانا پڑے گی۔
نجی ٹی وی چینل دنیا نیوز کے مطابق اپنے ایک بیان میں وزیراعظم شہباز شریف نے بلوچستان کے شہر بارکھان کے علاقے رڑکن میں دہشت گردوں کی جانب سے مسافروں کو بس سے اتار کر قتل کرنے کی شدید مذمت کی اور جاں بحق افراد کے لواحقین سے اظہار تعزیت کیا ہے۔
شہباز شریف نے مجرمان کو جلد از جلد کیفر کردار تک پہنچانے کی بھی ہدایت کی۔وزیراعظم نے کہا کہ نہتے اور معصوم شہریوں کی جان و مال کو نقصان پہنچانے والوں کو بھاری قیمت ادا کرنی پڑے گی، معصوم شہریوں کی قربانیاں ہرگز رائیگاں نہیں جانے دیں گے، حکومت اور سکیورٹی فورسز ملک سے دہشتگردی کے مکمل سدباب کیلئے سرگرم عمل ہیں۔
بارکھان ، کوئٹہ سے فیصل آباد جانیوالی بس سے 7 مسافروں کو اتار کر قتل کر دیا گیا
دوسری جانب صدر مملکت آصف علی زرداری نے واقعے کی مذمت کرتے ہوئے کہا کہ بے گناہ افراد کا قتل بزدلانہ اور گھناؤنا عمل ہے۔
صدر مملکت آصف علی زرداری نے کہا کہ دہشتگرد عناصر امن اور انسانیت کے دشمن ہیں اور بلوچستان کا امن سبوتاژ کرنا چاہتے ہیں، انہوں نے مجرمان کو جلداز جلد کیفر کردار تک پہنچانے کی ہدایت کی اور جاں بحق افراد کیلئے مغفرت و لواحقین کیلئے صبرواستقامت کی دعا کی۔
واضح رہے کہ بلوچستان کے شہر بارکھان کے علاقے رڑکن میں مسلح افراد نے شناختی کارڈ دیکھنے کے بعد بس سے اتار کر 7 مسافروں کو قتل کیا، جاں بحق افراد کا تعلق پنجاب کے مختلف شہروں سے ہے۔
آسٹریلیا؛ ای بائیک بیٹری دھماکے سے پھٹ گئی، آتشزدگی سے پاکستانی نوجوان جاں بحق
مزید :.ذریعہ: Daily Pakistan
پڑھیں:
صدر مملکت اور وزیراعظم کی عیدالاضحیٰ کے موقع پر قوم کو مبارکباد
اسلام آباد ( نیوزڈیسک) صدر مملکت اور وزیراعظم کی جانب سے قوم اور عالم اسلام کو عید کی دلی مبارکباد پیش کی گئی۔
اپنے پیغام میں صدر مملکت آصف علی زرداری نے کہا کہ یہ دن ہمارے ایمان، قربانی، ایثار اور بھائی چارے کے جذبے کو ازسر نو زندہ کرنے کا دن ہے، ہمیں بطورقوم ایک دوسرے کا سہارا بن کر پاکستان کو ایک عظیم اور خوشحال ملک بنانا ہے۔
ان کا کہنا تھا کہ دعا ہے کہ اللہ اس دن کو ہمارے ملک اور پوری امت مسلمہ کیلئے خیرو برکت، اتحاد اور خوشحالی کا ذریعہ بنائے۔
وزیراعظم شہبازشریف
وزیراعظم شہباز شریف نے اپنے پیغام میں کہا کہ عیدالاضحیٰ کا پیغام صرف جانور کی قربانی تک محدود نہیں، یہ اپنے نفس، خواہشات اور مفادات کو اعلیٰ مقاصد کیلئے قربان کرنے کا درس دیتا ہے، پاکستان ترقی کی راہ پرگامزن ہے، قربانی اور اتحاد کے جذبے کی ضرورت ہے، قربانی کا جذبہ ہی پاکستان کی تقدیر بدل سکتا ہے۔
ان کا کہنا تھا کہ ہمیں آج کے دن فلسطینی بھائیوں اور بہنوں کو بھی یاد رکھنا چاہیے جو ایک بے رحمی، غیرانسانی مظالم اور بھوک کا شکار ہیں۔
مریم نواز شریف
وزیراعلیٰ پنجاب مریم نواز شریف نے بھی عیدالاضحیٰ کی قوم کو مبارکباد پیش کرتے ہوئے کہا کہ اللہ تعالیٰ نے آپریشن بنیاں مرصوص کی کامیابی کے بعد عیدالاضحیٰ کی خوشیاں بھی عطا کیں۔
