فنانس ایکٹ 2015ء کی شق 7 آئین سے متصادم ہونے پر کالعدم
اشاعت کی تاریخ: 23rd, February 2025 GMT
اسلام آباد(آن لائن)اسلام آباد ہائی کورٹ نے فنانس ایکٹ 2015ء کی شق 7 کو آئین کے متصادم گردانتے ہوئے کالعدم قرار دے دیا۔آڈیٹر جنرل آرڈیننس 2001ء میں فنانس ایکٹ کے ذریعے ترمیم کے خلاف درخواست پر تفصیلی فیصلہ اسلام آباد ہائی کورٹ کے جسٹس ارباب محمد طاہر نے جاری کیا۔عدالت نے اس قانون کے تحت کیے گئے تمام احکامات اور
کارروائیاں بشمول نوٹیفکیشنز کو بھی کالعدم قرار دے دیا۔تفصیلی فیصلے میں کہا گیا ہے کہ آئین ملک کا سب سے بڑا اور بنیادی قانون ہے، باقی قوانین اپنی طاقت آئین سے حاصل کرتے ہیں،اگر کوئی قانون اپنے دیے گئے اختیارات سے تجاوز کر جائے یا کسی آئینی شق کے خلاف ہو، تو اسے غیر آئینی یا آئین سے متصادم الٹرا وائرس قرار دیا جاتا ہے۔ فیصلے میں کہا گیا ہے کہ پارلیمنٹ آئین کے دیے گئے اختیارات کے تحت قوانین بناتی ہے اگر کوئی قانون آئین یا اصل قانون پیرنٹ ایکٹ سے متصادم ہو تو وہ قانون غیر مؤثر سمجھا جائے گا، کسی قانون کو آئینی ثابت کرنے کے لیے ضروری ہے کہ وہ منطقی، واضح اور عمومی قوانین یا آئین سے متصادم نہ ہو۔اسلام آباد ہائی کورٹ نے کہا کہ اگر بائی لاز بنانے میں قانونی طریقہ کار کی خلاف ورزی کی گئی ہو تو انہیں کالعدم کیا جاسکتا ہے، بائی لاز کسی دوسرے قانون سے متصادم ہوں یا اپنے بنیادی قانون کے خلاف ہوں تو انہیں کالعدم کیا جاسکتا ہے، مبہم، غیر واضح، غیر معقول اور غیر منطقی ہونے کی بنیاد پر بائی لاز کو کالعدم قرار دیا جا سکتا ہے۔
ذریعہ: Jasarat News
کلیدی لفظ: اسلام ا باد
پڑھیں:
اسلام آباد میں داخل ہونے والی تمام گاڑیوں پر ایم ٹیگ لگانا لازمی ہوگا: چیئر مین سی ڈی اے کی زیر صدارت اجلاس میں فیصلہ
اسلام آباد میں داخل ہونے والی تمام گاڑیوں پر ایم ٹیگ لگانا لازمی ہوگا: چیئر مین سی ڈی اے کی زیر صدارت اجلاس میں فیصلہ WhatsAppFacebookTwitter 0 23 July, 2025 سب نیوز
اسلام آباد(آئی پی ایس ) چیئرمین سی ڈی اے و چیف کمشنر اسلام آباد محمد علی رندھاوا کی زیر صدارت سی ڈی اے ہیڈکوارٹرز میں ایک اہم اجلاس منعقد ہوا۔ اجلاس میں سی ڈی اے بورڈ کے ممبران متعلقہ ڈی جیز، ڈپٹی کمشنر اسلام آباد، ایکسائز اینڈ ٹیکسیشن آفیسرز، آئی سی ٹی اور دیگر سنئیر افسران نے شرکت کی۔
اجلاس میں اسلام آباد میں ڈیجیٹل پارکنگ، گاڑیوں پر ایم ٹیگ کا نفاذ اور کیش لیس ٹرانزیکشنز پر تبادلہ خیال کیا گیا۔ اجلاس میں فیصلہ کیا گیا کہ اسلام آباد میں داخل ہونے والی تمام گاڑیوں پر ایم ٹیگ لگانا لازمی ہوگا۔ ایم ٹیگ کے بغیر کسی بھی گاڑی کو اسلام آباد میں داخلے کی اجازت نہیں دی جائے گی۔ اسکے علاوہ ڈیجیٹل پارکنگ کا نفاذ عمل میں لایا جائے گا۔ اسکے علاوہ پارکنگ میٹرز لگائے جائیں گے۔ رش والی جگہوں پر پارکنگ کے چارجز زیادہ ہونگے۔
