چیمپئنزٹرافی: بنگلہ دیش کا بھارت کے خلاف مایوس کن آغاز، آدھی ٹیم 35 رنز پر پویلین لوٹ گئی
اشاعت کی تاریخ: 20th, February 2025 GMT
آئی سی سی چیمپئنز ٹرافی 2025 کے دوسرے میچ میں بنگلہ دیش نے بھارت کے خلاف مایوس کن آغاز کیا ہے، 35 رنز پر بنگلہ دیش کی آدھی ٹیم پویلین لوٹ گئی۔
دبئی میں کھیلے جانے والے میچ میں بنگلہ دیش نے ٹاس جیت کر پہلے بیٹنگ کا فیصلہ کیا اور پہلے ہی اوور میں اس کا پہلا کھلاڑی آؤٹ ہوگیا، اوپنر سومیا سرکار کوئی رن بنائے بغیر بھارتی فاسٹ باؤلر محمد شامی کی گیند پر وکٹ کیپر کے ایل راہول کے ہاتھوں کیچ آؤٹ ہوگئے۔
اگلے اوور میں 2 رنز کے مجموعی اسکور پر کپتان نجم الحسن شانتو بھی کھاتہ کھولے بغیر پویلین لوٹ گئے، ہرشت رانا کی گیند پر ویرات کوہلی نے ان کا کیچ لیا۔
ساتویں اوور کی دوسری گیند پر مڈل آرڈر بلے باز مہدی حسن میراز بھی صرف 5 رنز بنانے کے بعد 26 کے مجموعی اسکور پر وکٹ گنوا بیٹھے، محمد شامی کی گیند پر شبھمن گل نے ان کا کیچ تھاما۔
اس سے قبل ٹاس کے بعد گفتگو کرتے ہوئے بنگلہ دیش کرکٹ ٹیم کے کپتان نجم الحسن شانتو نے کہا کہ وکٹ بہت اچھی لگ رہی ہے، ہم اسکور بورڈ پر بڑا مجموعہ ترتیب دینے کی کوشش کریں گے، ہماری تیاریاں بہت اچھی ہیں، بی پی ایل کھیلنے کے بعد ہمارے کھلاڑی چیمپئنز ٹرافی کے لیے تیار ہیں۔
بھارت کے خلاف تیاریوں سے متعلق سوال پر انہوں نے کہا کہ ہم نے بھارت کے خلاف آخری سیریز جیتی تھی، ہم آج اچھی کرکٹ کھیلیں گے، مجھے امید ہے کہ کھلاڑی پورے اعتماد سے خود پر یقین کریں گے۔
نجم الحسن نے بتایا کہ انہوں نے آج 3 فاسٹ باؤلرز اور 2 اسپنرز کے ساتھ میدان میں اترنے کا فیصلہ کیا ہے۔
بھارتی کرکٹ ٹیم کے کپتان روہت شرما نے کہا کہ دبئی میں فلڈ لائٹس میں بیٹنگ کرنا آسان ہوتا ہے، ہم ٹاس جیتتے تو فیلڈنگ ہی کرتے، اب ہم باؤلنگ پر توجہ دیں گے اور دیکھتے ہیں کھیل کس طرف جاتا ہے۔
انہوں نے کہا کہ آئی سی سی کے ٹورنامنٹ کا ہر میچ اہم ہوتا ہے، مڑکر دیکھنے کی گنجائش ہوتی اور تمام ٹیمیں ایسا ہی سوچتی ہیں، انہوں نے بتایا کہ ٹیم میں دو تبدیلیاں کی گئی ہیں، ورون دھون کی جگہ روندر جدیجہ اور ہرشدیپ کی جگہ محمد شامی کو ٹیم میں شامل کیا گیا ہے۔
بھارتی اسکواڈ
بھارتی ٹیم کپتان روہت شرما، شبھمن گل، ویرات کوہلی، شریاس ائیر، اکسر پٹیل، کے ایل راہول، ہردک پانڈیا، روندر جدیجہ، ہرشھت رانا، محمد شامی اور کلدیپ یادیو پر مشتمل ہے۔
بنگلہ دیشی اسکواڈ
بنگلہ دیش کی ٹیم تنزید حسن، سومیا سرکار، کپتان نجم الحسن شنتو، توحید ہردوئے، مشفق الرحمٰن، مہدی حسن میراز، جاکر علی، تنظیم حسن ثاقب، تسکین احمد اور مستفیض الرحمٰن
