آئل ٹینکرز‘ گڈز ٹرانسپورٹ ایسوسی ایشنز کاحکومت کو 72گھنٹے کا الٹی میٹم
اشاعت کی تاریخ: 20th, February 2025 GMT
کراچی (اسٹاف رپورٹر) آئل ٹینکرز اور گڈز ٹرانسپورٹ ایسوسی ایشنز نے حکومت کو72 گھنٹے کا الٹی میٹم دیتے ہوئے مطالبہ کیا ہے کہ بلوچستان گڈز ٹرک ٹریلر اونرز ایسوسی ایشن کے مطالبات تسلیم کیے جائیں، ایسوسی ایشنز نے خبردار کیا کہ اگر مطالبات منظور نہ کیے گئے تو ملک بھر میں چاروں صوبوں کی اہم شاہراہوں کو بند کردیا جائے گا۔ احتجاج میں آئل ٹینکرز، ایڈیبل آئل ٹینکرز، آل پاکستان ٹرک ایسوسی ایشن، سندھ بلوچستان مزدا گڈز ٹرانسپورٹ، گڈز ٹرانسپورٹ ایسوسی ایشن، کار کیریئر، واٹر ٹینکرز، سندھ ڈمپر اور کراچی گڈز ٹرانسپورٹ ایسوسی ایشن شامل ہیں۔ ایسوسی ایشنز کا کہنا ہے اگر لوڈ ایکسل کی پابندی ختم نہ کی تو بلوچستان گڈز ٹرک ٹرالر اونر ایسوسی ایشن سے اظہار یکجہتی کرتے ہوئے چاروں صوبوں میں ہڑتال کر کے اہم شاہراہیں بند کردیں گے۔ ایسوسی ایشنز کے مطابق 10 وہیل کی گاڑی پر30 لاکھ کا خرچہ آتا ہے، پہلے ہی مالکان اپنی گاڑیاں اپ ڈیٹ کرواچکے ہیں، ایسے میں پابندیوں سے گاڑیاں کھڑی ہوجائیں گی اور مالکان اور مزدوروں کو معاشی نقصان ہوگا۔
.ذریعہ: Jasarat News
کلیدی لفظ: ایسوسی ایشنز آئل ٹینکرز
پڑھیں:
بلوچستان اور سندھ کے ساحلی علاقوں میں زلزلے کے جھٹکے
پاکستان کے ساحلی علاقوں میں آج شام دو مختلف مقامات پر معمولی شدت کے زلزلے کے جھٹکے محسوس کیے گئے جن میں تاحال کسی قسم کے جانی یا مالی نقصان کی اطلاع موصول نہیں ہوئی۔
پاکستان محکمہ موسمیات (PMD) کے مطابق پہلا زلزلہ شام 6 بج کر 39 منٹ 11 سیکنڈ پر آیا، جس کی شدت 3.0 ریکارڈ کی گئی۔ زلزلے کی گہرائی 10 کلومیٹر تھی اور اس کا مرکز بلوچستان کے ساحلی شہر گوادر سے 8 کلومیٹر شمال مغرب میں واقع تھا۔ زلزلے کے جھٹکے گوادر اور گرد و نواح کے علاقوں میں محسوس کیے گئے۔
پی ایم ڈی کے مطابق دوسرا زلزلہ اسی روز شام 7 بج کر 13 منٹ 14 سیکنڈ پر پیش آیا، جس کی شدت 3.1 تھی۔ اس زلزلے کا مرکز سندھ کے علاقے میرپور ساکرو سے 150 کلومیٹر جنوب مغرب میں تھا اور اس کی گہرائی بھی 10 کلومیٹر ریکارڈ کی گئی۔ یہ زلزلہ بھی معمولی نوعیت کا تھا اور کسی قسم کی تباہی یا خطرے کی اطلاع نہیں ملی۔
ماہرین ارضیات کے مطابق پاکستان کا جنوب مغربی ساحلی خطہ ٹیکٹونک پلیٹوں کے سنگم پر واقع ہونے کے باعث اکثر ہلکے یا درمیانے درجے کے زلزلوں کی زد میں آتا رہتا ہے۔
3 روزہ جنگ نے بھارتی قیادت کا غرور ملیا میٹ کردیا: احسن اقبال