محمد عامر نے شاہین آفریدی کے بولنگ ایکشن میں غلطی بتادی
اشاعت کی تاریخ: 22nd, February 2025 GMT
فاسٹ بولر محمد عامر نے شاہین آفریدی کے بولنگ ایکشن میں غلطی بتادی۔ نجی ٹی وی پروگرام میں فاسٹ بولر محمد عامر نے اسٹیج پر کھڑے ہوکر سمجھایا کہ شاہین انجری کے بعد سے اب تک کیا غلطی کررہے ہیں، اسے ٹھیک کیا جاسکتا ہے۔ انہوں نے نوٹ کیا کہ جیسے ہی شاہین گیند کرنے کے لیے کریز تک پہنچتا ہے تو اس کا لینڈنگ پاؤں کھل جاتا ہے۔ عامر نے واضح کیا کہ اس غلط ترتیب کی وجہ سے اس کی ڈلیوری کی قوت ہدف پر رہنے کی بجائے پھیل جاتی ہے جو بالآخر اس کی ان سوئنگ ڈیلیوری کو متاثر کرتی ہے۔عامر نے نوجوان گیند بازوں میں عام غلط فہمی کی وضاحت کی کہ ڈیلیوری کی طاقت صرف بازو سے آتی ہے۔ انہوں نے اس بات پر زور دیا کہ حقیقی قوت گیند کرتے ہوئے باڈی کی الائمنٹ سے پیدا ہوتی ہے۔انہوں نے مزید وضاحت کی کہ اگر ایک باؤلر کا سر ایکشن کے دوران ایک طرف ہو جاتا ہے تو اس سے ان کا توازن بگڑ جاتا ہے اور اس کے نتیجے میں اس کی ڈیلیوری کی طاقت ختم ہو جاتی ہے۔پروگرام میں شامل سابق کپتان راشد لطیف کا کہنا تھا کہ شاہین آفریدی بائیں ہاتھ سے بیٹنگ کرنے والے بیٹر کے خلاف بہتر گیند کرتے ہیں اس لیے انہیں کامیابی ملتی ہے لیکن دائیں ہاتھ کے بیٹر کے خلاف انہیں وہ سوئنگ نہیں مل رہا جو پہلے ملا کرتا تھا۔ انہوں نے مزید کہا کہ بولنگ ایکشن میں تھوڑے ردوبدل کی ضرورت ہے، شاہین کے بولنگ ایکشن پر کوچز کو توجہ دینی چاہیے تھی۔
.ذریعہ: Nawaiwaqt
پڑھیں:
کوہلی کی رائل چیلنجز اور آفریدی کی لاہور قلندرز کا تصادم: مگر کہاں؟
ورلڈ کلب چیمپئن شپ ایونٹ 2026 میں منعقد کرائی جانے والی ہے۔ یہ عالمی ٹی 20 ٹورنامنٹ طویل عرصے سے منقطع چیمپئنز لیگ ٹی 20 (سی ایل ٹی 20) سے متاثر ایونٹ ہے۔
اس ایونٹ میں دنیا بھر میں منعقد ہونے والی صفِ اول کی فرنچائز لیگر سے چیمپئنز ٹیمیں آمنے سامنے آئیں گی۔ ان لیگز میں انڈین پریمیئر لیگ (آئی پی ایل)، پاکستان سپر لیگ (پی ایس ایل)، بِگ بیش لیگ (بی بی ایل) ایس اے 20 اور دی ہنڈریڈ شامل ہیں۔
اگرچہ کو اس کو سی ایل ٹی 20 کے طرز پر ڈیزائن کیا گیا ہے، لیکن نئے ورژن میں بڑے پیمانے پر نمائندگی، زیادہ مفاد اور عالمی سطح پر ایک بڑی آڈینس متوقع ہے۔
سی ایل ٹی 20 کے منقطع ہونے کے بعد سے ٹی 20 میں واضح اضافہ ہوا ہے اور تقریباً ہر بڑا کرکٹنگ ملک اپنی کامیاب فرنچائز منعقد کرا رہا ہے۔
بی سی سی آئی اور ای سی بی سمیت ٹاپ کرکٹ بورڈ اس کلب چیمپئن شپ کی واپسی کی حمایت میں ہیں۔ آئی سی سی چیئرمین جے شاہ بھی اس اقدام کے حق ہیں۔ جبکہ انگلش کرکٹ بورڈ کے سی ای او رچرڈ گولڈ نے اس بات کی تصدیق کہ منصوبہ حتمی مراحل میں اور خواتین کے ایڈیشن پر بھی غور کیا جا رہا ہے۔
یورپ شدید گرمی کی لپیٹ میں، درجہ حرارت 40 ڈگری تک پہنچ گیا