چیئرمین سی ڈی اے و چیف کمشنر اسلام آباد محمد علی رندھاوا نے ٹریفک سروے، اسلام آباد میں روزانہ کی بنیاد پر داخل اور خارج ہونے والی گاڑیوں کا سروے کرنے کی ہدایت کی۔ انہوں نے کہا کہ اسلام آباد میں ڈیجیٹل پارکنگ سسٹم کا آغاز کیا جاچکا ہے۔ اس نظام کو مزید مثر بنانے کیلئے جہاں ایک موبائل ایپ یا آن لائن پلیٹ فارم متعارف کرایا جائے گا جسکے زریعے شہری پارکنگ کی جگہ کیس لیس ٹرانزیکشنز کے زریعے سے ہی پارکنگ کی جگہ بک کروا سکیں گے اس سے نہ صرف وقت کی بچت ممکن ہوگی بلکہ سڑکوں پر ٹریفک کے دبا میں بھی کمی آئے گی۔
انہوں نے کہا کہ اسلام آباد کے مختلف تجارتی مراکز اور معروف علاقوں میں شہری ڈیجیٹل طریقے سے پارکنگ کرسکیں گے اس سسٹم کے تحت شہری موبائل ایپ یا کیو آر (QR) کوڈ کے ذریعے اپنی پارکنگ فیس ادا کرسکیں گے۔ اس جدید نظام سے پارکنگ کی تلاش میں وقت کے ضیاع کے خاتمے میں مدد کے علاوہ غیر قانونی پارکنگ پر قابو پانے میں بھی مدد ملے گی۔ انہوں نے کہا کہ سی ڈی اے ون ونڈو فیسلییٹیشن سینٹر پر کیش لیس پیمنٹ سسٹم متعارف کروا رہا ہے وہاں اب شہری مختلف خدمات جیسے پارکنگ فیس، فیسوں کی ادائیگی، پراپرٹی اور بجلی کے بلز کی ادائیگی موبائل ایپس، بینک کارڈز یا کیو آر (QR) کوڈز اسکین کرکے کرسکیں گے جسکے لئے جدید ڈیجیٹل سسٹم متعارف کروایا جائے گا۔
چیئرمین سی ڈی اے محمد علی رندھاوا نے کہا کہ ہم اسلام آباد کو سیف سے سمارٹ شہر بنانے کیلئے کوشاں ہیں۔ ایم ٹیگ کے نفاذ، ڈیجیٹل پارکنگ اور کیش لیس نظام سے نہ صرف عوام کو پارکنگ کے مسائل کو حل کرنے میں مدد ملے گی بلکہ اسلام آباد کی مجموعی سیکورٹی کی صورتحال میں بھی بہتری آئے گی بلکہ ڈیجیٹل پارکنگ، ایم ٹیگ اور کیش لیس ٹرانزیکشنز کے نظام جیسے اقدامات کی بدولت اسلام آباد کو جدید سمارٹ اور مثالی دارالحکومت بنانیمیںمددملیگی۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرنومئی کیس میں 10، 10سال کی سزا پانے والے پی ٹی آئی رہنماوں کا ردعمل سامنے آگیا روانڈا کی ہائی کمشنر کی چیئرمین سی ڈی اے سے ملاقات،دوطرفہ تعاون کو مزید مضبوط بڑھانے پر تبادلہ خیال بلوچستان میں غیرت کے نام پر ایک اور جوڑا موت کے گھاٹ اتار دیا گیا چھبیسویں ترمیم معاہدہ: حکومت وعدے پر قائم نہیں رہتی تو ہمیں عدالت جانا ہوگا، مولانا فضل الرحمان وزیراعظم سے برطانوی ہائی کمشنر کی ملاقات، پاک برطانیہ تعلقات پر تبادلہ خیال ایم کیو ایم رہنما فضل ہادی کے قتل پر شدید ردعمل، قاتلوں کی گرفتاری کا مطالبہ سی ڈی اے افسران کو زرعی پلاٹ کی منتقلی کیلئے خلیجی ملک جانے سے روک دیا گیاCopyright © 2025, All Rights Reserved
رابطہ کریں ہمارے بارے ہماری ٹیم
پاکستان اسٹاک ایکسچینج میں تیزی، 100 انڈیکس ریکارڈ سطح پر، ڈالر سستا ہوگیا