چین میں نمبر 1 مرکزی دستاویز 2025 کا اجراء
اشاعت کی تاریخ: 23rd, February 2025 GMT
کمیونسٹ پارٹی آف چائنا کی 18ویں قومی کانگریس کے بعد سے 13ویں نمبر 1 مرکزی دستاویز اتوار کے روز جاری کر دی گئی ، جس میں دیہی اصلاحات کو مزید گہرا کرنے اور جامع دیہی احیاء کو صحیح معنوں میں آگے بڑھانے کی تجویز پیش کی گئی۔مرکزی دستاویز کا عنوان ہے “دیہی اصلاحات کو مزید گہرا کرنے اور جامع دیہی احیاء کو صحیح معنوں میں آگے بڑھانے کے بارے میں کمیونسٹ پارٹی آف چائنا کی مرکزی کمیٹی اور چین کی ریاستی کونسل کی رائے”، اور اس کا مکمل متن چھ حصوں پر مشتمل ہے۔ اس میں اناج اور دیگر اہم زرعی پیداوار کی فراہمی کی صلاحیت میں مسلسل اضافہ جاری رکھنا، غربت کے خاتمے کے ثمرات کو مضبوط بنانا اور وسعت دینا، لوگوں کو خوشحال بنانے کے لئے کاؤنٹی سطح کی صنعتوں کو مضبوط بنانے پر توجہ مرکوز کرنا، دیہی تعمیر کو فروغ دینے پر توجہ مرکوز کرنا، دیہی حکمرانی کے نظام کو بہتر بنانے پر توجہ دینا، اور عوامل کی ضمانت اور بہتر تقسیم کے لئے نظام اور میکانزم کو بہتر بنانا شامل ہے۔
نمبر 1مرکزی دستاویز میں کہا گیا ہے کہ چینی طرز کی جدیدکاری کے حصول کے لیے ضروری ہے کہ جامع دیہی احیاء میں تیزی لائی جائے۔ جامع دیہی احیاء کو فروغ دینے ، ایک مضبوط زرعی ملک کی تعمیر ، اصلاحات و کھلے پن اور سائنسی و تکنیکی جدت طرازی کو محرک قوت کے طور پر فروغ دینےاور بنیادی دیہی انتظامی نظام کو مستحکم اور بہتر بنانے کے لئے “چھیئن وان پروجیکٹ” کے تجربے کا گہرائی سے مطالعہ اور اطلاق ضروری ہے۔ہمیں قومی غذائی تحفظ اور بڑے پیمانے پر غربت کی جانب واپسی کو موثر طور پر کنٹرول کرتے ہوئے دیہی صنعت کی ترقی، دیہی تعمیر اور دیہی حکمرانی کے معیار کو بہتر بنانا ہوگا اور زرعی کارکردگی، دیہی قوت محرکہ اور کسانوں کی آمدنی کو فروغ دینے کے لئے ہر ممکن کوشش کرنی ہوگی ۔
ذریعہ: Daily Mumtaz
پڑھیں:
پاکستان اور کینیڈا کا ہائبرڈ بیج، لائیو اسٹاک کی افزائش میں تعاون بڑھانے پر غور
اسلام آباد:پاکستان اور کینیڈا نے ہائبرڈ بیج، لائیو اسٹاک کی افزائش اور فیڈ فارمولیشن میں تعاون بڑھانے پر غور شروع کر دیا۔
پاکستان اور کینیڈا کے درمیان زرعی تعاون کے فروغ پر اتفاق کیا گیا ہے جس کے لیے ایس آئی ایف سی زرعی شعبہ میں ترقی اور جدت کے لیے کوشاں ہیں۔
وفاقی وزیر برائے غذائی تحفظ رانا تنویر حسین اور کینیڈین ہائی کمشنر طارق علی خان زرعی تعاون کے فروغ کے لیے پرعزم ہیں۔ وفاقی وزیر نے پاکستان میں زرعی مشینری کی مقامی تیاری کے لیے مشترکہ منصوبوں کی بھی تجاویز دیں۔
کینولا کی کاشت سے زرعی پیداوار میں جدت، کسانوں کی آمدنی میں اضافہ اور عالمی مارکیٹوں تک رسائی ممکن ہوگی۔ کینیڈا کے ساتھ زرعی اور غذائی تحفظ میں شراکت داری سے پاکستان کی برآمدات کو عالمی سطح پر فروغ حاصل ہوگا۔
پاکستان اور کینیڈا نے سرٹیفکیشن، مارکیٹ تک رسائی اور تکنیکی تعاون کے لیے مشترکہ ورکنگ گروپ تشکیل دینے پر اتفاق کیا ہے۔
ایس آئی ایف سی کی مؤثر پالیسیاں غیرملکی سرمایہ کاروں کا اعتماد حاصل کر کے ملکی معیشت کو مزید مستحکم کرنے میں کوشاں ہیں۔
افغان مہاجرین کیخلاف کارروائیاں تیز کر دی جائینگی، ڈی سی کوئٹہ