کراچی: سہراب گوٹھ کےقریب نامعلوم گاڑی کی ٹکر سے 14 سالہ بچہ جاں بحق
اشاعت کی تاریخ: 19th, February 2025 GMT
کراچی کے علاقے سہراب گوٹھ الآصف اسکوائر کے قریب نامعلوم گاڑی کی ٹکر سے 14 سالہ بچہ جاں بحق ہوگیا۔
تفصیلات کے مطابق سچل کے علاقے سہراب گوٹھ الآصف اسکوائر کے قریب نامعلوم گاڑی کی ٹکر سے 14 سالہ راہگیر بچہ جاں بحق ہوگیا ۔جاں بحق ہونے والے بچے کی لاش چھیپا ایمبولینس کے ذریعے عباسی شہید اسپتال منتقل کی گئی۔
پولیس کے مطابق جاں بحق ہونے والے بچے کے پاس سے ایسی کوئی چیز نہیں ملی جس سے اس کی شناخت کی جا سکے۔
پولیس نے ضابطے کی کارروائی کے بعد لاش شناخت ورثا کے لیے سردخانے منتقل کی۔
.ذریعہ: Express News
پڑھیں:
کراچی: منگھوپیر سلطان آباد سے 13 سالہ لڑکا اغوا
کراچی:منگھوپیر سلطان آباد سے 13 سالہ لڑکے آفتاب کے مبینہ اغواء کا انکشاف ہوا ہے۔ واقعے کا مقدمہ تھانہ منگھوپیر میں درج کر لیا گیا۔
مقدمہ مغوی لڑکے کے والد محمد بابر کی مدعیت میں درج کیا گیا جس میں انہوں نے بتایا کہ ان کا بیٹا آفتاب گھر کے قریب واقع "عمران آٹوز" پر مکینک کا کام سیکھنے جاتا تھا۔
مدعی کے مطابق گزشتہ صبح آفتاب دکان پر جانے کے لیے گھر سے نکلا لیکن شام کو ان کی اہلیہ نے فون کرکے اطلاع دی کہ آفتاب تاحال گھر واپس نہیں آیا۔
مدعی نے بتایا کہ دکان کے مالک عمران کے مطابق آفتاب صبح دکان پر آیا تھا لیکن دوپہر کے وقت پانی پینے قریبی مسجد گیا اور واپس نہیں آیا۔
ایف آئی آر میں مدعی نے الزام عائد کیا ہے کہ ان کے بیٹے کو نامعلوم ملزم یا ملزمان نے اغواء کیا ہے۔
پولیس کے مطابق مقدمہ درج کر کے لڑکے کی تلاش شروع کر دی گئی ہے اور تحقیقات جاری ہیں۔
پاکستان کا عالمی برادری سے مودی کے اشتعال انگیز بیانات کا لوٹس لینے کا مطالبہ