ان کا کہنا تھا کہ آپریشن بنیان مرصوص اور فتنہ الہندوستان کے حملوں کے دوران جان کی قربانی پیش کرنے والوں کو نہیں بھول سکتے۔
بلاول بھٹو زرداری
چیئرمین پاکستان پیپلزپارٹی بلاول بھٹو زرداری نے قوم کو مبارکباد پیش کرتے ہوئے کہا کہ عیدالاضحیٰ ایثار، ہمدردی اور یکجہتی کا پیغام دیتی ہے، یہ دن ہمیں ایک پُرامن اور منصفانہ معاشرے کی طرف لے جاتا ہے، ذاتی مفادات کو اجتماعی بھلائی کیلئے قربان کرنا ہی عید کا پیغام ہے۔
ان کا کہنا تھا کہ عید کے موقع پر غریبوں اور ناداروں کو ہرگز نہ بھولیں، غربت، موسمیاتی تباہی یا تنازعات کے شکار علاقوں کو یاد رکھیں، ہم ایک مساوات پر مبنی فلاحی پاکستان کیلئے پُرعزم ہیں، کوئی پاکستانی معاشی وجہ سے پیچھے نہ رہ جائے، یہی ہمارا مشن ہے، اللہ کرے یہ عید دلوں کو سکون، قوم کو وحدت اور آپ کے گھروں کو خوشیوں سے بھر دے۔
محسن نقویوفاقی وزیر داخلہ محسن نقوی نے اپنے پیغام میں کہا کہ عید کا دن خوشی کا دن ہے، نفرتیں ختم کر کے محبتیں بانٹیں، قربانی صرف جانور ذبح کرنے کا نام نہیں اپنے مفادات کی قربانی ہی اصل قربانی ہے۔
انہوں نے کہا کہ قوم نے جس طرح آپریشن معرکۂ حق میں مثالی اتحاد اور قربانی کا مظاہرہ کیا، وہ قابل تحسین ہے، 10 مئی کو قوم نے جس سیسہ پلائی دیوار کی طرح مسلح افواج کے ساتھ کھڑے ہو کر یکجہتی دکھائی، وہ ہماری تاریخ کا روشن باب ہے۔
فیصل کریم کنڈیگورنر خیبر پختونخوا فیصل کریم نے قوم کو مبارکباد دیتے ہوئے کہا کہ عیدالاضحیٰ ایثار، قربانی، خلوص اور انسانیت کے جذبے کی تجدید کا دن ہے۔
انہوں نے کہا کہ عید کی خوشیوں میں غریب، نادار اور مستحق افراد کو بھی شریک کریں، عید کے ایام ہمیں باہمی اخوت، ہمدردی اوراتحاد و یگانگت کا پیغام دیتے ہیں۔
سردار ایاز صادقسپیکر قومی اسمبلی سردار ایاز صادق نے قوم اور امت مسلمہ کو عیدالاضحیٰ کی دلی مبارکباد پیش کرتے ہوئے کہا ہے کہ یہ عظیم دن ہمیں قربانی، ایثار، اطاعت اور اتحاد کا درس دیتا ہے، حضرت ابراہیمؑ و اسماعیلؑ کی قربانی انسانیت کیلئے مشعل راہ ہے، اور اللہ کی رضا کیلئے ہر قسم کی قربانی پر آمادگی ہمارا دینی فریضہ ہے۔
ان کا کہنا تھا کہ عید کی خوشیاں مستحقین، کمزور طبقات اور شہداء کے اہل خانہ کے ساتھ بانٹنا اصل اسلامی تعلیمات کا تقاضا ہے۔
مراد علی شاہ وزیراعلیٰ سندھ سید مراد علی شاہ نے عیدالاضحیٰ کے موقع پر مسلم اُمہ بالخصوص پاکستان اور سندھ کے عوام کو دلی مبارکباد پیش کی ہے۔
انہوں نے اپنے پیغام میں عوام سے اپیل کی کہ عید کی خوشیوں میں غریبوں، یتیموں، بیواؤں اور مستحق افراد کو ضرور شریک کیا جائے، تاکہ یہ خوشیاں حقیقی معنوں میں پوری قوم کیلئے بن سکیں۔
Post Views: 5
بنارس کی تاریخی اور مسلم اکثریتی بازار کے انہدام پر کورٹ سے راحت