ذریعہ: Daily Mumtaz
کلیدی لفظ: بھارت کے خلاف بنگلہ دیش نجم الحسن نے کہا کہ انہوں نے گیند پر
پڑھیں:
بھارت پاکستان کے خلاف سازشوں میں مصروف ہے : عطاء اللہ تارڑ
data-id="863a0a8" data-element_type="widget" data-widget_type="theme-post-content.default">
اسلام آباد : وفاقی وزیر اطلاعات عطاء اللہ تارڑ نے کہا ہے کہ بھارت اب بھی پاکستان کے خلاف سازشوں میں مصروف ہے، تاہم پاکستان نے عالمی سطح پر ایسی سفارتی کامیابیاں حاصل کی ہیں جنہیں پوری دنیا تسلیم کرتی ہے۔
اسلام آباد میں پاکستان کی سفارتی کامیابیاں کے موضوع پر منعقدہ سیمینار سے خطاب کرتے ہوئے وفاقی وزیر اطلاعات عطاء اللہ تارڑ نے کہا کہ پاکستان کے لیے سفارتی محاذ پر خدمات انجام دینے والے افسران کی قربانیاں اور کارنامے ہمیشہ یاد رکھے جائیں گے۔
ان کا کہنا تھا کہ پاکستان کی فارن سروس دنیا کی بہترین سروسز میں شمار ہوتی ہے، جس کی عظیم روایات اور پیشہ ورانہ مہارت پر قوم کو فخر ہے۔
وفاقی وزیر نے کہا کہ سفارت کاری ایک فن ہے جو صرف تعلیم سے نہیں بلکہ تجربے اور مستقل محنت سے آتا ہے اور ہمارے سفارت کاروں نے عالمی سطح پر پاکستان کا مثبت اور مؤثر کردار اجاگر کیا ہے۔
عطاء اللہ تارڑ نے کہا کہ پاکستان نے دہشت گردی کے خلاف بے پناہ قربانیاں دیں اور اس جنگ میں سب سے زیادہ نقصان بھی پاکستان نے اٹھایا۔
وزیر اطلاعات مزید نے کہا کہ پہلگام واقعے کے بعد بھارت نے بغیر کسی تحقیق کے پاکستان پر الزام تراشی کی، مگر وزیراعظم نے واقعے کی آزادانہ تحقیقات کی پیشکش کرکے پاکستان کا مؤقف مضبوطی سے پیش کیا، جس کی دوست ممالک نے بھی بھرپور تائید کی۔
انہوں نے کہا کہ فیلڈ مارشل عاصم منیر کی قیادت میں پاکستان نے اپنے سے چار گنا بڑی طاقت کو سفارتی اور عسکری محاذ پر واضح شکست دی۔ ان کے مطابق بھارت کی جارحانہ پالیسی اب بھی جاری ہے اور حال ہی میں کوسٹ گارڈز نے ایک بھارتی جاسوس ملاح کو گرفتار کیا، جس نے بھارتی ایجنسیوں کی سازشوں کا اعتراف بھی کیا ہے۔
ان کا کہنا تھا کہ جب دشمن نے جنگ مسلط کی تو ہماری مسلح افواج نے منہ توڑ جواب دیا، جبکہ فضائیہ کا کردار اس معرکے میں سنہری حروف میں لکھا جائے گا۔
عطاء اللہ تارڑ نے کہا کہ وزیراعظم کے دورۂ سعودی عرب کے دوران معاشی و اسٹریٹجک فریم ورک کا اجراء پاکستان کے لیے اہم پیشرفت ہے، حکومت کا ہدف بیرونی سرمایہ کاری میں اضافہ اور وسط ایشیائی ریاستوں کے ساتھ تجارتی روابط کو فروغ دینا ہے، تاکہ پاکستان معاشی ترقی کی نئی بلندیوں کو چھو سکے۔
ایلون مسک نے وکی پیڈیا کے مقابل متبادل پلیٹ فارم ’گروکی پیڈیا‘ متعارف کردیا