اپوزیشن کے ساتھ مل کر عید کے بعد احتجاج کریں گے، جنید اکبر
اشاعت کی تاریخ: 20th, February 2025 GMT
جنید اکبر(فائل فوٹو)۔
تحریک انصاف خیبر پختونخوا (کے پی) کے صدر جنید اکبر نے کہا ہے کہ جیل والے ملاقات کرنے دیں یا نہ دیں، بانی پی ٹی آئی جب بلائیں گے ہم آئیں گے۔ اپوزیشن کے ساتھ مل کر عید کے بعد احتجاج کریں گے۔
راولپنڈی اڈیالہ جیل کے باہر گفتگو کرتے ہوئے جنید اکبر نے کہا کہ میں پیغام لے کر نہیں پیغام لینے آیا ہوں، شیر افضل مروت دوست ہے، میں نے اس کے بارے جو بات کی وہ بانی کو بھی بتاؤں گا۔ ملاقات کےلیے لوگ چاہتے ہی نہیں ہم ٹائم پر پہنچیں۔
انہوں نے کہا کہ اپوزیشن کا گرینڈ الائنس بنانے میں کامیاب ہوں گے، ملاقاتیں جاری ہیں۔ اپوزیشن کے ساتھ مل کر عید کے بعد احتجاج کریں گے۔
صدر تحریک انصاف کے پی جنید اکبر کا مزید کہنا تھا کہ تھپڑ مارنا انتہائی غلط بات ہے، اختلاف رائے ہر بندے کا حق ہے لیکن اس طرح کی چیزوں کی حمایت نہیں کرتے۔
.ذریعہ: Jang News
کلیدی لفظ: جنید اکبر
پڑھیں:
برطانیہ: ٹرین میں چاقوزنی کی واردات، 10 افراد زخمی، 9 کی حالت تشویشناک
لندن: (ویب ڈیسک) برطانیہ کے کیمرج شائر کے علاقے میں چاقو حملے کے نتیجے میں ٹرین میں سوار 10 افراد زخمی ہو گئے جن میں سے 9 کی حالت تشویشناک ہے۔غیر ملکی خبر ایجنسی نے پولیس کے حوالے سے بتایا کہ یہ افسوسناک واقعہ ڈانکاسٹر سے لندن کنگز کراس جانے والی ٹرین میں پیش آیا، واقعے کے فوری بعد پولیس نے ہنٹنگڈن سٹیشن پر کارروائی کرتے ہوئے 2 مشتبہ افراد کو گرفتار کر لیا، پولیس نے واقعے کو بڑا حادثہ قرار دیا اور کہا انسدادِ دہشت گردی کے ماہر افسران تحقیقات میں معاونت کریں گے۔
ایک عینی شاہد نے پولیس کو بتایا کہ میں نے ایک شخص کو دیکھا جو خون آلود بازو کے ساتھ بوگی کے اندر بھاگ رہا تھا اور چیخ رہا تھا، ان کے پاس چاقو ہے، بھاگو، اس کے فوراً بعد ایک اور شخص زمین پر گرا ہوا نظر آیا۔وزیراعظم کیئر سٹارمر نے واقعے پر گہری تشویش کا اظہار کرتے ہوئے کہا کہ یہ واقعہ انتہائی پریشان کن ہے، اس کے ساتھ ہی انہوں نے عوام سے اپیل بھی کی کہ وہ مقامی حکام کی ہدایات پر عمل کریں اور افواہوں سے گریز کریں۔
راولپنڈی میں استاد کا طالبعلم پر تشدد، کتاب نہ لانے پر بازو توڑ دیا